Zawgyi
~~ကြာဖြူ~~
အပိုင်း(၃၂)"ခရာ..."
မျက်ရည်အရွဲသားနှင့်ငိုပြီးပြေးလာသော ခရာ့ကိုမြင်တော့ နက်ရှိုင်းအံ့သြသင့်စွာခေါ်လိုက်ရာ..
ခရာ့ခြေလှမ်းတွေတုန့်ခနဲ့ရပ်သွားပြီး
"ကိုကို.."
"ဘာဖြစ်လို့လဲ.."
သူမမဖြေ။ တစ်စုံတစ်ရာပင်ပန်းနာကျင်မူကို အတော်လေးချုပ်ထိန်းထားဟန်နှင့်..
"ခရာတစ်ယောက်ထဲနေချင်တယ်.."
"ဘယ်လို... ဘာဖြစ်သလဲ ကြာဖြူနဲ့ရောတွေ့ခဲ့လား"
"ကိုကိုခရာ့ကို ခဏလောက်လွတ်ထားပေးပါလား ကြာဖြူနဲ့ပတ်သက်ပြီးလည်း အခုမမေးသေးပါနဲ့နော် ခရာတောင်းပန်ပါတယ်.."
ခရာ့အသံကတုန်ယင်နေသလို ထူးထူးဆန်းဆန်းတင်းမာနေသဖြင့် ကိုကိုအံ့သြသွားပုံရသည်။ နားမလည်သလိုဖြစ်နေသောကိုကို့ကိုထားပြီး ခရာတစ်ယောက်တည်းရှိမည့်နေရာလေးသို့ ပြေးထွက်လာလိုက်၏။
ကိုကိုစိတ်ဆိုးသွားလည်း ခရာဂရုမစိုက်နိုင်တော့ပါ။ အခုချိန်မှာ ခရာငိုချင်နေတာပဲသိသည်။ အားရပါးရ ငိုပစ်ချင်တာတစ်ခုပဲ သိသည်။
"ဟင့်....ဟင့်"
ရင်ဘတ်တွေနာနေ၏။ အသည်းထဲထိအောင်နာပါသည်။ မျက်လုံးတွေပေါက်ထွက်လုမတက် ခရာငိုနေမိ၏။ ဘယ်လိုနှလုံးသားနှင့် သူမလက်ခံရမည်နည်း..။
ကြာဖြူဟာ ခရာ့အမေတစ်ယောက်တဲ့....
ဒီဖြစ်တည်မူက ရင်ကိုအစိပ်စိပ်အမွှာမွှာကွဲရှစေပါ၏။ ကြာဖြူဟူသောနာမည်တစ်ခုက သူမဘဝတစ်ခုလုံးကို ကျိန်စာသင့်စေခဲ့သည်။ ဘယ်သူမှန်းမသိခဲ့စဉ်ကတည်းက ခရာ့ဘဝကိုနာကျင်ဖွယ်အတိနှင့် ခါးသီးစေခဲ့၏။
နာမည်လေးတစ်ခုနှင့်တင် ဘယ်လောက်ခါးသက်ခဲ့ရလဲ။ ဘယ်လောက်များ နာကျင်ခဲ့ရသလဲ...
လူမှန်းသိတတ်စကတည်းက ကြာဖြူဆိုတာ ရင်ဘတ်ထဲကဒဏ်ရာအမာရွတ်တစ်ခု။ ဒီနာမည်တစ်ခါကြားတိုင်းတွဲပြီးရသည်က ဒဏ်ရာအပိုင်းအစများသား..
တစ်သက်လုံး မျှော်လင့်ချက်တစ်ခုအနေနဲ့ဆုပ်ကိုင်ပြီး ခရာဆိုသောဖြစ်တည်မူထက် အဆပေါင်းများစွာပိုချစ်မြတ်နိုးခဲ့ရသော ကိုကို့ဆီမှအမုန်းတွေအားလုံးရဲ့မြစ်ဖျားခံရာက "ကြာဖြူ"မဟုတ်လား...
အခုတော့ကြာဖြူကခရာ့အမေတဲ့လား...
ဘယ်မှာလဲ ချစ်ခြင်းမေတ္တာ...
ဘယ်မှာလဲ သနားကြင်နာမူတွေ..
တစ်ချိန်လုံးရခဲ့တာက "အကြောက်တရားတွေ"
မိဘဆိုတာဘယ်သူမှန်းမသိသည့်တိုင် ခရာတစ်ခါမှစိတ်မဝင်စားခဲ့ပါ။ ဘယ်သူမှအဖတ်မလုပ်သည့်ဘဝမှာပင် ကိုကို့ကိုပဲချစ်ဖို့ကြိုးစားပြီး ကျေနပ်စွာရှင်သန်ခဲ့သည်။ အခုတော့မမျှော်လင့်ထားတဲ့ အမှန်တရားတွေက ခါးသက်လွန်းလှပါသည်။
အကြောက်တရားတွေနှင့် နှိပ်စက်ပျော်ပါးခဲ့သမျှအဆုံးသတ်အဖြေက အမေတဲ့...
မတရားလိုက်တာ...
နာကျင်စွာအံကြိတ်လိုက်ပြီး မျက်ရည်တွေသုတ်ချပစ်လိုက်မိသည်။ သို့သော် မျက်ရည်တွေကကျဆင်းနေဆဲ...
ပင်လယ်ခရီးစဉ်တလျှောက်လုံး သူမဘေးနားရောက်လာတတ်ပြီး ကြင်နာနွေးထွေးစွာ ဂရုစိုက်ကာကွယ်ခဲ့သောအရိပ်တစ်ခုက ခရာ့"အဖေ"တဲ့....
သို့သော်ဝမ်းနည်းစရာကောင်းသည်က ဆုပ်ကိုင်ပြစရာမရှိသည့် အရိပ်တစ်ခုသပ်သပ်သာ။ ဝမ်းနည်းလို့ ရိူက်ငိုချင်ရင်တောင်တိုးဝင်လို့မရသော ရင်ခွင်တစ်ခု..
ပြီးတော့ အဖေဆိုတာ အမေဟုပြောသော ကြာဖြူရဲ့ကျိန်စာအောက်က ပိတ်လှောင်နေသည့်သားကောင်။ ဒါဆို သူမကရော....
အမုန်းတရားတွေကြားသားသတ်ဖို့အတွက် မွေးထားရုံသပ်သပ်သာဖြစ်မည်ထင်သည်။ မတော်တဆလောကထဲရောက်လာပြီး ဒီဝဋ်ကြွေးတွေအားလုံးကို တမင်တကာလည်စင်းခံနေရသည့် သနားစရာကောင်းသော လူသား...
ထိုထက်ပိုဆိုးဝါးသည်က "ကြာဖြူ"နှင့်သူမ၏ဖြစ်တည်မူကိုသိသွားပါက ကိုကိုကရောဘယ်လိုတုန့်ပြန်မှာလဲ။ သေချာပါတယ်..... ဘယ်သောမှမနီးစပ်ခဲ့တဲ့ကိုကိုနဲ့သူမကြား တကယ်ကိုကမ္ဘာခြားအောင် ဝေးကွာသွားပါမည်။
ခရာထပ်ရလာမည့်အမုန်းတွေ..အမုန်းတွေ
အို...ဘုရားရေ နာလိုက်တာ...
ဒီအတွေးတွေနှင့်ရင်တစ်ခုလုံး စူးစူးဝါးဝါးအောင့်ကာ နာကျင်လာ၏။ ထွက်ပေါက်မရှိသည့်နာကျင်မူအတွက် ခရာ ငိုမြဲငိုနေမိသည်။ ဘယ်လောက်ထိတိုင် ရိူက်ငိုနေမိသည် မသိတော့ပါ..
"တော်သင့်ပြီထင်တယ် ခရာ.."
သိမ်မွေ့သောအသံတစ်ခုကြောင့် မျက်ရည်ကြားမှ ခရာမော့ကြည့်လိုက်သည်။ ခရာ့ကိုဘယ်ချိန်ကတည်းက ရပ်ကြည့်နေသည်မသိသောဈာန်..
"အစ်ကို.."
"အစ်ကိုရောက်တာတော်တော်ကြာပြီ ခရာငိုနေတာလည်းတော်တော်ကြာပြီ ဘာမှန်းမသိပေမယ့် ခရာစိတ်ပေါ့သွားအောင် ငိုပါစေဆိုပြီးလွတ်ပေးပြီး ကြည့်နေခဲ့တယ် ဒါပေမယ့် ခရာကအငိုမတိတ်ဘူးလေ.."
"အစ်ကို...ခရာလေ..."
ခရာအားကိုးရာတစ်ခုရသွားသည့် ကလေးတစ်ယောက်နှယ် သူ့ရင်ခွင်ထဲတိုးပြီး ငိုပြန်၏။ သူ့ရင်သည်ခဏတွင်းချင်းပင် သူမမျက်ရည်တွေနှင့် စွဲနစ်သွားတော့သည်။ သူ အလိုက်သင့်ပင် သူမကိုပြန်ဖက်ထားပေးသည့်တိုင် သူပါအလိုလိုနာကျင်နေမိသည်။
သူချစ်သောသူမမျက်ရည်တွေက သူ့ရင်ခွင်တစ်ခုလုံး စွန်းထင်နေခဲ့ပြီ မဟုတ်လား...
"ဘာတွေဖြစ်လို့ ဒီလောက်တောင်ဝမ်းနည်းပက်လက်ငိုနေရသလဲ ကလေးရယ်.."
ခရာတော်တော်နှင့်အငိုမတိတ်ပါ။ ဆက်မငိုနိုင်တော့အောင် ပင်ပန်းလာသည့်အခါမှ သူ့ကိုမျက်ရည်စိုသောမျက်ဝန်းများနှင့် မော့ကြည့်လာရင်း..
"အစ်ကို... ခရာ့ဘာအပြစ်တွေလုပ်ခဲ့လို့ ဒီဘဝမှာ ဒီလောက်ထိနာကျင်နေရသလဲဟင်.."
"ခရာရယ်..."
"ကြာ...ကြာဖြူကလေ ခရာ့မေမေတဲ့..."
"ဘယ်လို..."
မျှော်လင့်မထားသောစကားကြောင့် သူအံ့သြတုန်လူပ်သွားတော့ ခရာ့မျက်ဝန်းမှမျက်ရည်အချို့ ဆတ်ခနဲ့ ကြွေလွင့်သွားပြန်ပြီး...
"ကြာဖြူကခရာ့ကိုမွေးခဲ့တာတဲ့ အစ်ကိုရယ်.."
သူမကစို့စို့နင့်နင့်ပင် ခါးသီးလှသောဘဝလေးကို မျက်ရည်တွေနှင့်ပြောပြရှာ၏။ သူမပြောပြသော သူမ၏ဘဝမှန်လေးက ကာယရှင်မပြောနှင့် ဘေးလူဖြစ်သည့် သူ့ကိုပါလောင်မြိုက်ခံစားစေခဲ့ပါသည်။
"ဖြစ်ရလေ...ခရာရယ်"
သူမဘဝလေးက နာကျင်စရာကောင်းလွန်းလှပါလား။ မိဘဆိုတာ ဘယ်သူမှန်းမသိခဲ့ရင်တောင် ပိုပြီးကောင်းမွန်လိမ့်မည်။ အခုတော့....
မိဘနှစ်ပါး၏ဖြစ်တည်မူက သူမကိုရူးသွပ်မသွားစေသည်ကပင် ကံကောင်းလှပြီဟုပြောရမည်။ သူမ ဘယ်လောက်တောင် ဆောက်တည်ရာမဲ့နေရှာမလဲ....
"ကိုကိုကသာ ကြာဖြူနဲ့ခရာဘယ်လိုပတ်သတ်လဲဆိုတာသိသွားရင် ခရာ့ကိုပိုမုန်းသွားမှာ တစ်သက်လုံး မုန်းသွားတော့မယ်ထင်တယ် အစ်ကိုရယ်.."
"ကျွစ်..."
ဒီလိုအခြေအနေမှာတောင် ပူပင်နေသေးသည့်ခရာ့ကြောင့် သူမချင့်မရဲဖြစ်သွားရကာ..
"ခရာ.. ဒီပြသာနာတွေကြားမှာ ခရာကဘာမှမဆိုင်ပါဘူး အကြောင်းတရားရှိလို့ အကျိုးဆိုတာဖြစ်လာခဲ့တာ ဦးမင်းသန့်ကကြာဖြူကိုသတ်ခဲ့တယ် ဒါကြောင့် သူ့မိသားစုကျိန်စာသင့်ခဲ့ရတယ် ဒါကိုနက်ရိူင်းကိုကိုယ်ပြောပြမယ်"
"ဟင့်အင်းမပြောပါနဲ့ အစ်ကို..."
သူမအထိတ်တလန့်တားဆီးလိုက်တော့ သူနားမလည်နိုင်အောင်ဖြစ်သွားကာ
"ဘာဖြစ်လို့လဲ ခရာ.."
" ကိုကို့စိတ်ထဲမှာ ကိုကို့အဖေကဒီလိုအပြစ်တွေကျူးလွန်ခဲ့တယ်ဆိုတာ မသိစေချင်ပါဘူး ကိုကိုပိုပြီးခံစားရလိမ့်မယ် ကိုကိုခံစားရမှာကိုကိုအဖေ့ကြောင့်မဟုတ်သလို ခရာ့အတွက်ကြောင့်လည်းမဟုတ်ဘူး ကိုကို့အမေအတွက်ပါ ကိုကိုကမေမေခက်ကိုသိပ်ချစ်တယ် ဖေဖေဦးမင်းသန့်ကိုမေမေခက်ကလေ ကိုယ့်ကိုကိုယ်သတ်သေပစ်တဲ့အထိ ချစ်သွားခဲ့တယ် ဒီအဖြစ်ကို ကိုကိုကနာကျင်ခဲ့ရတယ် အခုအဖြစ်မှန်ကိုသိသွားခဲ့ရင် အသစ်လိုပြန်ခံစားရလိမ့်မယ် ကိုကိုနာကျင်ရမှာကို ခရာမကြည့်ရက်ဘူး အစ်ကို..."
"ဒါနဲ့များ ခရာရယ်..."
"ပြီးတော့ ခရာကကြာဖြူသမီးဆိုတာ ကိုကိုသိသွားခဲ့ရင် ခရာ့ကိုပိုမုန်းသွားလိမ့်မယ် ခရာနဲ့ကိုကို ပိုဝေးသွားရလိမ့်မယ် ခရာနဲ့ကိုကို့ရန်သူဖြစ်သွားမှာလေ ခရာ.. ခံနိုင်ရည်မရှိလောက်ဘူး အစ်ကိုရယ်"
"အမှန်တရားဆိုတာ ဖုံးကွယ်ထားလို့မရဘူးခရာ.."
"ခဏလေးဖြစ်ဖြစ် ဖုံးကွယ်ထားပေးပါ ခဏလောက်လေးပဲဖြစ်ဖြစ် ကိုကို့နားဆက်နေရရင် ခရာကျေနပ်ပါတယ် .."
ခရာရယ်... ဘာလို့ဒီလောက်တောင်....
သူစိတ်ပျက်လက်ပျက်ပင် ခေါင်းခါရမ်းမိသည့်တိုင် မျက်ရည်ကြားမှ မျှော်လင့်ချက်မျက်ဝန်းတို့ကိုလည်း မဖျက်ဆီးရက်ရာ..
"ကောင်းပြီး ဒီကိစ္စကိုကိုယ်မပြောဘူးဆိုတာ ခရာ့ကိုကတိပေးပါတယ်.."
"ကျေးဇူးတင်ပါတယ် အစ်ကိုရယ်.."
နူတ်ခမ်းနွမ်းနွမ်းလေးက ခပ်ယဲ့ယဲ့လေးဆိုရှာတော့ သူ့ရင်ထဲနင့်ခနဲ့ဖြစ်သွားသည်။ မျက်ရည်မခြောက်သေးသော ပါးလေးနှစ်ဖက်ကို ရင်နာနာနှင့်ပင် ဖွဖွလေးသုတ်ပေးရင်း
"တကယ်ဆို ခရာလည်းအမေဆုံးရူံးခဲ့ရသူပါ ခရာလည်းနစ်နာခဲ့ရသူပဲလေ.."
"ခရာကမွေးကတည်းက ဆုံးရူံးခဲ့ပြီးသားပါအစ်ကို ခရာ့ကိုကြာဖြူမွေးခဲ့ပေမယ့် ချစ်ခြင်းမေတ္တာမှမပါခဲ့တာ.."
"ခရာရယ်.."
"မေမေခက်ကကိုကို့ကိုချစ်လို့မွေးခဲ့တယ် မေမေခက်ကိုဆုံးရူံးရတာ ကိုကိုနာကျင်ဖို့ထိုက်တန်ပါတယ် ခရာနဲ့ကမတူပါဘူး ခရာကဘဝနှစ်ခုကြားမှာ မှားယွင်းပြီးဖြစ်တည်လာခဲ့တယ် ခရာ့ကိုမွေးခဲ့တာဖျက်ပစ်လို့မရလို့တဲ့သိလား ခရာ့ကိုကိုယ်ဝန်လွယ်ထားကတည်းက ကြာဖြူဟာဖေဖေနဲ့ချစ်ခဲ့တဲ့ပုလဲနတ်ရွာသူ မဟုတ်တော့ဘူး ကြာဖြူမင်းသမီးရဲ့စိတ်ဝိညာဉ်ဖြစ်သွားခဲ့ပြီ ဒါကြောင့် ဖေဖေနဲ့ရခဲ့တဲ့ကလေးအပေါ်လည်း ဘာစိတ်မှမရှိခဲ့ဘူးတဲ့အစ်ကို မွေးကတည်းကခုနှစ်နှစ်အရွယ်ထိ တစ်ခါမှတောင်မပွေ့ချီခဲ့ဖူးဘူးတဲ့လေ.."
ပြောရင်းနှင့်ပင် စို့နင့်တိမ်ဝင်သွားသောသူမအသံလေးကြောင့် သူစိတ်မကောင်းဖြစ်ရပြန်သည်။ သူမကိုထွေးပွေ့ထားသည့်လက်တွေကြား ခရာကတော့သိမ်ငယ်စွာ အသံတိတ်ငိုကြွေးနေဆဲ...
မိခင်တိုင်းကအတူတူပါပဲခရာရယ်လို့ပင် သူပြောမထွက်ရက်ပါ။ ကြာဖြူသည် ကြောက်စရာကောင်းသောအမုန်းတရားတွေ ပြည့်လျှံနေသည့် ကျိန်စာဆိုးတွေနှင့်မိန်းကလေး။
အချိန်ပြည့်သွေးဆာနေသော ထိုမိန်းကလေးထံမှ မိခင်တစ်ယောက်၏ အေးမြသည့်ချစ်ခြင်းမေတ္တာရှိနိုင်မည်လား..
သူမသည် ခရာ့ကိုအကြိမ်ကြိမ်အခါခါ ထိခိုက်နာကျင်စေခဲ့သည်မဟုတ်လား....
အတူတူပဲဟုပြောရမည်ကို တခြားသောမိခင်တွေကို သူအားနာပါသည်။ ခရာစိတ်ချမ်းသားအောင်လည်း ညာမပြောရက်ပါ။
ဘာလို့များအရွယ်နဲ့မမျှအောင် ဒီဒုက္ခတွေခါးစည်းခံစားနေရသလဲ ကလေးရယ်.. လောကကြီးက မင်းအပေါ်ရက်စက်လွန်းပါတယ်ကွာ
သူမအသက်လေးအခုမှရှိလှ ဆယ့်ရှစ်မပြည့်တပြည့်လေး။ ဒီအရွယ်လေးနဲ့ ဒီလောက်နာကျင်ခံစားနေရသည်။ နှလုံးသားမှာ ဘယ်လောက်ဒဏ်ရာတွေများနေရှာမလဲ...
ဟိုးငယ်ငယ်ကတည်းက အကြောက်တရားတွေနှင့်ဖက်တွယ်ပြီး ရှင်သန်လာခဲ့သည့်ကောင်မလေး။ အခုလည်း ကြည့်စမ်း.. ဘာအပြစ်မှလုပ်မထားဘဲနှင့် အမုန်းတွေကြားထဲ ဓားစာခံဖြစ်ကာ ငိုကြွေးနေရပြန်သည်။
သူမရသည့်လောကဓံက သူမအရွယ်နှင့်မမျှတတော့ပါ။ ငိုရင်းနှင့်သူ့ရင်ခွင်ထဲ နွမ်းလျစွာမှေးစက်သွားသော သူမမျက်နှာမို့မို့လေးကို ငုံ့ကြည့်ရင်း သူသက်ပြင်းတွေ အခါခါချနေမိတော့သည်။
"ကြာဖြူနဲ့ပတ်သက်ပြီး နက်ရိူင်းကိုကိုယ်မပြောပေမယ့် သူမင်းကိုနာကျင်အောင် ထပ်လုပ်လာရင်တော့ ကိုယ်သည်းခံမှာမဟုတ်တော့ဘူးခရာ... မင်းအတွက်ကိုယ်သည်းခံပေးနိုင်တော့မှာမဟုတ်ဘူး ခရာရယ်.."
ဈာန်တီးတိုးရေရွတ်လိုက်ရင်း ဟိုးအဝေးသို့ အဓိပ္ပာယ်မဲ့ငေးစိုက်ကြည့်နေမိသည်။ သူမအတွက်နာကျင်မူများဖြင့် သူ့ရင်သည်လည်း ဗလာနတ္တိနှင့်....။
သို့သော် သူသတိမထားမိသည်က သူတို့ကိုငေးစိုက်ကြည့်နေသည့်ခပ်လှမ်းလှမ်းက မျက်ဝန်းတစ်စုံ...
ထို့နောက်ကျေနပ်စွာပြုံးလိုက်သော နူတ်ခမ်းသားမျာ။ ပြီးနောက် တိတ်ဆိတ်စွာထွက်ခွာသွားတော့..
ဘာမှမသိစွာကျန်ခဲ့ရင်းနှင့် ...................
...............................................................
"ကိုနက်ရိူင်း.."
ခေါ်သံနှင့်အတူအနားရောက်လာသော အရိပ်တစ်ခုကြောင့် မော့ကြည့်လိုက်တော့ အလိုမကျမူတွေက ရင်ထဲတိုးဝင်လာသည်။
သူမကိုမြင်လျှင်ဘာကိုသဘောမကျမိမှန်းပင် မသိ။ ခရာ့ကိုအကြိမ်ကြိမ် နာကျင်အောင်လုပ်လို့လား။ သူကိုယ်တိုင်ကရော ခရာ့ကိုနာကျင်အောင် အမြဲလုပ်နေခဲ့သည်ပဲလေ။ သို့သော်တခြားသူတစ်ယောက် သူမကိုနာကျင်စေသည်ကိုတော့ ဘာကြောင့်မှန်းမသိ သူမနှစ်မြိုနိုင်တာ အမှန်ပင်။
စိတ်မပါစွာပင် သူပြုံးလိုက်ပြီး..
"ကိစ္စရှိလို့လား... မို့"
"ရှိတာပေါ့ သိပ်ကိုအရေးကြီးတဲ့စကားပြောစရာရှိတယ်"
"ဘာစကားမို့လဲ.."
မို့ကခနိုးခနဲ့အပြုံးနှင့်..
"အခုတလော ခရာက ကိုနက်ရှိုင်းကိုစိမ်းနေသလိုပဲနော် ခါတိုင်းလို သိပ်အနားကပ်တာမတွေ့ရဘူး တစ်ခုခုများ ဖြစ်ထားကြလို့လား.."
မို့စကားကြောင့် သူအလိုမကျစွာပင် မျက်မှောင်ကုပ်လိုက်မိသည်။ မို့က ဘာအဓိပ္ပာယ်နှင့်ဆိုမှန်းမသိသည့်တိုင် အခုရက်ပိုင်းခရာသူ့ကို ရှောင်နေခဲ့သည်မှာအမှန်။ ကြာဖြူနှင့်ကိစ္စသူတောင်းဆိုပြီးနောက်ပိုင်း ခရာ့ပုံစံကထူးဆန်းလာသည်။ ဝန်ထုပ်ဝန်ပိုးတစ်ခုထမ်းနေရသလို ပင်ပန်းနွမ်းနယ်ဟန်ရှိသော သူမဟန်လေးကြောင့် သူစိတ်မကောင်းသလိုပင် ခံစားမိသေးသည်။
သူတကယ်ပဲ သူမအပေါ်တရားရဲ့လားဆိုသော အတွေးများဖြင့် သနားသလိုဖြစ်ခဲ့သေး၏။ ဒီလောက်မာထန်နေခဲ့သည့်သူ့နှလုံးသားက ကရုဏာစိတ်လေးဝင်စေသည်အထိ ခရာ့ပုံစံက တကယ်ပင်ပန်းနာကျင်နေမှန်း သိသာထင်ရှားနေသည်။
"မင်းပြောမယ်ဆိုတဲ့စကားနဲ့ ဒါကဘာသက်ဆိုင်လို့လဲ"
အလိုမကျစိတ်ကြောင့် သူ့အသံကမာထန်သလိုဖြစ်သွားသည့်တိုင် သူမကအပြုံးမပျက်ပင်..
"သိပ်ဆိုင်လို့မေးတာပေါ့ ကိုနက်ရှိုင်းရဲ့ အဲ့ဒီနေ့က ခရာတစ်ခုခုကိုသေချာသိခဲ့တယ် သူရှင့်ကိုဘာမှပြန်မပြောဘူးလာ"
"မင်း..ဘာကိုဆိုလိုချင်သလဲ."
"ကြာဖြူဆီရှင်သူ့ကိုလွတ်လိုက်တဲ့နေ့လေ အင်း ကြည့်ရတာ သူရှင့်ကိုဘာမှမပြောဘူးထင်တယ် အင်းလေး ပြောလို့မဖြစ်တဲ့ကိစ္စမို့ တမင်ဖုံးကွယ်တာလည်း ဖြစ်နိုင်ပါတယ်.."
ခနဲ့ဆန်လှသောမို့စကားများက သူ့ကိုပို၍စိတ်ရူပ်ထွေးသွားစေသလို ရင်ထဲလည်းစနိုးစနောင့်ဖြစ်မိကာ..
"ရှင်းအောင်ပြောပါ.. ကိုယ်သိပ်စိတ်မရှည်ဘူး"
"ဟုတ်ပါပြီ .. အဲ့ဒီနေ့မှာ ခရာရှင်ခိုင်းတာမလုပ်ခဲ့ဘူးမဟုတ်လား ဘာဖြစ်လို့လဲသိလား ကြာဖြူနဲ့ပတ်သတ်ပြီး သူတစ်ခုခုသိခဲ့ရလို့ပဲ.."
"တစ်ခုခု..."
"ရှင့်အတွက်တော့စိတ်မကောင်းပါဘူး သူသိခဲ့တဲ့အရာက သူ့ဘဝမှန်ဖြစ်နေတယ်လေ တကယ်တော့ ကြာဖြူကခရာ့ရဲ့အမေပဲ နက်ရှိုင်း.."
"ဘာ....."
"ဟုတ်တယ် ခရာကကြာဖြူရဲ့တစ်ဦးတည်းသောသမီးဆိုတာ သူရှင့်ကိုမပြောဘဲ လိမ်ထားတယ်ထင်တယ်"
မယုံကြည်ခြင်းတို့ဖြင့် သူအံ့သြတုန်လူပ်နေတော့ မို့က သဘောကျစွာရယ်လိုက်ပြီးနောက်..
"တကယ်တော့ မို့လည်းမတော်တဆကြားခဲ့လိုက်ရတာပါ သူဈာန့်ကိုပြောပြနေတဲ့အချိန် အခန့်မသင့်ဘဲ မို့အဲ့ဒီနားမှာရှိနေလို့သိခဲ့ရတယ်.."
ထို့နောက် မို့ကသူမကြားခဲ့သမျှကို နက်ရှိုင်းဒေါသတွေဆွပေးနိုင်ရန် ပိုပိုသာသာလေးပြောပြလိုက်သည်။ သို့သော် သူမတမင်ချန်ထားခဲ့သည့်အကြောင်းအရာက ကြာဖြူကို ဦးမင်းသန့်သတ်ခဲ့သည့်အကြောင်းပင်။
ဒါတွေပြောပြရန်မလိုပါ။ မို့ရဲ့အဓိကရည်ရွယ်ချက်က ခရာ့ကိုနာကျင်အောင် နက်ရိူင်းလုပ်ပစ်ဖို့ပင်။ နက်ရှိုင်းသာလျှင် ခရာ့ကိုနာကျင်အောင်လုပ်နိုင်သည်ကို
သူမခရာ့ကို အလွန်မုန်းတီးစက်ဆုပ်ပါသည်။ အထူးသဖြင့် ဈာန့်ရင်ခွင်ထဲမှာ သူမကိုမြင်လိုက်ရသည့်အခါဆွဲခါပြီး အသေသတ်ပစ်ချင်သည့်စိတ်ကို မနည်းထိန်းထားရ၏။ သူမရင်တစ်ခုလုံး စုတ်ပြတ်နာကျင်ရသကဲ့သို့ ခရာလည်းထပ်တူနာကျင်ရမည်။ အတွေးဖြင့် မုန်းတီးလွန်းစွာ အံကိုတင်းတင်းကြိတ်ထားရင်း လေသံမပျက်အောင်ထိန်းထားပြီးနောက်
"ဘာဘဲဖြစ်ဖြစ် ကိုနက်ရှိုင်းလည်းသိသင့်တယ်ထင်လို့ မို့ကစေတနာနဲ့လာပြောတာပါ အခုလိုအရူးလုပ်ခံထားရမှန်းသိတော့ တကယ်စိတ်မကောင်းဘူး.."
"မင်းတော်လိုက်တော့.. မို့.."
"ဟင်း ဟင်း သနားစရာကောင်းအောင်ဟန်ဆောင်ပြီး မျက်ရည်ချူပြထားတာတော့ တကယ်တော်တယ် သူ့ကိုအရိုးခံလေးလို့ပဲထင်နေတာ စေတန် ဈာန်တင်မကဘူး နောက်ဆုံးတော့ ရှင်ကပါ သူ့လှည့်ကွက်ထဲရောက်နေခဲ့တယ်.. ကွယ်ရာမှာသူတို့သားအမိရှင့်ကို ဟားနေမလားပဲနော် "
"တောက်..."
အသားတွေတဆက်ဆတ်တုန်ယင်ကာ ဒေါသထွက်နေသောနက်ရှိုင်းကြောင့် သူမမြင်အောင်မို့နူတ်ခမ်းတွန့်ရုံလေး ကျေနပ်စွာပြုံးလိုက်ရင်း..
"အင်းလေ ကြာဖြူကသူ့အမေဖြစ်နေတော့ သမီးပဲ ကိုယ့်အမေကိုပြန်ကာကွယ်ပေးမှာပေါ့ ဒါပေမယ့် ရှင့်အမေသေခဲ့ရတာကို သူမေ့နေပုံရတယ်"
မို့စကားတွေကသူ့ရင်ထဲကို မြှားအစင်းလိုက်ထိုးစိုက်သကဲ့သို့ ထိမှန်သွားပုံရသည်။ ဒေါသကြောင့် တင်းမာခက်ထန်လာသောမျက်နှာက သူမကိုပါ ရင်ထဲစိမ့်ခနဲ့ ဖြစ်သွားစေသည်အထိပင်။ မည်သို့ပင်ဖြစ်စေ လောင်စာကိုဓါတ်ဆီလောင်းကာ မီးရိူ့ပေးခဲ့ပြီးပြီမို့ သူမထိုနေရာမှကျေနပ်စွာပင် ထွက်လာခဲ့တော့သည်။
ကျန်ခဲ့သည့်နက်ရှိုင်းတစ်ယောက်မှာတော့ ဒေါသတွေတဟုန်းဟုန်းတောက်လျှက်...
"တောက်...ခရာ မင်းကများငါ့ကို..."
မထိန်းနိုင်သည့်ဒေါသများဖြင့် နံရံကိုလက်သီးဖြင့် အဆက်မပြတ်ထိုးနေမိသည်မှာ သွေးများ ရဲခနဲ့ဖြစ်သွားသည်အထိပင်။
"မင်းက ကြာဖြူရဲ့သမီးတဲ့လား..."
နာကျဉ်းမူကြောင့် သူ့အသံတွေလိူက်ခါနေမည်လား။ သေချာသည်ကဘာမှမသိဘဲ သူမအပေါ် သနားကရုဏာသက်မိသည့်အဖြစ်က ခါးသီးစက်ဆုပ်ဖွယ်ကောင်းသော ရှက်ရွံ့ခြင်းများဖြင့် ရင်ထဲနင့်နေအောင် ခံစားစေသည်။ သနားစဖွယ်မျက်နှာနှင့်မာယာများကာ ကွယ်ရာမှာ ဘယ်လောက်ကျိတ်ပျော်နေမှာလဲ
"တောက်..."
ဒေါသတွေအမုန်းတွေနာကျဉ်းချက်တွေဖြင့် လက်သီးတွေကျစ်ကျစ်ပါအောင် ဆုပ်ထားမိပြီးနောက်..
"ကောင်းပြီ မိုးနတ်ခရာ မင်းနဲ့ငါကရန်သူပဲ မင်းကိုမင်းအမေရှေ့မှာ ငါကောင်းကောင်းနှိပ်စက်ပြမယ် မင်းဒီထက်မက အဆမတန်နာကျင်စေဖို့ ငါကတိပေးတယ်.."
ဒေါသများနှင့်ကြိမ်းဝါသံအဆုံးဌက်များက အလန့်တကြားထပျံသွားရင်း...
လှပသောဥယျာဉ်လေးကတော့ စိတ်မသက်သာဟန်ဖြင့် ငြိမ်သက်တိတ်ဆိတ်နေခဲ့၏။ အမုန်းတွေအောက်မှာ နှလုံးသားတွေကတော့ ပျောက်ဆုံးနေဆဲ..
ဘယ်လောက်ပူလောင်ကြဦးမှာလဲ... ပြီးတော့ဘယ်လောက်နာကျင်ရဦးမှာလဲ...
ချစ်ခြင်းမေတ္တာတွေကင်းမဲ့နေခဲ့လေတော့ ဘယ်အရာကများ လူသားဆန်ပါဦးမည်နည်း.။
.............. ........................... ..............
![](https://img.wattpad.com/cover/245676166-288-k714195.jpg)
YOU ARE READING
ကြာဖြူ(ကွာဖွူ)
Fantasy"ကြာဖြူ ငါတို့သေခြင်းတရားမှာ မင်းအငြိုးတွေပြေပါစေတော့" ပင်လယ်ဒဏ္ဍာရီတွင်ကြောက်စရာအကောင်းဆုံးသော ကျိန်စာဆိုးများနှင့်ကြာဖြူပုံပြင်... သို့သော်လွန်ခဲ့သောနှစ်သုံးရာတွင် အမှန်တကယ်ဖြစ်ခဲ့သော ရင့်နင့်စရာကြာဖြူမင်းသမီး၏ ဒဏ္ဍာရီတစ်ပုဒ်။ ဤဒဏ္ဍာရီတွင် သဘောင်စကား...