Unicode
"Philo... မနက်ဖြန် ရှင်း ခွင့်ယူမယ်နော်"
"ဘာအတွက်လဲ ရှင်း"
နားရက်မို့ Hotel ရှိ ရေကူးကန်တွင် Philonicက အနားယူလျက်ရှိနေကာ ရှင်းကလည်း ခုံလေးတွင် ထိုင်လျက် အအေးခွက်လေးကိုင်ထားပါ၏။
"မာမီနဲ့ သွားတွေ့မလို့"
ရှင်းဖြေတော့ philoက အံ့သြသွားဟန်ဖြင့် ရေကန်ဘောင် ပေါ်ပြန်တတ်လာကာ သဘက်လေးကိုခြုံထားလိုက်လေသည်။
"မာမီ နဲ့ တွေ့နိုင်သွားပြီပေါ့.... ဘယ်ကသတ္တိတွေနဲ့လဲ?"
ထူးထူးကဲကဲ သေဆုံးသည့်နှစ်ပတ်လည်ပင် တစ်ကြိမ် တစ်ခါတောင် မသွားခဲ့တာမို့ သူစပ်စုချင်နေမိသည်။
"မဆုံးရှုံးချင်တော့တဲ့ သတ္တိလို့ထင်တာပဲ .... "
ရှင်းက အအေးခွက်လေးအား လက်နှစ်ဖက်ဖြင့်ဆုပ်ကိုင် ထားရင်း အားတင်းထားသည့်အပြုံးတို့ဖြင့်ပြောလာ၏။ အကယ်၍များ ဒယ်ဒီကိုသာ ဆက်ဆုံးရှုံးရဦးမယ်ဆိုရင်...
အလဟသတ်လျှောက်ခံစားနေမိတဲ့ ခံစားချက်တွေက ဘာအရေးပါတော့မှာမို့လို့လဲ။
"အရင်လို ဒယ်ဒီလုပ်ကျွေးတဲ့ သီးစုံထမင်းလေး မစားရေတာ့မှာကြောက်တယ် ၊ လမ်းဘေးက ဝက်သားတုတ်ထိုးစားချင်
တယ်လို့ ပူဆာရင် သူ့ဟာသူအန်ရလွန်းလို့ဆေးရုံပဲ ရောက်ရောက် လိုက်ဝယ်ကျွေးမယ့် ပါးပါးကို ခေါ်သွားခွင့် မရတော့မှာကြောက်တယ် ...ပြီးတော့..."
စကားကိုဆက်မပြောပဲ ရပ်လိုက်ပါလျှင် philoက ပို၍ပင်အာရုံစိုက်ကာ နားထောင်ပေးနေလေသည်။ ရှင်းသည် အတိတ်ကိုလွှမ်းဆွတ်မိရင်း....ချစ်သူတစ်ဦ ထက် အစ်ကိုတစ်ယောက်လို စောင့်ရှောက်ပေးခဲ့သည့်
ပါးပါးပုံရိပ်တွေပြန်မြင်ယောင်မိ၏။
တကယ်ဆို အဲ့ဒီနေ့က ပါးပါးသာမရှိရင် သူမလည်း ဒီလောကကြီးထဲဆက်ရှိနေမှာ
မဟုတ်ပေ။
" ပြီးတော့... မာမီ့ဆီမှာ ခွင့်သွားတောင်းမယ်။
မာမီအနိုင်ယူပါ ...ရှင်း အရှုံးပေးပါ့မယ်လို့...အဲ့ဒီအစား.. ဒယ်ဒီ နဲ့ ပါးပါးကို ခွင့်ပြုပေးပါလို့ ..."
"ဒယ်ဒီနဲ့ ပါးပါး "
"အင်"
"အဆင်ပြေရဲ့လား ရှင်း"
YOU ARE READING
Dear!Hunter Guys(Season -2)
Mystère / ThrillerS-2 - Drama, Action, Adventure,Thriller ငါ့အတြက္အလင္းေရာင္ဆိုတာမင္းပါပဲ။ ေက်းဇူးျပဳ၍ မင္းေနတဲ့ အေမွာင္ဘက္ျခမ္းဆီ ငါ့ကိုေခၚသြားေပးပါ။ ငါ့အတွက်အလင်းရောင်ဆိုတာမင်းပါပဲ။ ကျေးဇူးပြု၍ မင်းနေတဲ့ အမှောင်ဘက်ခြမ်းဆီ ငါ့ကိုခေါ်သွားပေးပါ။ #မင္းေစာရာျပည့္ #ဒီေရခ...
