Unicode
ကနဦးသတင်းအရ....စောသခင် ကုန်စည်
သင်္ဘောကြီး နစ်မြုပ်သွားခြင်းတွင်...သေဆုံးသူများက ဘယ်သူဘယ်ဝါဖြစ်သည် ဆိုသည်ကို အတိအကျ မသိရှိရသေး...။
Philo သည် ဖုန်းထဲမှ သတင်းတွေထိုင်
ဖတ်ရင်း စဉ်းစားနေတာ ခေါင်တွေပူထူမတတ်ပင်။ ဘာတွေက ဘယ်လိုဖြစ်သွားပါသည်လဲ။ ရှင်း ဒယ်ဒီသာ သင်္ဘောနစ်မြုပ်ပြီး ဆုံးသွားပါသည်ဆိုလျှင်... သူ ဘာလုပ်မည်လဲ။ ပြောပြရမည်လား...မပြောရဘူးလား။
ကံကောင်းထောက်မစွာ ရှင်းက သူမ မာမီဆီက ပြန်လာပြီးကတည်းကပင် အလုပ်ခန်းထဲဝင်နေတာ ပြန်ထွက်မလာပေ။ ဘာတွေများလုပ်နေတာပါလိမ့်။ အတွေးနဲ့အတူ သူသည် ရှင်းရဲ့ အလုပ်ခန်းလေးဆီသို့ ခြေသံဖွဖွနင်းလို့ သွားပြီး တံခါးလေးကို လှစ်ဟဖွင့်ကာ
ချောင်းလိုက်ပါသည်။ ထိုအခါ ရှင်းသည် မြင်ရခဲလှစွာ ဆံပင်တွေအားလုံးကို သိမ်းစီး ထားပြီး စာရွက်အား ဟိုခြစ်ဒီခြစ်ဖြင့် အလုပ်တွေ ရှုပ်နေလေသည်။
"အဟမ်း! အဟမ်း!"
သို့နှင့် သူသည် ချောင်းဟန့်သံပေးလိုက်ပြီး အခန်းထဲသို့ ဝင်လာခဲ့ပါသည်။ ရှင်းသည် သူ့ကို မြင်သည့်အခါ နှုတ်ဆက် ပြုံးပြလျက်....
"Philo လာတာနဲ့ အတော်ပဲ... ဒီမှာကြည့် ရှင်း
ခန်းမပုံအကြမ်းဖျင်းဆွဲနေတာ စိတ်ထဲသိပ်မလှသလိုခံစားနေရတယ်။ ဘာလိုနေလဲကြည့်ကြည့်ပေးဦး"
"ခန်းမပုံ ?!"
Philoသည် ရှင်းပြသည့်ပုံကိုလှမ်းယူပြီး ဘာလုပ်ဖို့ အတွက်လဲဟူသည့် ပုံစံမျိူးဖြင့် ပြန်မေးပါ၏။ ထိုအခါ ရှင်းသည် အတည်ပေါက်လုပ်မည့်ဟန်ဖြင့်ပင်....
"အင်....ပါးပါးက ဒယ်ဒီ့ကို ပြန်ခေါ်လာမယ်လို့ ကတိပေးထားတယ်။ အဲ့တာလေ ရှင်းက ဒယ်ဒီနဲ့ပါးပါး ပြန်လာရင် ကြိုဆိုတဲ့အနေနဲ့ စေ့စပ်ပွဲလေးလုပ်ပေးမလို့...ဒါမှမဟုတ်... တစ်ခါတည်း လက်ထပ်ပွဲလုပ်ပေးရမလား?"
ဟူ၍ ပြောရင်း စဉ်းစားဟန်လေးပင်ပြုမူနေသည်။ Philoသည် သင်္ဘောမြုပ်သွားသည့်သတင်းကြားထား သဖြင့် မပြုံးမရယ်နိုင်ဖြစ်သွားကာ ခန်းမပုံ ကိုင်ထားသည့်လက်လေးပင်အေးခဲသွားသလို
ခံစားလိုက်ရလေသည်။
YOU ARE READING
Dear!Hunter Guys(Season -2)
Misteri / ThrillerS-2 - Drama, Action, Adventure,Thriller ငါ့အတြက္အလင္းေရာင္ဆိုတာမင္းပါပဲ။ ေက်းဇူးျပဳ၍ မင္းေနတဲ့ အေမွာင္ဘက္ျခမ္းဆီ ငါ့ကိုေခၚသြားေပးပါ။ ငါ့အတွက်အလင်းရောင်ဆိုတာမင်းပါပဲ။ ကျေးဇူးပြု၍ မင်းနေတဲ့ အမှောင်ဘက်ခြမ်းဆီ ငါ့ကိုခေါ်သွားပေးပါ။ #မင္းေစာရာျပည့္ #ဒီေရခ...
