أحفاد السياف (امواج قاتلة٣)

الفصل الثاني والعشرون

بسم الله الرحمن الرحيم
لا اله الا انت سبحانك اني كنت من الظالمين
الفصل الثاني والعشرون

🔸🔸🔸🔸🔸
قبل بداية البارت هوضح حاجة بسيطة ليكم حبايبي؛ طبعا التفاعل بشكركم عليه جدااا والتعليقات مشجعة بفضل الله..

اغلبكم طالبين ان الرواية تنزل كل يوم او ٣ ايام في الاسبوع وده طبعا حقكم.. بس انا بعشق احترام مواعيدي عندي فوبيا اني اتأخر وده ناس كتير تعرفه.. انا شغالة وبرجع من شغلي ٩ بالليل عندي طفلين مفروض اهتم بيهم مع شغل البيت والكتابة صعب جدااا التزم لو نزلت الرواية يوميا او ٣ ايام لاني بكتب البارت حاليا في ساعة او اتنين وده بيضغطني نفسيا لان الرواية صعبة

معلش اتحملوا معايا اسبوع كمان وفي حاجة لو حصلت هنزل الرواية ٤ ايام بدل ٢ دعواتكم....

🔸🔸🔸🔸🔸🔸
عندما تنقسم روحك إلى شطرين أحدهما يعشق وجود أحدهم والشطر الأخر يرفض وجوده تشعر بالاختناق وكأن تنازع الموت فلا تقدر علي الاقتراب ولا تقوى علي الابتعاد فتبقي متحيراً تمر السنوات بك ولا تزداد سوى عمرأ فوق عمرك وحيرة فوق حيرتك ويظل احساسك ناحيته كما هو تحبه وتكرهه أو ربما تكره ما يحيل بينكما...

ذهلت ميادة كلياً بعدما اصطحبها نوح الى أحد الفنادق الفخمة وكان قد أعد مسبقاً حفلاً خاصاً اتقن الترتيب له؛ كانت تشعر انها ملكة متوجه والحضور ينظرون اليه باعجاب وسعادة؛ لم تتوقع ان يتذكر يوم مولدها ويفاجئها هكذا أو ربما حياتها هي ونوح لا تخلو من مفاجأت لا تنتهي؛ نظرت اليه بتردد كان بادياً للغاية فابتسم اليها فسألته متعجبة:

عيد ميلاد ليا؛ بصراحة فاجئتني يانوح

نوح : كل سنة وانتي طيبة
ميادة : وانت طيب؛ بس ازاي عرفت تاريخ ميلادي مع ان التاريخ ده مش هو تاريخ ميلادي الحقيقي!!

نوح متنهداً : اتصلت على خالك اللي اسمه مصطفي سألته في الاول غلس عليا ومكنش راضي يجول بس بعدين اعترف

ميادة : ليه يانوح؟؟
نوح : ليه ايه؛ انتي معجبكيش الحفلة؟؟

ميادة : ليه تتعب نفسك وتدور عل  حاجة أو حجة تقربك مني وانت عارف انه صعب نكمل.. ليه مكملتش حياتك من زمان واتجوزت ونسيت
نوح : مجدرتش يا ميادة
ميادة : تعرف اني بكره اسمي ده
نوح : وانا يا ميادة؛ هتكرهيني؟؟!
ميادة : اوقات أه.. بكرهك لدرجة بتوجع قلبي واوقات بحس انك ضحية مش اكتر؛ انسان اتفرض عليه أهل ووضع هو مختارهمش بس اضطر يكمل معاهم.. وفي الحالتين مش قادرة اكمل معاك...

نوح بصدق : نحاول.. مش هنخسر اكتر من اللي خسرناه.. خلينا نكمل حياتنا ونعوض اللي ضاع من عمرنا انا بحبك وعارف انك بتحبيني..

🔸🔸🔸🔸🔸
لم ينسى مطلقاً وربما فعل لبعض الوقت لكنه عاد متذكراً بقوة فعلته القاسية؛ فالبعض يقتل بلا شفقة او ندم والبعض الأخر يقتل ويقتله الندم ويظل يلاحقه شبح ضحيته فلا يستصيغ العيش ولا ينال الموت بل يبقي معذباً خائفاً ينتظر لحظة القصاص