#بسم الله الرحمن الرحيم
لا اله الا انت سبحانك اني كنت من الظالمين استغفرك اللهم واتوب اليك
البارت الثاني والعشرون من أحفاد السياف
نداء علي
🌸🌸🌸🌸🌸🌸🌸🌸🌸🌸🌸🌸🌸🌸
وعندما تعشق جدران السجن وتخشى سماء الحرية فقد فقدت روحك بريق اللهفة ومات بداخلك مذاق الحياة فلا تترك بقايا الأمل يتسرب من بين يديك وعانقه عله يركن إليك من جديد فتحيا أنت ويبقى إلى جوارك.
تحدث إلى والده بعنف وإصرار
مش هيحصل، انا كنت متردد أكمل علاقتي بيها وقولتلك اسيبها ونخلص لكن بعد ما فسخت الخطوبة وكلمتني بالطريقة دي الموضوع بقى حياة أو موت، لو آخر يوم في عمري هتجوزها واخليها تندم على قلة أدبها معايا.
قضم يسري حبة التفاح قائلاً بملل
لؤي، اسمع الكلام وبلاش تسرع، صحيح يزيد وزع ثروته وكتبلي جزء منها بس ممكن في لحظة يتراجع، خليك عاقل لحد ما نسجل العقود وتبقى كل حاجة رسمي وقتها اعمل اللي يعجبك.
اقترب لؤي من والده قائلاً بهدوء
هتجوزها وصدقني مش أنا اللي يستسلم من أول جولة كده
يسري بحدة : هتعمل ايه يعني، يزيد مستحيل يجبرها على حاجة، استكمل بتهكم وكراهية
قلبه حنين مبيقدرش يقولها لأ.
لؤي : عارف وهتشوف بنفسك ان يزيد هيخليها ترجع وغصب عنها
تطلع إليه يسري بترقب
انت ناوي تعمل ايه، هتخطفها؟!
لؤي بهدوء : اخطفها ليه، أنا عامل حساب كل حاجة
يسري بغضب فهو لا يطيق المجادلة
أبو شكلك عيل متعب، ولما انت مخطط لكل حاجة مصدع دماغي ليه
لؤي : لأن لسه متخلقتش البنت اللي تقل ادبها عليا وخصوصاً عيلة زي دي
يسري : خايف من الثقة الزايدة دي، تحبها انت وتتهطل زي عمك يزيد، أصله رومانسي أوي
نظر لؤي إلى والده نظرات تحمل الكثير من التيه قائلاً
لأ اطمن، أمي كانت دايماً تقولي انت شبه أبوك
غادر لؤي، استوقفه يسري
رايح فين!
لؤي : هنزل اشتري هدية تليق بالهانم وأروح اصالحها
قهقه يسري قائلاً
متنساش تجيبلها ورد ياض، وهات لسهيلة، أصل النسوان دول مخهم فاضي وبيحبوا الورد
ابتسم لؤي بخفوت وغادر وبداخله نية واحدة.
،،،،،،،. ،،،،،،،،،.،،،،،،،،،،.،،،،،،،.،،،،،،،.،،،،،،،،،،.،،،،،،،،،،،.،،،،،،،،،،،،،.،،،،،،،،
أنت تقرأ
أحفاد السياف (امواج قاتلة٣)
Mystery / Thrillerرواية صعيدية ...بقلمي حصري هل يكون الحب اقوي من ذنوب ارتكبت وجرائم ضحاياها كثر أم أن الحب لا يكفى لدفع نيران الانتقام تغيرت حياتها بلحظات وفقدت أمان أبويها وقتلت شقيقتها غدرا بيدي أقرب الناس اليها ففرت هاربة بعيداً عنهم ومرت السنوات وصارت امرأة فات...
