رواية "♥ كأن لم يكن مكتملة ♥"

♥ البارت السابع والعشرون : الجزء ٢ ♥

" أعدك بأني لن أؤلمك يومًا ، الا عندما أعانقك "

ضياع
الضياع فقط هو من احتل جسده
احتل عقله ووجدانه وفكره
يشعر بأن هموم الدنيا جميعها حملت علي ظهره
يشعر ان نصيبه من السعادة قد آخذه احدًا ما غيره
فهو تعب نعم هو تعب كثيرًا ولا يستطيع العيش هكذا يجب ان يجد حل يخلصه مما هو فيه !!

نادر : انا عايز تليفوني

نغم وهي تعطيه الهاتف : اتفضل

أخذه منها نادر وقام بمهاتفة ابنة خالته أصيل التي وجد منها عشرات المكالمات الفائتة وسرعان ما وجد صوتها الذي يعطيه الدفء يصل لأذنيه ...

أصيل بقلق : نادر فيه ايه يابني انت بقالك كتير مختفي ليه كده ومش بترد عليا ليه انت فيك حاجة

لم تسمع اصيل رد غير شهقات مكتومة تعلمها جيدا عندما يكون نادر حزين فهو لا يبكي او يصرخ هوفقط يسمح للألم بالتشعب داخله ..

أصيل بخضة : نادر فيه ايه انت بتعيط مالك يا حبيبي فيه ايه

نادر بصوت مبحوح : تعاليلي يا أصيل

قالها ولم يدري شيئًا عن تلك التي ما ان سمعته ينادي فتاة ما حتي شعرت بنخز يضرب صدرها ودقااتها تختفي من كثرة الالم الذي حل بها

أصيل : حاضر يا حبيبي قولي انت فين وانا هجيلك بس اهدي والنبي اهده هااه

نادر : انا في مستشفي ****

أصيل : مستشفي مستشفي ايه يا نادر ارجوك قولي فيك ايه مستشفي ايه الي بتتكلم عنها

جاوبها نادر بأنه مجرد تعب نفسي وسيزول وطلب منها المجئ سريعًا فنهضت وارتدت ما يقابلها من ملابس وركبت سيارتها (مشمش 😂😂😂♥)
وذهبت له المشفي المشار اليها ....

أصيل وهي تندفع نحوه بقلق وتحتضنه : نادر حبيبي فيه ايه مالك

نادر وهو يبكي في احضانها كما الطفل الصغير : ماتت يا أصيل ماتت

أصيل بصدمة : مين الي ماتت

نادر : نورهان ماتت يا اصيل وسبتني لوحدي انا كنت بحبها اوي يا اصيل سابتني لوحدي ليه ، طلع عندها كانسر الرئة واستسلمت ليه يا أصيل وعذبتني انا

دلفت نغم الغرفة ورأتهم في هذه الحالة فتآكلت النيران في قلبها ولا تدري لما اما اصيل فانتبهت الي هذه التي تدخل وسرعان ما تحول بكائها لصدمة كبيرة

أصيل بصدمة وهي تنظر لنغم : امال مين ديه

نغم : انا نغم ممرضة الاستاذ نادر

☣~~~~~~~~~~~☣

وان كنت سأتحدث عن نعيم الحياة فسأبدأ بك

كان غيث جالس في غرفته وقلبه يتطاير من فرط سعادته فهو لا يفصل بينه وبين تحقيق حلمه بامتلاكها سوي إنشً واحد فقط

فلاش باك.....

-بتحبها اوي كده

نظر غيث الي مصدر الصوت الذي يعلمه جيدًا بصدمة سرعان ما تحولت الي خجل واضح

تسنيم بمرح : يختي قمر بتتكسفي يا بيضة ...بقيت تحب يا حبيبي وبعدين انا زعلانة منك مجيتش تقولي ليه

غيث باحراج : عشان مكنتش متأكد من مشاعرها

تسنيم بخبث : ودلوقتي اتأكدت

غيث بشوق : اه

تسنيم : طيب علي بركة الله خطوبتكوا هتبقي الخميس الي جاي بس اما اروح اخد رأي العروسة

وبالفعل ذهب تسنيم الي غرفة فتون لتأذن لها فتون بالدخول

فتون : تعالي يا ماما

تسنيم بمرح : بت يا تونا

فتون بضحك علي هذه السيدة الجميلة التي عوضتها عن أمها السيئة : نعم يا قلب تونا

تسنيم : فيه واحد متقدملك

نظرت لها فتون بصدمة وحزن خيم علي وجهها تحت نظرات تسنيم التي توحي بالضحك ولكنها لا تضحك

فتون : انا مش عايزة اتجوز دلوقتي

تسنيم بخبث وهي تخرج من الغرفة : خلاص هقول لغيث العروسة مش موافقة

فتون بصدمة وهي تجري ناحيتها : مين قولتي مين

تسنيم : محدش راحة اهوه اقوله العروسة مش موافقة

فتون : لا لا انا موافقة والله موافقة

ضحكت تسنيم عليها بشدة وسرعان ما تحولت ضحكتها الي زغاريط فرحة للغاية بأن السعادة سوف تعم علي هذا القصر من جديد !!

☣~~~~~~~☣

عارفة انه بارت لايذكر بس عشان التفاعل ميقلش يا قمرات اعذروني والله وان شاء الله هنزل البارت ٢٨ ،٢٩ ،٣٠ يوم الاربع والخميس ورا بعض كتعويض مني ليكوا بس التفاعل سئ جدا يا بنات جدا يعني وانتوا متعرفوش انا تعبانة ازاي من كل ناحية فارجوكوا قدروني زي ما بقدركوا   ♥♥♥♥♥

فيه ملحوظة يا قمرات اننا مش هنزل سلسلة او اي حاجة عشان حسيت ان هتبقي ضغط كبير عليا وانا مش هقدر اتحمله فهنزل الرواية ديه كده كده مطولة جامد معانا نخلصها ونبقي نشوف الروايات الي هتتكتب بعدها ❤❤❤❤