رواية "♥ كأن لم يكن مكتملة ♥"

♥ البارت السابع عشر ♥

الحب الذي لا يهتم إلا بالجمال الجسدي ليس حباً
حقيقيًا

كان علي يحاول الاتصال مرارًا وتكرارا علي جيداء التي لم ترد علي اي من اتصالاته المتكررة ولكنه برر لها بأنها مشغولة او تذاكر ولذلك احب ان يفاجأها فذهب الي محل للهدايا واشتري لها بوكس ملئ بالهدايا الشيقة والشوكلاتات المستوردة وقرر ان يذهب الي منزلها ليفاجأها بهذه الهدايا

علي بحب وهو يتحدث الي نفسه : صدقيني يا جيداء انا هعوضك عن كل حاجة ضايقتك وحبي هيكفينا احنا الاتنين ومستحيل اني احب غيرك ابدا انتي الوحيدة الي حسيت انها انسانة مخلصة بجد وان شاء الله هيجي اليوم الي تحبيني فيه

وسرعان ما ذهب الي منزلها ووصل بعد ساعة تقريبا وطرق الباب عدة مرات ففتحت له والدة جيداء وهي تستقبله بحفاوة

منار : اهلا يا حبيبي ازيك عامل ايه

علي : الحمد لله يا امي انتي عاملة ايه واخبار صحتك ايه

منار : الحمد لله يابني بخير اتفضل وثواني وجيالك

ذهب علي للجلوس وبعد وقت ليس بالكثير عادت منار وهي تحمل كوب من عصير الفراولة الطازج

منار : اتفضل يابني

علي : يزيد فضلك يا ماما ..احم امال فين جيداء

منار باستغراب : الله هيا مش كانت معاك يابني

علي بقلق : كانت معايا فين

منار : هي نزلت وقالتلي انها هتقابلك

علي : لا يا امي هيا النهاردة مرديتش عليا خالص فافتكرت انها مشغولة في مذاكرتها او حاجة مكنتش اعرف انها برا

منار بحذر : اااه تلاقيها يابني كانت عايزة تعملك مفاجأة او حاجة متعرفش انك جيتلنا انا هتصل بيها اهوه واعرف هيا فين

نهضت منار وهي قلقة كثيرا فهي تتذكر كلام جيداء وكيف اقنعتها بالنزول

(يا ماما عشان خاطري هنزل اقابل علي وبعديها هعدي علي صحبتي اخد منها المحاضرات وهرجع علي طول )

وظلت تفكر في سبب كذب ابنتها عليها ولكنها حاولت الاتصال بها كثيرا ولا يوجد رد !!!

منار بخوف: هيا مش بترد عليا يا بني

علي بهدوء : خلاص يا امي متتعبيش نفسك انا هروح البيت واما هي تيجي ابقي بس اتصلي بيا عشان اعرف اكلمها لانها مش بترد عليا