رواية "♥ كأن لم يكن مكتملة ♥"

♥ البارت الثاني والثالث والثلاثون : الجزء ٢ ♥

الحياةُ كالمرآة، تحصل على أفضل النتائج حين تبتسم لها..

بعد مرور عدة أيام .......

كان نادر يجلس في الغرفة الخاصة به وحيدًا ينظر الي اللاشئ وفجأة سمع صوت طرقات علي الباب فعلم انها الممرضة البديلة التي تابعت حالته في الايام الماضية ...هي مستهترة ضائعة وشاردة لا تفقه شيئًا في الطب او التمريض علي العكس من نغم فهي كانت تعلم كل شئ بخصوص حالته فهي الوحيدة التي كانت قادرة علي تهدئته بأبسط الطرق

نعمة وهي تناوله دوائه : استاذ نادر ميعاد الدوا بتاع حضرتك اتفضل

اخذ نادر منها الدواء وقام ببلعه ثم نظر اليها بتساؤل : بقولك ايه يا نعمة هيا الممرضة الي كانت قبلك الي هيا اسمها نغم راحت فين

نعمة بزهق من تكرر هذا السؤال : موجودة في الدور الي تحت يا فندم عايزها اناديهالك

نادر : اه ياريت

ذهبت نعمة لكي تنادي علي نغم من اجل نادر ولكن فاجأتها نغم بردة فعل غير متوقعة : قوليله ان انا مش طالعة وان انتي المشرفة علي حالته ومحتاج حاجة ينزل هو

نعمة بغضب : يخربيت فقرك هو حد يرفص النعمة بايده ده شكله هيتجنن عليكي كل يوم يسألني عليكي وانا اعمل نفسي مش سامعة زي ما قولتيلي فيه ايه ما تتهدي شوية

نغم : نعمة اعملي زي ما بقولك وسبيني اشوف شغلي

ذهبت نعمة الي غرفته في الطابق العلوي وهي تبرطم بسوء حظها : حظي اسود من يوم ما اتولدت يااارب ارزقني باللي يحفي ورايا كده يااارب

دقت نعمة عدة دقات علي باب غرفة نادر وما ان سمعت صوته يأذن لها بالدخول حتي دخلت :استاذ نادر نغم بتقول انها مش هتطلع وان حضرتك لو محتاج حاجة منها تنزلها

نادر بغضب قليل بعض الشئ : ماشي يا نعمة

خرجت نعمة من الغرفة فتوجه نادر الي الخارج لكي يعلم لماذا تتهرب منه لماذا مكثت اسبوع الا قليل لا تظهر امامه هو لا ينكر انه جرحها ولكن الجرح اذا جاء من شخص مجروح يجب ان يُعذر لماذا لا تعذره وتتفهمه !!!!

نغم وهي تعطي ابرة لطفلة صغيرة : متخافيش يا حبيبتي انا هديهالك ومش هتحسي باي حاجة وبعدين مش احنا شطار وبنسمع الكلام يلا عشان اجيبلك شوكليت

وبالفعل اعطتها نغم الابرة دون وجع تحت انظار نادر الذي ما ان رآهم هكذا حتي ظل يبتسم علي حنان نغم علي الطفلة وطيبتها التي كانت تطغي علي طيبة نورهان نعم فها هو يتذكر معشوقته عندما جاءت لهم احد الفتيات المتشردات