رواية "♥ كأن لم يكن مكتملة ♥"

♥ البارت السادس ♥

"♥ بحثنا عن الحبّ، ومشينا وراءه، أنسانا أنفسنا وعالمنا، ورسمنا طريقنا بالخيال والأساطير، لم نعلم أنّه مؤلم، ولم نتصوّر مقدار العذاب الذي قد يسبّبه، فعشنا لحظة فرح يملؤها العشق، لكنّنا وجدنا عذاباً وألماً لم يكن في الحسبان، فألمُ الحبّ يمزّق الجسد، وعذابه يدمّر القلب ♥"

بيسان بغضب : انت ايه الي بتقوله ده انت اتجننت

باسل بهدوء: لا متجننتش يا بيسان جوازنا هيبقي صوري ولمدة شهر واحد عقبال ما الاقي رويدا بس مينفعش نروح ونيجي انا وانتي مع بعض في غياب رويدا الناس هتتكلم بالسوء عليا وعليكي فياريت تفكري كويس لان سمعتك تهمني

بيسان وقد اقتنعت قليلا بكلامه : افرض انا وافقت بابا ....
باسل مقاطعا لها : باباكي موافق

بيسان بغضب : ما شاء الله يعني انا زي الاطرش في الزفة تتفقوا عليا من ورايا

غضبت بيسان كثيرا وخرجت من السيارة وهي تغلق الباب بقوة ثم صعدت الي والدها

بيسان بغضب : اقدر يا بابا اعرف انت ليه اتفقت مع باسل من ورايا

كرم بجدية : عشان سمعة واحدة من بناتي بقيت في الطين ومش هستحمل سمعة التانية تبقي كده الله اعلم ايه الي حصل لرويدا بس بالنسبة ليا القرار ده مش هتنازل عنه واعملي حسابك كتب كتابك عليه هيبقي يوم الخميس الي جاي

بيسان ببكاء: بس يا بابا

كرم بصرامة : انا قلت الي عندي يلا اتفضلي علي اوضتك

دخلت بيسان غرفتها تبكي بشدة علي هذا القدر فهي لم تتخيل ابدا ان تتزوج بهذه الطريقة (كان ماله سليم يا موكوسة 😂😂😂😂) اما كرم فما ان دخلت حتي جلس علي الكرسي المقابل له وبكي بكي كثيرا فهو لاول مرة يغصب ايا من بناته علي شئ

كرم ببكاء : انا اسف يا بيسان انا اسف يا حبيبتي بس انا مش هستحمل كلمة عليكي مش كفاية اختك واهوه لو جرالي حاجة ابقي سترتك مع واحد انا واثق فيه وزي ولادي يارب ...يارب انت الي علم بيا وببناتي يارب احميهم من كل شر يارب ورجعلي بنتي في حضني يارب

كانت بيسان في غرفتها تبكي بشدة وتتذكر اختها التي اشتاقت لها وبشدة فهي شعرت انها سوف تخونها بهذا الزواج ولكن ما طمأنها ان الزواج سوف يستمر لمدة شهر واحد ..

♥ مش شرط يبقى السكوت رضا ♥

♥ يمكن سكوتنا عن الكلام كان سببه خوف ♥

♥ تايهين ما بين ده وده وقلوبنا تتيتم بحجة الظروف ♥

♥ بنعيش على ذكرى من الماضي للحاضر ♥

♥ ياما البكى محبوس لكن الكلام فياض ♥

♥ كلمتها وسلمت لكن الفراق شاطر ♥