(Unicode)ပတ်ဝန်းကျင်တစ်ခုလုံးအလင်းရောင်ဟူ၍ ကြယ်ရောင်မှိတ်တုတ်မှိတ်တုတ်ကလွဲ၍ ဗလာနတ္ထိ...။ တဖြူးဖြူးတိုက်နေသောလေနှင့်အတူပါလာသောနှင်းဆီရနံ့ကြောင့် အိမ်ရှေ့ဝရံတာတွင်ရောက်နေမှန်း သူအလိုလိုသိလိုက်သည်။
*သူနှင့်အတူပျိုးခဲ့သည့်အပင်ပုလေးဆီကဖြစ်ရမည်*
"ကြာကန်တစ်ကန်မှာ...
ကြာပန်းက တစ်ရက်ကို နှစ်ဆပွင့်တယ်။
ဒီနေ့ တစ်ပွင့်ဆို နောက်နေ့ နှစ်ပွင့်...
နောက်နေ့ဆို လေးပွင့်..."အသံလာရာကိုကြည့်တော့ ရင်းနှီးနေသောကျောပြင်သေးသေးလေးတစ်ခုကိုမြင်ရသည်။
*သူဘယ်သူလဲ*
"အဲ့လိုနဲ့ ရက်ပေါင်းတစ်ရာ
ပြည့်တဲ့အခါ... ကန်တစ်ကန်လုံး
ကြာပန်းတွေ အပြည့်ပွင့်သွားတယ်ဆိုရင်
ကန်တစ်ဝက်ပြည့်တဲ့နေ့က
ဘယ်နေ့လဲ..."အားမရစွာအနားကပ်သွားမိတော့ ရင်းနှီးနေသောကိုယ့်ရနံ့ကိုခံစားမိပြန်သည်။ ပြီးတော့ ရင်းနှီးလွန်းသော အနေအထားတစ်ခု.....။
"Hint က?"
*OMG! ငါဘာလုပ်လိုက်တာလဲ...။ ဘယ်သူဘယ်ဝါမှန်းမမေးဘဲ...ဒါမဲ့ ဘာလို့...*
ကျောခိုင်းနေသူဆီက ရယ်သံလွင်လွင်လေးထွက်လာ၍ အတွေးစတို့ပြတ်သွားရသည်။
"မေးလိုက်တဲ့ Hint...ပြီးတော့ကျ ဖြေနိုင်တာလည်းမဟုတ်ဘဲ ထွဋ်ထွဋ်ရယ်..."
*ထွဋ်ထွဋ်?*
"ခန့်! ခန့်မလားဟင်"
"ငါ့ကိုမမေ့သေးဘူးပဲ"
ရယ်သံအဆုံး ကျောပေးရပ်နေရာက တဖြည်းဖြည်းလှည့်လာသည်။
နှာတံထိပ်မှာပေါက်နေတဲ့ မှဲ့သေးသေးလေး...၊
နှုတ်သီးခေါင်းလျှာပါးရန်ပြန်တွေ့တတ်သည့် နှုတ်ခမ်းပါးလေး...၊ ပြီးတော့ ထိုနှုတ်ခမ်းပါးလေးတွင် ဖူးပွင့်သည့်အပြုံးနုနု...။အရင်အတိုင်းပဲ...။ အားလုံးအရင်အတိုင်းပဲ...။ ဒါပေမဲ့ တစ်ခုခုလွဲမှားနေသလိုခံစားချက်ကြီးက ဘာလဲ?
အဖြေကိုခေါင်းမီးတောက်တမျှဖွေရှာရင်း တဒိန်းဒိန်းအခုန်မြန်နေသော ရင်ကိုသတိချပ်မိသည်။
ESTÁS LEYENDO
သူ့လူ (သူ႕လူ)
Novela Juvenil(Unicode) နီးလွန်းရင် ဝေးတတ်လား .......။ Platonic Love ဆိုတ့ဲ သံယောဇဉ်နယ်နိမိတ်တစ်ခုရဲ့အောက်မှာ ရင်ခုန်သံချင်းအနီးဆုံးအနေအထားတစ်ခုကို ရောက်ရှိလာကြတ့ဲကောင်လေးနှစ်ယောက်အတွက် သတ်မှတ်ထားတ့ဲဘောင်ကို ကျော်လွန်မိရင်တော့ .......။ (Zawgyi) နီးလြန္းရင္ ေဝးတတ္...