(Unicode)*ဘလိုင်းကြီးဘာလားဟ*
Thank You သာပြောသွားတာ...မသိရင်ကိုယ်ကပဲသူ့ပိုင်ပစ္စည်းတစ်ခုခုကို မတရားယူထားမိသလိုလို။ ကျောပိုးအိတ်တစ်လုံးအတွက်ဒီလောက်ဖြစ်စရာမလိုဘူးမလား…။ ကိုယ်ကလည်းဟိုပုတက်လေးအိတ်ထင်ပြီး သူမနိုင်မနင်းဖြစ်နေလို့လွယ်ထားပေးလိုက်တာပါ။ ခုတော့သက်သက်ကြီးအကျောခံလိုက်ရတယ်။ ဟိုလူနမူနာလေးကဖြင့် ဟိုကောင်ရောက်လာတည်းက လှစ်ခနဲပြေးသွားတာအမြီးတောင်မမြင်ရဘူး။ သူငယ်ချင်းကိုအဲ့လောက်ကြောက်စရာမလိုဘူးမလား...။
တက်ထွဋ် စိတ်ပေါက်ပေါက်နှင့်တံခါးကို ဆောင့်ဆွဲပြီးဖွင့်လိုက်တော့ တစ်ခန်းလုံးကလှမ်းကြည့်သည်။ သို့သော် မျက်လုံးပေါင်းများစွာထဲက တတိယတန်းမှသူ့ကိုစိုက်ကြည့်လာသော ကြီးစိုးသူကိုသာပြန်တုန့်ပြန်ကြည့်မိသည်။ ကောင်မလေးတချို့က သူနှင့်ကိုယ်နဲ့ပတ်သက်ပြီး Fan ခွဲကြရင်းက ပြဿနာဖြစ်ကြသည်အထိဖြစ်ကြသည်ဟု ကြားဖူးသော်လည်း ကာယကံရှင်နှစ်ယောက်ကတော့ ဒီနေ့ဒီချိန်ထိဘာအကန့်မှမရှိခဲ့။ ချစ်ခြင်းမုန်းခြင်းရှိဖို့ဝေးစွ၊ စကားတောင်မပြောဖူးခဲ့ကြသည့်အနေအထားတွင် အခုတော့နှစ်ယောက်သားတစ်ယောက်နှင့်တစ်ယောက် ပေါက်ထွက်မတတ်စိုက်ကြည့်နေမိကြသည်။
"ဟေ့ရောင် ငထွဋ်ထိုင်လေ"
လက်မောင်းကိုလှမ်းရိုက်ရင်းပြောလိုက်သောမင်းသူရကြောင့် တက်ထွဋ် အကြည့်ကိုလွှဲလိုက်သည်။ ရှေ့ဆုံးတန်းတွင်ဝင်ထိုင်ရင်း ကျောပိုးအိတ်ကိုခုံပေါ်ပစ်တင်လိုက်သည်။
"မင်းဘာဖြစ်နေတာလဲ"
ကိုယ်ကိုယ်တိုင်လည်းဘာဖြစ်နေမှန်းမသိသဖြင့် လည်ပင်းမှာချိတ်ထားသော Headphone ကိုတပ်ပြီး သီချင်းနားထောင်နေလိုက်သည်။ အရင်တည်းကပေါင်းလာသူမို့ သူ့အပြုအမူကိုမင်းသူရလည်း အထွေအထူးပြောမနေတော့ဘဲ နောက်တန်းကိုလှည့်ပြီး စကားပြောနေလိုက်တော့သည်။
အင်္ဂလိပ်စာဆရာထွက်သွားတော့ အခန်းထဲကိုဝင်လာသူကြောင့် တစ်ခန်းလုံးတွင်ညည်းညူသံများညံသွားတော့သည်။
VOCÊ ESTÁ LENDO
သူ့လူ (သူ႕လူ)
Ficção Adolescente(Unicode) နီးလွန်းရင် ဝေးတတ်လား .......။ Platonic Love ဆိုတ့ဲ သံယောဇဉ်နယ်နိမိတ်တစ်ခုရဲ့အောက်မှာ ရင်ခုန်သံချင်းအနီးဆုံးအနေအထားတစ်ခုကို ရောက်ရှိလာကြတ့ဲကောင်လေးနှစ်ယောက်အတွက် သတ်မှတ်ထားတ့ဲဘောင်ကို ကျော်လွန်မိရင်တော့ .......။ (Zawgyi) နီးလြန္းရင္ ေဝးတတ္...