(Unicode)"မင်းအဝတ်အစားတွေချွတ်လို့ပြောနေတယ်... မင်းနားကန်းနေလား!"
"ဘာ...ဘာဖြစ်လို့လဲ ကြီးစိုး...ငါဘာလုပ်မိလို့လဲ"
"အပိုတွေမပြောချင်ဘူး။ အခုချွတ်ပြီးငါ့ရှေ့မှာအဝတ်အစားပြန်လဲပြ"
နှောင်းခေတ်သူ့ကိုဘယ်လိုမှနားမလည်နိုင်တော့။ရှက်တာရော...၊ ဝမ်းနည်းတာရောပေါင်းပြီးလူကပူထူလာသည်။
"ဟာ...ကြာတယ်ကွာ..."
ပြောပြောဆိုဆို တီရှပ်အောက်နားစကိုကိုင်ကာ အတင်းဆွဲချွတ်လာတော့ နှောင်းခေတ်ကြောက်အားလန့်အားရုန်းမိသည်။ တခြားသူဆို သေချာပေါက် ဒေါသနှင့်ဆွဲထိုးမိမှာပေမယ့် ယခုကိုယ့်ကို၊ ဘယ်တုန်းကမှမမျှော်လင့်ထားသော အပြုအမူနှင့်ရှက်ရွံ့သိမ်ငယ်အောင်လုပ်နေသူမှာ 'သူ' ဟူသောအသိကြောင့် မျက်ရည်တို့သာတသွင်သွင်စီးကျရင်း စကားလုံးတို့ကပြတ်တောင်းပြတ်တောင်းသာ ထွက်ပေါ်လာခဲ့သည်။
"ကြီးစိုး...မ..မလုပ်ပါနဲ့...ငါ...တောင်း..ပန်ပါတယ်...အင့်...ကြီးစိုး"
ရှိုက်သံသဲ့သဲ့ထွက်လာမှ နှောင်းခေတ်အင်္ကျီကိုဆုပ်ကိုင်ထားသော သူ့လက်တွေကပြေလျော့သွားသည်။ သူလွှတ်ပေးလိုက်သည်နှင့် နှောင်းခေတ်ကျွတ်ထွက်သွားသော အင်္ကျီဘယ်ဘက်လက်ကိုပြန်ဝတ်ဖို့ကြိုးစားမိသည်။ ကတုန်ကယင်ဖြစ်နေသည်မို့ အင်္ကျီလက်ပေါက်သည် လက်ထုတ်လို့ဘယ်လိုမှအဆင်မပြေဖြစ်နေခဲ့သည်။ ထိုစဉ် နှောင်းခေတ်ဆီလှမ်းလာသောသူ့လက်များကြောင့် ကိုယ်ကိုအနောက်ကိုရွံ့ရင်း
"ငါ့ကိုမထိနဲ့!"
"ဘာ!"
အရှက်တရားနှင့်အကြောက်တရားရောပြွန်းထားသောဟန့်တားသံသည် သူ့မာနကိုထိခိုက်စေခဲ့သည်ဆိုလျှင် ဘယ်ဆီဘယ်ဝယ်ကမြစ်ဖျားခံခဲ့မှန်းမသိသော သူ့ဒေါသသံတို့သည် နှောင်းခေတ်ကိုအဆုံးစွန်ထိ ရှက်ရွံ့သိမ်ငယ်ခြင်းကိုဖြစ်စေခဲ့သည်ကိုသူသိသင့်သည်။
"ငါ့ရှေ့မှာကျလဲဖို့ခက်နေတယ်ပေါ့...။ ဒါမှမဟုတ် ဟိုကောင်တွေကနှစ်ယောက်ဆိုတော့ မင်းအတွက်ပိုအဆင်ပြေလို့လား"
VOUS LISEZ
သူ့လူ (သူ႕လူ)
Roman pour Adolescents(Unicode) နီးလွန်းရင် ဝေးတတ်လား .......။ Platonic Love ဆိုတ့ဲ သံယောဇဉ်နယ်နိမိတ်တစ်ခုရဲ့အောက်မှာ ရင်ခုန်သံချင်းအနီးဆုံးအနေအထားတစ်ခုကို ရောက်ရှိလာကြတ့ဲကောင်လေးနှစ်ယောက်အတွက် သတ်မှတ်ထားတ့ဲဘောင်ကို ကျော်လွန်မိရင်တော့ .......။ (Zawgyi) နီးလြန္းရင္ ေဝးတတ္...