(Unicode)
💞V Day Special💞
Desktop ပေါ်ရှိ Folder နာမည်လေးကိုဖတ်ရင်း နှောင်းခေတ်စိတ်လှုပ်ရှားနေမိသည်။ Folder တစ်ခုလုံးထဲတွင် လချီပြီးကြိုးစားထားခဲ့သမျှအရာအားလုံးစုဆုံနေသည်။
"ညီ မနက်ဖြန်အတွက်အားလုံးအဆင်သင့်ဖြစ်ပြီနော်"
"ဟုတ်ကဲ့ ကိုရဲ။ ပွဲမိန့်လည်းရပြီးသားဆိုတော့ ကျန်တာအားလုံးကအဆင်ပြေပါတယ်"
"ဖျော်ဖြေရေးအတွက်လည်းအဆင်ပြေတယ်နော်"
"ပင်တိုင်အဆိုတော်နဲ့လည်း မနက်ကပဲထပ်ပြီး Confirm လုပ်ထားတယ်။ ကျန်တာတော့ ကျွန်တော်တို့အဖွဲ့ရဲ့ဝါသနာရှင်တွေလက်ထဲပဲအပ်ရမှာပဲ"
"ကျန်တဲ့အစားအသောက်တို့၊ လက်ဆောင်တို့က သီရိတို့စီစဉ်တာနော်"
"ဟုတ်တယ်ကိုရဲ။ အတွက်အချက်တွေ စာရင်းအင်းတွေကျ သူတို့ Business Major က အသင့်တော်ဆုံးပဲလေ"
နှောင်းခေတ်စကားဆုံးတော့ နှစ်ယောက်လုံးမတိုင်ပင်ဘဲရယ်ဖြစ်ကြသည်။ ထိုမှသာ မနက်ဖြန်အတွက် စိတ်ပူပင်မှုများအနည်းငယ်လျော့သွားသလိုလိုခံစားလိုက်ရသည်။
မနက်ဖြန်.....
ချစ်သူများနေ့.....
နှောင်းခေတ်တို့လူငယ်များဦးဆောင်ပြီးကျင်းပသည့် ချစ်သူများနေ့အထိမ်းအမှတ် အထူးအစီအစဉ်လေးစတင်သက်ဝင်မည့်နေ့.....။
ဆယ်တန်းအောင်ပြီးတော့ ရွေးချယ်ဖြစ်သည့်တက္ကသိုလ်တွင် ကိုရဲ (ကိုရဲမြတ်ညီ) နှင့်စတင်ရင်းနှီးခဲ့သည်။ မေဂျာတူစီနီယာဖြစ်သည့်အပြင် နှောင်းခေတ်တို့ Social Science မေဂျာ၏ကျောင်းသားခေါင်းဆောင်ဖြစ်သည်မို့ သတိထားမိခဲ့ခြင်းကြောင့်လည်းပါသည်။ စာသင်နှစ်တစ်လျှောက်လုံးတွင် ကျောင်းလုပ်ငန်းစဉ်များတွင်အတူပါဝင်ဖြစ်ခဲ့ပြီး စာသင်နှစ်လေးနှစ်ပြီးဆုံး၍ကိုရဲတို့ဘွဲ့ရသွားသည့်တိုင် အခေါ်အပြောမပျက်ကြ။ အမြဲတတွဲတွဲ။
ကိုရဲဦးဆောင်မှုဖြင့်လူမှုရေးလုပ်ငန်းစဉ်တချို့တွင်စေတနာ့ဝန်ထမ်းအဖြစ်လိုက်ပါလုပ်ဆောင်ကြရင်း ဒီတစ်ခါတော့ ချစ်သူများနေ့အထိမ်းအမှတ်ပွဲလေးတစ်ခုစီစဉ်ဖြစ်ကြသည်။ ဖျော်ဖြေရေးအတွက် Music မေဂျာက ဆလိုင်းထန်တို့ကတာဝန်ယူသည်။ ပွဲအပြင်အဆင်နှင့် လက်ကမ်းစာစောင်များအတွက် Literature မေဂျာနှင့် Social Science မေဂျာတို့ကပူးပေါင်းစီစဉ်ပြီး Logistic ကိစ္စအဝဝကိုအတွက်အချက်ပိုင်သော သီရိတို့ကအားဖြည့်သည်။
ESTÁS LEYENDO
သူ့လူ (သူ႕လူ)
Novela Juvenil(Unicode) နီးလွန်းရင် ဝေးတတ်လား .......။ Platonic Love ဆိုတ့ဲ သံယောဇဉ်နယ်နိမိတ်တစ်ခုရဲ့အောက်မှာ ရင်ခုန်သံချင်းအနီးဆုံးအနေအထားတစ်ခုကို ရောက်ရှိလာကြတ့ဲကောင်လေးနှစ်ယောက်အတွက် သတ်မှတ်ထားတ့ဲဘောင်ကို ကျော်လွန်မိရင်တော့ .......။ (Zawgyi) နီးလြန္းရင္ ေဝးတတ္...
