اغصان تتحرى البليل

٦

مساء الورد

اغصان تتحرى البليل
الجزء السادس

صدك تحجين؟انت متأكدة؟؟شلون عرفتي
يعني شمدريج كبسلة..يمكن مريض؟؟
انا هم عبالي مريض..حجت وهي تمسح دموعها..
بس ..بيوم عرسنا شرب حبة وراح تمدد..انا بدلت وكملت
واجيت للفراش..
هو بس كاعد وصافن..تقربت منه وحاجيته ..
اباوعله عيونه حمر وذابلة..

خفت عبالي جان يبجي..تقربت منه ىسالته ..
دفعني بسرعة..وخرري من يمي مالي خلكج..
نعسان وتعبان وماريد اشوف وجهج..
ماجاوبته بس انطيته ظهر وكمت ابجي..
بقيت هواي ناطيته ظهر ..بس حسيت هدوء وماكو
حركة..درت لكيته نايم..
ويوم ثاني كعد الظهر..

بس تغدا رجع اخذ وحدة هم لونها وردي..
سالته شبيك انت مريض..
لزمني من اذني وعاط..لا مريض ولا شي..
انا اكبسل..افتهمتي..وانت الكتلتي روحج عليه
وردتيني بس اخذج ..لا تجين هسه وتعترضين..
دكافي بجي سكتي شنو جاوبتي انت؟
كتله اتركهن لخاطري وانا اساعدك..بس هو يكلي
لا تدخلين حتى لا تنكتلين..
كتله اكول لابوي واخوي عليك..يكلي شدعوة ابوج
مهتملج ..اشو ذبج ذبة الجلاب المهم عنده الفلوس..

استغفرالله..كم مرة اكلج لا تحجين عيوب ابوي كدامه
لان راح يسترخج ويكول ماعدها ظهر..
لهفة ابوي الدنيا كلها تعرفه بخيل وشكاك قابل
احمد مايعرفه..
ايييي حتى لو هيج سمعته..المفروض انت تبينين العكس
حتى الي جان سامعة احمد عنه ينساه..يغير نظرته
يشوفج عندج ظهررر..
هسه هالمصيبة شنو حلها..

زين كليلي صارلكم ثلث ايام وماتقربلج ابد؟
لا ماتقرب خلصها يكبسل ونايم..
وامه شنو موقفها بلة ماسألتج عن شي؟
بعد من اجينا مساع سالت..هو كلها خلصنا لا
يبقى بالج..وهي اقتنعت عادي اصلا مرة فقيرة
تبين..
اي صح كلش فقيرة وماتتدخل..

باعي ماكو حل غير احجي لفيض..وهو يتصرف..
يعني يحجي وياه ويحسسه انت عندج سند..
كافي لا تبجين عميتي عيونج ع مود هذا الزفت يروحلج
فدوة..
ولج سكتي لا يسمعجج..تهي ع اساس سيد السيد
خل يسمع بلكي يصيرلي سبب حتى ادوس ببطنه..
وانا احجي اندك الباب..

اباوع لهالة وجهها ينطي الوان ..صاحت منو..
جاوبها احمد..امج تريد تشوفج ..
اي اي جاية..حجت وكامت ترجف..
ولج بس لا سمع ولج شلون..
جريتها من ايدها وطلعتها..دمشي سمعتهم فد نمونة هسه..

رحنا يم امي وام احمد كعدنا شوية وامي كالت
يلا نروح ..
ماقبلت ام احمد نطلع وكالت ابقو تعشو بس امي كالت
الرجال وحده خطية ..واحمد هم لطش ابقو
وماتطلعون الا عشاكم ويانا..
واذا راجعين عمود عمي هسه اروح اجيبه حتى يتعشى ويانا ..
درت عليه وحاجيته بخزرة..دار العامر لا تكلف نفسك..
اليوم ابوي عازمنا برا..
امي بقت وجهها فالت..كتلها هو كال قبل لا اطلع
ونسيت اكلج..