اغصان تتحرى البليل

٢٣

◦ صباح الخير

اغصان تتحرى البليل
الجزء الثالث والعشرون

جريت ايدي اريد اكوم لزمني اقوى...
دفعته مااندفع..كام  وجرني من ذراعي كل قوته..
كوومي وياي تعااااي..يحجي ويجر بيه..
كمت واتعثر وهو يجر بيه ويمشي تجاه غرفة..عوووفني
باسل تخبلللت..باااسل..من صحت باسمه وكف..
رخت ايده راد يجرني لحضنه فلتت نفسي..

طفرت ع القنفة وجريت الجنطة طلعت البسمار..
وهو طفر من وراي راد يلزمني..لزمت البسمار
وابتعدت ليورا...حجيت بخزرة وصوتي اختنك..لااا تتقرب..
ابتسم ..بدا يضحك..علت ضحكته ..
ههههههههه لهفة تخافين مني؟ماسويلج شي
بس احبسج لحد ماتقبلين بيه..

حجيت وانا صاكة اسناني..ماااقبل..بعد الصار
هسه مااقبل..انت شااارب اصلا...
هههه وداعتج ماعندي خل غير الشرب..كلها
عافتني ب هو لاا..
وخررر مابيك امل انت كللش..وخر اريد اطللع..
تخوفيني ببسمار..نبتي بكلبي وماضوج
لان احبج ..حجه وهو يقترب..

رجعت خطوة ليورا
انضربت رجلي بالطبلة شاغت روحي..
رفستها انكلبت ..عبرتها اريد اطلع واشوف
صفوان دخل ركض..
صارت ركضتي وي ركضته تصادمنا..لزمني
وانا انهت وكوة اتنفس..اسم الله اسم الله
ع كيفج شبيج شنوو صار..يحجي ويهدي
بيه..

اشوفه عيونه تباوع بصدمة وراي..لان باسل
صار بظهري..
اندرت لكيت باسل كاعد بالكاع وحاضن رجليه
لبطنه وصافن..
جر ايدي صفوان ومشى باتجاهه..تقرب منه
وكعد يمه بالكاع..انا واكفة بعيد واباوع باستغراب..

هزه صفوان من جتفه..لا تتخبل شبيك فقدت..
طاح حظك جاا شكددد شارب ..انت تبقى حمار..
رفعلي صفوان راسه وحجه بأسف..روحي
روحي بابا ترى مايدري بروحه فاصل كلش..
نزلت دموعي وانا اباوعله..مسحت وجهي
وطلعت..

ضربني الهوا تنفست بعمق ..وكفت واخذ شهيق
وتنزل دموعي ..
سمعت صوت حجي..نزلت نظري للدرج..زهراء
صعدت وكدامها ولد مااعرفه..وصلو يمي
وزهراء عبرت من ورا الولد لزمت ايدي وترجف..
اسفة لهفة مو قصدي ااذيج حبوبة عذريني..

درت نظري عنها ومشيت ..جرت ايدي..
الولد الوياها حاجاني..خو ماصار شي خوية؟
رفعت نظري اله بخزرة..شيخصك؟؟؟؟
حط ايده ع راسه واعتذر..على راسي حسبيني
اخيج ..انا مؤمن رجل زهراء..
ايي وخروو من طريقي اريددد اروح..

حجت زهراء وهي تبجي..ماتروحين الا
افهمج..امشي مؤمن ياخذنا..
حجيت بنتر وانا اخزرها..مااريد افهممم شي..
انا ارجع وحدي وبعد اخر مرة ادخل هذا
البييت..انتوو كلكم بلااا ضمييير..
بقت تبجي حيل..لا عفية حقج حقج بي افهمج..

جرها مؤمن ع جهة وتقرب مني..
حسبيني اخوج انا وسمعي مني..خليني اوصلج
وخل زهراء تفهمج..لخاطر تعبي وانا توني راجع
من الساتر..
انتبهتله لابس عسكري صحيح..وجهه اسمر
وتعبان رغم شكله جميل بس امبين تعبان وجان
بواجب..