اغصان تتحرى البليل

٣١

مساء الخير

اغصان تتحرى البليل
الجزء الواحد والثلاثون

سمعت خرخشة المفاتيح..كمت ..اشوف باسل
دخل وعاف الباب مفتوح..قميصه نص دكمه
مفتوحة وحزامه مفتوح ..تقدم تجاهي باوعتله
بصدمة..
هزيت راسي ..شبييك باسل !؟؟

تقرب يمي وجرني من ايدي..امشييي ويااي..
هم سكراان !!بااسل ...
اي سكران ومعليج انت تعااااي وياااي..جرني
من ايدي يريد يطلعني..
عطت بصوت ناصي وانا اخزره..عووف ايدي
وخررر لا تكعد امي ..

جرني حيل ودفعني برا..طحت بالباب..
وكفت وانا اتلفت اخاف احد يشوفني بلا
حجاب..وهو سد الباب بسرعة وقفله من برا..
اندار عليه ومبتسم..شبيج تلافتين محد كاااعد
كلهاا نايمة..

جر ايدي قوي لزمت ايده وادفع بيها..
قرب من اذني وشاورني..لا تحاولين مااعوفج..
وحط ايديه ورا ظهري وسحبني وهو يمشي
لشقة صفوان..بقيت ادفع بي..لا تدخلنيي
لا يشوفني صفواان بلااا حجاب عفية باااسل..

مو هناا صفوان..حجه وفتح الباب دخلني
جوا..
سد الباب وراه واجه يتقرب وانا ابتعد..لحد
ماطكيت بالحايط..
وكف كدامي وعيونه حمرا كلها عدا قرص عينه
متلون بالاخضر المصفر..

باوع بداخل عيوني بغضب واااضح...
رديتله النظرة وانا اتحداه..
نزلي عيونج لا تخزرين..حجه وهو يخزرني اكثر..
عوفني لعد..
حجه ويجر بحجايته بمفعول الشرب..ترددين
اعووفج ؟؟شكد حقيرة انت...

باسل انت هسه مو بوعيك يعني لا تسوي شي
تندم عليه بعدين..خليني ارجع للشقة عفية..
حجه ونزلت نظراته لشفتي..ليش ترجفييين..
وانا مو فاقد كلش مسيطر على نفسي ..
ما ارجف وتنت مامسيطر بس اريد اروح عوفني..
رفع وجهه وفرك لحيته بشفافي..غمضت وجسمي
قشعر..

مشتااقلج شلون اعوفج..دفعته من صدره اندفع
بسرعة..باوعلي بغضب وعقد حواجبه..ليش
تدفعييني؟؟
لان تصرررفك غلطط..افرض امي كعدت
مالكتنيييييي؟؟شيصيير بيها شتفكرررر...

ماتفكر بشي انت مرتييي..انت الي
حلالي انااا ..انت الانثى مالتي...
وهيج تسوي بيها الانثى مالتك؟؟عطت عليه وانا فاتحة
عيوني..
لا تصيحين...حجه ببرود ..

ماحاجة اصيح بعد..كلشي انتهى وانت
الدمرت كلشي..بعد هذا الموقف ماريدك..انا
غبية من الاول لان قبلت بواحد مثلكككك..
تقرب مني وعصر حلكي حيل..شبيه انا ولج
هااا؟شبيه؟؟؟
بقيت فاتحة عيوني بوجهه وتملكني الخوف...
شكد ابوي معنفني ماجنت هيجي اخاف..هسه
احس باسل اله هيبة ترعب..

ترك حلكي ولزم شعري حيل ..جريت نفس
واحس ارتاحيت..كد العصبية والصداع ..بلزمته
ارتاحيت ودوم همام من يمشعني ارتاح..
هو انتبه لتنهيدتي وجريت نفس..رخى ايده
وتقرب لوجهي ..بقت نظراته تتجول ..بين عيوني
وشفافي ..