اغصان تتحرى البليل

37

صباح الخير
اعتذر عن النشر البارحة لظرف خاص وماانطيتكم
خبر بنفسي..
بس وصيت صديقتي تكوللكم بالتعليقات
ممنونة منها

اغصان تتحرى البليل
الجزء السابع والثلاثون

اتركج تردين؟
لا ننهيها احسن..حجيت بهمس وصارت الحجاية
قريب اذنه..
قرب شفافه من رگبتي وتنفس حيل..ضميته
لحضني اكثر رغم الالم..يمكن بوقتها
استنجد بي منه..

انتهت لحظات الي ممكن اسميها صراع..
على كد ماباسل حنون بس حركاته قاسية..
وتبدلت بلحظات سكووون..هدوء تام وانا
نايمة بحضنه..
ايده تسللت لشعري تتجول بين خصلاته..
شد على شعري حيل..انيت براحة..

بقى يحرك خصلات شعري بقوة..ويحجي ببحة
وهمس..حلو هيجي؟
ايي حلو احس راسي كلش يرتاح..
هههه ..
اكو شي؟ضحكتك مو خالية..
لااا سالفة بعدين نسولف بيها..

اذا هيج خليني اكوم للحمام احسن..
وين رايحة هسه نكوم سوا..
لا تضايقت كلش..
كومي بس طفي السبلت قبل لا تدخلين حتى
لا تتمرضين..
اي بس روبي وين؟

عوف الروب لبسي قميصي..
لا بلة اصير جني وحدة لابسة دشداشة امها..
ههههههههه لا بالعكس..لبسي وشوفي
شكد حلوو..
وين الكاه انت نزعته بالحمام يمكن..
هسه اروح اجيبه الج واجي..

كام جاب القميص مالته وانطاه الي وتمدد..
لبسته وانا ابتسم..دكمت نص الدكم..
هو يباوعلي باعجاب ومبتسم..انا ماكدر اباوع
لعيونه خجلانة بس استرق النظر لحركاته
ووجهه من يحجي..

نزلت من السرير وانا اجر بالقميص من جو
واضحك..
لهفة..صاحني بصوت هامسس..
درت عليه مبتسمة ومغمضة..
روحي روحي هههه كاتلها الخجل..
مشيت بسرعة للحمام ..اول ماسديت
الباب باوعت لنفسي..

وجهي احمرر وشكلي صاير حيل حلو..
بقيت اباوع للمراية ومبتسمة..الحمدلله ربي
يديم راحتي..مايهمني المضى والتعب..المهم
هسه ارتاحيت..

فتحت الماي ووكفت اسبح..صارت عندي
اوجاع خفيفة..
كملت بسرعة ولفيت نفسي بالخاولي وطلعت..
لكيته كاعد بطرف السرير يباوع بالفون..بطلعتي
رفع راسه..بالعافية..ابتسم ونظراته محرجة..
الله يعافيك..حجيت وانا اخذ الروب ولبسته
فوك الخاولي..

دك فونه وفتح سبيكر وكام اخذ الخاولي..
اسمع صوت صفوان يحجي..ها لك ليش غالق
جهازك بس لا حصلتلك بسمار..
وكف قريب مني وحجه بضحكة..ليش هيج
تحجي عليها خطية هي صح شرسة بس
تخاف مني..
هاااا يا زماال فاتح سبيكر طاااح حظك..

اي حتى تسمع شلون انت تحجي عليها وكدامها
تصير طيب..
خيب دنجب مااحجي على بنيتي انا..بس جنت
خايف من بسمارها ههههه..وينج بابا لهفة
شو اختفى حسج..
مقبولة منك ههههحجيت بخجل..

هلاااا بالخجول ههههه..شلونج بابا لهفة خو
ماعايزج شي..
شيعوزها وهي وياي صفواان لا تخليني اقسم
هسه ..
انت انجب انا مخابر بتي اتطمن عليها ..
ترى مرتي مرتي مرتيييي لو اشرحلك شلون
مرتي؟؟
هاا اذا صارت مرتك جا بيها الخير ههههه..