اغصان تتحرى البليل

48

صباح الخير

اغصان تتحرى البليل
الجزء الثامن والاربعون

فتحت الباب ورجعت ليورا وهنا مجلبة بيه..
صفوان دخل ووجهه مجمر..راد يعتها من وراي دفعت ايده..
عوووفيها لهفة..
لزمتني هنا حيل وحجت ببجية..لا تخلينه يضرربني ..
باوعتله انقهر نن موقفها لان كامت تبجي..اهدأ صفوان
اكعد بس اكعد ونحجي..

تنهد وكعد..دفعت هنا للقنفة وكعدت بصفها..
حجى وهو يباوعلها بأسف..انا شكايل؟؟مو كتلج
ماتطلعين للباب؟؟
احجييييي ليش ساااكتة؟؟؟
ردت ردت اخابر عموو..
طااايحة الحظ صلفففة..خابرتي الولد وهو بالشغل
حتى يجي فازعلج من ابوووج؟؟؟جللبة ماتصيرلج
كل جارة..

كومي يلا كدامي الناس جايين..واذا طلعتي الهم
لو راويتي جهرتج ..طلقة واحطها براسج ..
يلاا كومي كدامي..
كامت وهي ترجف..تقربت منه وحجت ببجية..اسفة
بابا حبيبي..
اباوعله عيونه غوركت ومكسور خاطره عليها..جرها
من ايدها ومشى..التفت عليه..لا تضوجين مني..
اكيد لا..حجيت بابتسامة..

اخذها وطلعو ..اباوعله شلون حنين عليها رغم
غلطها وبسرعة كلبه يرف عليها..اكول ابوي شلون
هيج قسى ويانا!مارحم بحال واحد من عدنا
ابد..ماشفت فد يوم منه حنان لو نظرة حب بعيونه..
اثر بيه هالموقف حيل..بحيث بقيت بمكاني كاعدة
وصافنة..حاجاني همام اجه ذب روحه فوكي
حاول يحاجيني..التهيت ويا وطلعت نفسي من
هذا المود المعقد ..

ورا ساعتين تقريباً..جنت جاي انيم همام بغرفته
متمددة يمه..سمعت باب الشقة انفتح!
جريت نفسي بهدوء وكمت حتى لا بفز..
فتحت الباب وطلعت..لكيت باسل كاعد بالهول
منتجي ع القنفة ورافع راسه لفوك وصافن..
تقربت منه مادة راسي..التفت وباوعلي بنص عين..

كعدت بصفه..شعجب رجعت؟
ع مود هنا ..ردت موضوع يتسهل وتروح بفالها..
وشنو صار؟
كلشي تمام تفاهمنا وياهم والامور طيبة..
لعد ليش هيجي ضايج!
صفن بوجهي بنظرات تربك..درت نظري عنه..
فر وجهي عليه لحد ماصارت عيوني بعيونه..ليش ماخابرتيني؟؟

شوكت؟شنو؟
من متحرش بيج السكط اخو ايات؟؟
غمضت بتهرب..ماعرف شنو اجاوبه..
عصر حنجي حيل..ليش؟؟؟
فتحت عيوني باستغراب..
هدني وعدل كعدته..حجه بغضب..يعني لو مايحجي
صفوان انت تسكتيييين؟؟؟؟

صفوان حجالك؟؟
اي ولازم نسويها عشاير!!
باسل تحجي صدك؟
لا مدام..اتشااااقى..مرتي متحرش بيها واحد وانا
ماااادري...اخررر من يعلم..
اي شبييك تصيح؟؟يعني اخابرة وانت بالمستشفى؟؟يابه
لحك عليه تحرشوو بيه؟؟

صووتج لهفة نصي..
سكتت..
رجع حجى بانفعال..ليش ماخابرتي؟؟
باسل انت تشك بيه ماكدر ادافع عن نفسي؟
اعرررفج..اعرف تدافعين عن نفسج...بس هسه عندج
رجاال..هو ياخذلج حقج حتى لو انت ماخذته..
باسل ترى ماقصرت ويا كتلته بالنعال..