أنت تقرأ

اغصان تتحرى البليل

ChickLit

بين ضن الاب وظنه..تصارع زهرتان .. وغصن يقاسي لوعة الحرمان.. واخر في ارض ليس بعيدة يجور عليه الزمان.. احيان..تكون الام ليست ام والاب ليس اب احيان.. من بنا اختار اهله!من اختار قدره !من منا كان يريد ان يكون ماكان.. لكن رحمة الله واسعة..وربما نجد في اق...

#بخل #حب #حزن #رومانسية #ظلم #عراق #مسيح

7

46.1K 4.3K 2.4K 
                                    

                                              
مساء الخير

                          
اغصان تتحرى البليل 
الجزء السابع

                          
اييه لهة الشقاوة..شلونج؟بالمناسبة اسمي وائل..
باوعتله باستغراب ..شنو شقاوة شلون اسلوب هذا؟
لا ابد مو شقاوة..دباوعي عيونج راح تطلع من مكانها
وتنترين..
وانت شنو جاي تخطب لو جاي تعارك؟؟حجيت بنتر..
رفع حاجبه باستهزاء..صدك هيج اسلوبج؟؟
الظاهر بس قشرة لطيفة انت..

                          
لا بلة؟؟وشنووو جاي تقيمني انت لو شنو وضعك
بالضبط؟؟
صفن بوجهي شوية..لا جاي اخطبج..
ويعني مقتنع تخطب وحدة اصغر من بتك..ترى
بعدني طالبة سادس انا..حط بتك ومكاني
وشوف تقبل تتزوج واحد بكدك ..

                          
طالبة اريد اكمل دراستي ماجابك الحظ الا عليه..
وشوف خاف ابوي يردلك خبر موافق..
معناها جبرني وترى تتورط بيه ورطة 
لان مارايدة زواج ولا اصلا
افكر برجال..
راح اطلع روحك وانت امبين جبير ووراك ضغط سكر
ومنا انا ادق بكلبك يجوز اجلطك بتصرفاتي يعني
وتتيتم بتك خطية..اليشوفك يحوفك
بس طلعت هم بس قشرة..

                          
انا كملت كلامي واباوعله كام ووجهه محتقن..عدل سترته
وجر الربطة رخاها..
صيحي للجماعة اذا تكدرين..حجه وكاتم عصبيته..
انا طلعت لكيتهم كاعدين بالهول وملتهين يضحكون..
اول واحد شافني ابوي..كام ويباوع لوائل وراي..

                          
حجه وائل وامبين عصبي..يلا احنا نترخص..
اجتني الخزرة من ابوي درت وجهي..
كامو النسوان ووجوهم بيها الف سؤال..وهو كال
من رخصتكم وطلع كدامهم..
طلعو وياهم امي وابوي ..وانا رجعت للغرفة..

                          
لكيت هالة كاعدة بمكانها وامبينة باجية..
بس دخلت مسحت وجهها وابتسمت..شنوو الاخبار؟
اندري ..اشو جايلي هذا الي كالت عليه مرت عمي الجبير
تتذكري؟
اي ادري بس كالت امي بيت ناصر عرفت..
اي يكلي شقاوة رديت عليه كتله شنو هالاسلوب 
اشو تعصب ..شسويله يعني...

                          
يبوووي وابوي شسوا؟
ماجان يمنا وهو هذا طنكر وكام طلع ..
عفت امي وابوي يزتوهم للباب واجيت..
وبقت ترجف وتباوع للباب..بس لا يحجي كدام
ابوي..الله يستر ولج لا يجي يهد عليج..
يوووه شيريد يسوي خل يسوي..مو بكيفه يدمر
حياتي..
كلش كافي التدمر من حياتنا والمضى..

                          
حقج حقج شما تحجين..حجت وعصرت بطنها..
شبيج،؟؟
بطني كلش توجعني ..
سودة عليه هسه ادز امي لبيت ام دعاء
بلكي تحصل منهم مسكن..
علواه كلش ..قبل لا تكمل حجايتها اندفر باب الغرفة..

                          
اول مادخل ابوي كمت ابتعدت عن هالة خفت
يضربني وتجي بيها الضربة..
دخل الشرار يطير من عيونه ويصيح ..شردتي
الرجااااال..ولج انا يكلولي بتك صلففففففة..
ولج تاااالي وكتي اتعير من ناصر واخوااانه انا..
يحجي ويكفخ بيه راشديات..
اغصان تتحرى البليلحيث تعيش القصص. اكتشف الآن