اغصان تتحرى البليل

45

مساء الخير

اغصان تتحرى البليل
الجزء الخامس والاربعون

انت جاي تحجي عن باسل ترى!!
اي والطكعة لا تخبصيني عاد..احجي سالفته
كلها وماريد جذب..لو صدك بس لا ماتدرين!!!
طارحج زوج هذا النغل!؟
لا تكول عنه هييييج حرااام عليك هذا طعن بشرف
مرة ميتة..

مو انت التعليمني شكول وماكول..باعي انا سمعت
بس ماحجيت كدام احد الا اتأكد..وحتى هو
ماحسسته ادري..فاحترمي نفسج واحجي..
لا اكعد العشيرة كلها واكاومهم اكلهم غشيتونا
وماكلتو هذا مو ابنكم..

هز بيده وهو يكمل كلامه ..تهيي وانا اكول يادكتور
ياخذ وحدة مثلج ..طلع دكتور لاكينه بالزبالة..
مالاكييينه ابنهم والكلك هالحجي جذاااب يكرهه
يرتكب عليييه..حجيت وانا اعيط ..طلعت امي
وهمام كدامها يباوع بقلق من الصياح..اشرتلي
من ورا هدي ع كيفج..

هو كام يضحك..هههه غير مطفية انت مدري
اهلي مطفين من كعدو بخطبتج وماسألو عنه..
ولج الدنيا كلها تدري مو ابنهم..عشيرة ابو فادي
كلها تدرييي..ابن ناصر شافني وعيرني..
ولج يكلي ماتنطونيييي مرة تنطوها لواحد نغللل..

جاوبته بكل عصبية..ايي تصدك هذا الشايب
طبعا يكول هيج..لان ماقبلت بيييي...لان رفضته..
عمى بعييينج وبعيييني..ميت عليج ع اسااس..ولج
يعرفون اهله من الصغر وبينهم نسابة هم..

انا تافخ روحي من سالني واكله دكتور ودكتور..يكلي
هذا الرباه ابو صفواان هذا هذا لكووو بالزباالة..
جان وياي بالمدرسة كلنا نصيحله ابن الزبل لان
مسوي روحه شاطر علينا ويتفيك..فشلتيييني
امدااااج وجببح هالوجه..طبك ايديه ثنينهم وغمني..

بهاللحظة وجعني كلبي ع باسل..حقه لو تعقد
عود هذا السمعته قليل الله يعلم شمصادف
من مواقف بعد ..
ابتسمت وانا احاجي ابوي..هسه انا وياك جنا
مانعرف وعرفنا!شنو المطلوب!!شنو التريد اسوي!!

الاريده تبقين هنا..ونكعدهم عشاير لان جذبو عليينا..
ونفصلهم فصل يكسر ظهرهم واطلكج منه وذبي
همام عليه..
همام شعليه!!حجيت وانا ااشر لامي تدخله
لا يسمع بس امي تهز راسها لا..انمردت من
شفت نظراته من جبنا اسمه وهو اصلا خايف من الصياح..

مو هو رجلج نغل مثله وتكفل بي..مو تعهد
بمسؤوليته..هذا هو يروح ويا مانريده..
وانا هسه راح اخابر اهاليتي واخليهم بالصورة
حتى ماانلام..
كاافي..كاافي ظلمم..رجلي وبيتي وابني وماعوفهم..
ولا اريد اشوفك بحلم ولا علم بعد..هسه اخابره
واخلي يجييييني..حجيت بقهر وصرخت بوجهه..

تقدم عليه ومخنزر والحقد مالي ملامحه..
تبقين هنا ورجلج اذا تعتب الباب اكسرها..
فوك جسارته ولسانه النكس طلع نغل..
بابا كاافي لهنا وكافي..لا تكول عليه هيج..
تقرب علي وهو خازرني ويباوعلي مامصدك..
توكفين بوجهي لان كتلج رجلج نغل ..تلاسنين
لخاطر واحد نكسسس..