اغصان تتحرى البليل

42

صباح الخير

اغصان تتحرى البليل
الجزء الثاني والاربعون

اخذ باسل الاوراق من ايده ويقرا ووجهه غاضب..
حاجاه الدكتور وهو يطبطب ع كتفه.. سهلة دكتور
محلولة..
هينة هينة..تقرب يمي ومسح ع كصتي ..ماعليج
شي حبيبي سهلة..

شبيه شنو ؟!
الكيس مفجور بس لازم يستأصلو..
يعني مو خطيرة ؟
لا ابد مابيها كل خطورة..
الحمدلله..اريدك  هسه تخابر 
ريمة تروح يم همام لا يكعد
ومايلكاني ويخاف..
تم هسه طالع اخابرها..

وبعد اريد منك شي بكد ماتحبني تنفذه..
روحي ترخصلج..حجى برجفة..
سلامة روحك..بس هاي عملية وحياة وموت..اذا
صارلي شي ورحت من الدنيا همام بركبتك ذمة
لا تخلي ينذل..
عصر عيونه بتعب...شلج بهالحجي انت السبعة..
قوتي اخذها منج
انا..حجى واختنك ماكدر يكمل..بهالموقف حسيته
حيل ضعيف وهش من داخله..

بدو بالتحاليل المسبقة للعملية وهو لان يعرفو
تسهل كلشي الحمدلله..ودخلت للعملية الفجر ..
بعد ماطلعت وفكني البنج..باسل لكيته يمي ع السرير
كاعد ..
جان نظري مشوش والم يملخ ببطني..باااسل..حجيت
بلسان ثكيل..
كعددت البطلة مالتي سلاامات..دنك باسني براسي..

وام صفوان كامت اجت يمي فرحانة وتحاجيني..
اجر وعافية ماما خطاج السو..
هزيتلها راسي مابيه احجي لساني احسه شثكله..

كام باسل عدل الي المغذي وانطاني ابرة..شوية
شوية خف الالم وهديت..سالته ع همام كال نزلته
ريمة جوا يم الحجية لا تخافين عليه..طلبت منه يودي
لامي ..رفض كلش كال ريمة تحب الجهال لا تخافين
عليه يمها..وانا مخليها يم الحجية هم تهتم بيها وهم
تهتم بهمام..تطمنت ع عليه ورجعت غفيت..

بقيت يومين بالمستشفى افضل اهتمام وعناية
شفت بحيث حتى الالم كلش قليل..ام صفوان هي
قامت بيه ووياها ممرضة كلفها باسل اعتنت
بيه حيل..تكأبت ونفسيتي صفر لان بهيج موقف
تمنيت اخت او ام وياي..بس ماخليت باسل
يحجي لامي شي خفت عليها تنقهر لو تتخربط
كافي عليها ضيم ابوي..

بيوم الطلعت من المستشفى..الصعود صعب
عليه باسل صعدني وهو شايلني..
دخلت لشقتي لكيت ريمة كاعدة تلعب وي همام..
شافني اجالي يركض ..ودوني لسريري تمددت
وهو اجه نام ع صدري وشبكني وضم راسه..
حاجاه باسل راد ياخذ وياه ماقبل يتحرك ابد..

كتلهم عوفو مشتاقلي ادري بي..تشكرت من
ام صفوان هواي لان ماتركتني من يوم الدخلت
للمستشفى لحد هاي اللحظة..وهي خطية تحب
باسل رغم باسل قافل كلش..
بعد ماراحت لبيتها ..شوية والحجية صعدتها ريمة
يمنا كتلها لا تنزلين ابقي باتي يمنا ..

بقت كاعد يمي تباوع لهمام بابتسامة..
هواي يذكرني بباسل هذا الطفل..
شلون !
هيج جان متعلق بيه ..وجده كل مايشوفه يكله
صير رجال لا تتصرف مثل الجهال..يبقى
بس يخزر مايرد..