اغصان تتحرى البليل

٣٢

صباح الخير

اغصان تتحرى البليل
الجزء الثاني والثلاثون

باسل شنو يعني انت مستكعدني؟؟
فتح عيونه بخزرة والحجية حجت باستغراب..شنوو هالحجي..
اشرلها ويحجي بنتر..اوكفي يمه اوكفي..
باوعلي وحجه وهو صاك ع اسنانه..منيلج هالحجييي؟؟
جذابة عموو ..حجت هنا قبل لا انا اجاوبه..

هااا هيجي السالفة يعني..بسرعة الحجية
جرت هنا حطتها ورا ظهرها..
وهو تقرب منها ..شلون تحجين هالحجاية
احنا زلم نستحي نحجيها؟؟
عموو اناا ماحجيت اسالها هي منين جابتها يعني
انت تصدك انا احجي هيييجي؟؟

عوفيها يمه خليني اتفاهم وياها..
لا تاذيها باسل لخاطري يمه..انت من ابوها
يهد عليها تاخذها يمك..
اي انت كلتيها يعني مااذيها..تعاي وياي..
باوعلي وعيونه حمرر..امشي لهفة..
وين !
امشو للاستقبال..

حجت الحجية وهي مدنكة..مسحيها بيه ماما..
هزيت راسي بتنهيدة ومشيت..وهو جر هنا ودفعها
كدامنا..
رحنا للاستقبال..دخلت هنا وهو وراها..اخرهم
انا دخلت..
بقيت واكفة ومكتفة ايديه..وهو واكف قريب
هنا لان كعدت ع القنفة..

حجى ببرود وهو يباوعلها..اييه ست هنا
شلون عرفتي بلة مستكعد مرتي!!؟
باوعتلي صفح ومن جوا لجوا..صرت توكف
ضدي عمو حبيبي هيجي صارت..
هناااا..عاط بصوت عالي..انت تدرين شنو معنى
حجااايتج؟؟؟؟

ولج طاايحة الحظ تحجين هيج حجاية وياها
ليش؟؟؟لو عندج ربع سترها وعفتها ماجان
طاااح حظج وحظ امج..انا ادري كلش زين
هاي سوالف امج..هناااك ويوصلنا سمها
بس وصليلها هذا الحجي..اذا شافتنا سكتنا
على خرابج وخرابها وكلنا عرضنا وميخالف..
ترى نرجع نفتح ملفات عتك ونجر البساط
من جوااها..

ولأول مرة واخر مرة تحجين وي لهفة حجي زايد..
اياااج ثم اياج تحجين حجاية زيادة ناقصة ومو
انا احاسبج ترى..هي تحطج وتكسرج تكسر
شوفي هسه دقايق سوتج كرعة..بعد مااضمنلج
شسوي بيج احتمال تدكج ببسمار..هي هسه
احترام الي سكتت ترى..

حجه وباوعلي وهنا كامت تبوس بي..اسفة
وانا احبك وتدري بيه كيوت ومااذي احد..
لزمها من شعرها وباسها.. وكلها لا تعيديها
بعد..
واعتذري لمرت عمج يلا..

اجت يمي وتحرك اكتافها بدلع..اشفة..
باوعتلها بطرف عيني..اشفة شنو انوب ..
ضربها ع علباتها وضحك..يمتى تبطلين تكولين
اشفة ولج..
ههه انا مااكبر..ضحكت وطلعت..

باوعلها وهي تطلع..تنهد ورجع باوعلي..
شنو صار وشوكت كلتلج هالحجاية؟
باوعتله بصفنة..شكد تحترمته رغم هنا غلطت
بحقي بس ماهانها لو مد ايده عليها..يمكن
هالشي زاد حبي اله..

جاوبته بهدوء وتأمل..وماجان متوقع مني هذا الهدوء..
كالتها قبل شوية..وماجنت اعرف معناها لو
اعرف مااقصر وياها..
ههه اعرفج ماتقصرين..لا تهتمين لحجيها هي
مشتتة وامها تحجي براسها..ومتعبة صفوان
كلش..