اغصان تتحرى البليل

٢١

صباح الخير

اغصان تتحرى البليل
الجزء الحادي والعشرون

باوع للبسمار ورجع باوعلي..وخري هذا
خل اتفاهم وياج كبري عقلج..
انطيتك جوابي لا تلحح ودربالك تقرب
حجيت وقربت البسمار ع خده..
هه..يعني هسه انا لازم اخاف من البسمار!كل عقلج؟
اييي وليش ماتخااف..شوفه شلون قوي
وراسه مبوز ترييد تجرب..حجيت بخزره..

هو حصر الضحكة بس ماتحمل..ضحك
بصوت عالي ورجع وحط ايده ع وجهه وبقى
يفرك بوجهه وبراسه..وانا صافنة عليه ياستار
هذا بس لا ملبوس شو كام يضحك لوحده..
سكت نفسه وعدل صوته.. بس بعده كاتم
ضحكة..

احممم همام رجعو يمج مو؟
اي امس جايبه عمه لان بيبيته توفت..
اي ادري بس كلتي لصفوان؟لان البارحة ماكدر ينفذلج
وعده..رحنا ولكينا عدهم فاتحة ماكدرنا
وهو كال مدام هيج هسه يرجعونه الها..
ايي كتله اول مااجيت..

صفن بعيوني وابتسم بصفنة..لهفة انت ببالج
احد ورافضتني؟
حاجيته بنفس هدوءه..لاا مااحب الولد انا..
باوعلي وهو ناط عيونه..ليش!

يعني قصدي ما ما ماا مااريد ارتبط ..اريد اتخرج
واربي همام..اهتم بي اعالجه ادرسه..
وتكدرين تسوين كل هالشي وياي وانا رايد
هذا الشي ويسعدني..حجه بهدوء مفرط..
مامجبور بي انت ..وهم اهله اذا سمعو انا
تزوجت وماخذته وياي ياخذو..

قبلي بية وانا اضمنلج محد يدوسلج طرف ولا
واحد بيهم يفكر حتى يشوفه مو ياخذه بعد..
ليش شنو تكدر تسوي؟وهم القانون وياهم
ويحقهم..بقضية وحدة بعد يخلوني احلم
اشوفه..

هه مابيدهم شي وداعة لمعة خدج..حجه وصارت
نظراته ع خدوي..وجهج ليش يلمع مثل الكرستاال..
حجه وراد يقرب صبعه يلمس وجهي..

ابتعدت بخزرة ..حسيت وعيت لنفسي انا شجاي
اخربط تخبلت شبية..
احترم نفسك واطلع برا ..حجت وانا مدنكة..
حجه بنبرة ثقة..ترى ماتعرفين تمثلين..رعشة شفافج
بينتلي كلشي..
لا تتجاوز وابقى انا الطالعة..حجيتها واجيت اطلع..
اعترض طريقي..رجعت ليورا..

ابقي هنا وانا طالع..المهم اخذت جواب كلبج
هذا يكفي..
رفعت عيوني واستجمعت كل قوتي..غلطان انا
اعاملك مثل صفوان لا تتامل بشي..
باوعلي وحجه ببرود..يم صفوان ماترجفين
ومن يحاجيج ما تذبل عيونج..
بس انا يمك مارجفت..حجيتها وانا متوترة وشاكة
بروحي..

لهفة ليش تلعبين باعصابي؟انا الدنيا لاعبة
بيه ترى..لهفة اريدج صدر دافي الي ..يخصني..
يحتوييييني انا تعبااااان...
ماراح تلكى يمي الراحة لان مانتراهم..
تردين تذليني لو فعلا ماترديني؟!
اذلك ليش شنو هالاسلوب!بس ماريد ازيد
تعبك اكثر..اكيد تلكى الترتاح يمها..

وانا اشوف راحتي يمج انت..وعيونج جنت كاره
كلشي وماعترف لا بحب ولا بعائلة ولا اخوة
وحتى الامومة ماتقنعني..بس انت شفت بيج
احسن حبيبة واحن اخت واروع ام مضحية..
لهفة انا انحرمت من امي وماعرف حتى اسمها
وكل يوم اعتب عليها لان عافتني..هي واخوي
مات وياها بنفس اللحظة..