اسسسفه كلش والله عالتأخير بس والله مدالحك واني سادس اتمنى تدعولي ☹️
القصه قربت عالنهايه... وهي بارت طوويل تعوويض...
تنويه!!: القصه بيها جزء ثاني
استمتعوا... وعلقولي بالفقرات حتى اعوف انت منسجمين بالقصه احبكم💚
ليث: اسد؟؟
اسد ( بأبتسامہ): السلام عليكم
عمر كام وحضنه بضحكة: لك ههههه شجابككك مشتاقيلك
اسد: هههه مبين والله من اتصالكم بيه
ناي وهي تشاور عمر: كولي هم اخوك هذا دانجلط
عمر: ههههه لا هذا صديق الطفوله ابن عمتنا للمعلوميه
وتين: ماشاءالله كرايبي اول مره اعرفهم
يوسف ( اخو اسد): السلام عليكم
فارس: هله بيسوف كبررران شونك
يوسف: ههههه هله فارس الحمدلله وانتوا شونكم
حنان: هله بالمنورنا امكم وينها
اسد: والله عمه بقت بالبيت هي ووسام كالت ازوركم عن قريب
هدى: هااا سلملنا عليها
اسد: يوصل... شونكم بنات عمي
وتين وناي وزين: الحمدلله
لارين: ممااااممااا تعاي هاي الخدامه تصيحج...
اسد...
اعرفكم بنفسي اسد ... كليه عسكريه عمري 20 سنه عصبي وماانحمل اني اعترف ابويه توفى قبل فتره مو طويله وهالشي اثر هوايه بنفسيتنا عندي اخوان اثنين يوسف عمره 18 ووسام 4 سنين ... جنت بالخارج ومن توفى ابويه سوينه اوراق النقل ورجعنا لمنطقتنا... رحت لبيت عمي وشفتهم كلهم وطبت بنيه مو صغيره ولا جبيره بس سبحان الي خالقها جمالها يجنن نزاكتها شكلها بعدين عرفتها لارين!!! شوكت كبرت هيجي؟ اخر مره شفتها جانت يادوب تحبي
لارين( بتوتر): اا السلام عليكم
يوسف: وعليكم السلام شونج يبت العم
لارين( بخجل): الحمدلله بخير
حنان: يلا عيني تفضلوا عالغده
ليث: يلا يلا تفضلوا
وتين: ايلان ماما تعال ناكل حبيبي
ايلان: لا اني يم بابا فارس اروح
فارس: خلي يمي اني اوكل
وتين: خاف يضوجك
فارس (ببرود): لا عادي ... مشى وعافها
وتين( بگلبها...): هاي هي وتين حياتج هيجي ومراح تتهنين ابد اووف
عمر: يلا حبيبي
ناي: اخخ عمر بطني داحس بنغزات ساعدني اكوم
مدلها عمر ايدده: نروح للمستشفى متوجعه؟
ناي: لا هسة شويه وتروح ... جوعانه
عمر: ههههه تعاي بنوتي ناكل يلا
اجتمع الكل عالسفره....
رائد وهو يهمس لزين: كعدي بصفي
زين: رااائد اشش فضحتنا هسه اجي..
كامت زين ورجعت لكت رائد مخليلها مكان بصفه والباقي متروس ابتسمت بسكوت وراحت كعدت يمه.....
حنان: لارين ماما جيبي المي من المطبخ
لارين: تمام
كامت لارين للمطبخ وهي تجيب المي وشافت يوسف يغسل ايده عالسنگ
اخذت لارين المي ودتطلع
يوسف: يا صف انتي لارين
لارين: اني خامس
يوسف: هممم موفقه علمي انتي؟
لارين: ايي
يوسف: شنو تريدين تصيرين؟
لارين: دكتوره جراحه مثل فارس
يوسف: هممم شبيكم كلكم دكاتره تحسسوني بغباء
لارين: ههههههه ليش
يوسف: اني ادبي وحصير محامي
لارين: ههههه يي حلو
يوسف: اي الله يعين يلا نروح
لارين: هههه يلا
