فارس طلعت وتين من العمليه ونقلت لغرفتها رحت غيرت ملابس العمليه وكعدت بصفها لكيتها نايمه من اثر المخدر ضليت اباوع على ملامحها وشلون نايمه بهدوء اتمنى بس تكعد واكوللها انو عمليتها نجحت بعد ماكو داعي تخاف من شي بعد ماكو داعي تبجي بعد ماكو داعي تزعل اذا احد كال الها شي بعد ماكو داعي تشرب دوا كل شويه بعد ماكو داعي تتافاف انو هذا الدوه هوايه ومتريد تشربه بعد ماكو داعي تنحرم من تسوي شي بعد ماكو داعي تنفر مني اريد تكعد واكوولها العمليه نجحت وانتي بخير بعد ماكو داعي تخافين من شي اريد تكعد واكلها بكميه الفرح الي بداخلي انو الشي الي جان يضوجها خلص راح بعد ماموجود اريد اكوللها بعد ماكو داعي تبحين كل ليله او تضوجين وتحزنين من تشوفين حبيب وحبيبته وتباوعين عليه بس تخافين تقربين مني اريد تكعد واكوللها تكدرين تصيرين ام وتكدرين تحبيني بدون قيود تكدرين تكولين احبك وتكدرين تسمعين كلمه ماما اريد تكعد واكوللها انتي بصحه وعافيه ورح نعيش سوى اريد اكوللها بعد متخلص مني بعد ماكو حجه رح اضل وياها حتى نعجز ورح اضل احبها ورح يكبر حبي الها يوم عن يوم لزمت ايدها وضميتها بايدي الاثنين واني اباوع عليها وغنيت
عشق .. يادقة حلوة وبالقلب تدق
ياهوى وبعدك اني اختنق
أنا اعشقك واتنفسك مثل الهوى
ترى .. ترى الغرام بداخلي عبر
حد الأرض صعد ورا القمر
جمر الغزل بيه اشتعل وماينطفي
ترى .. تبعد واحسك دوم قاعد ببالي
والتفت ما القاك واحضن خيالي
قلبي اليحبك موت قد مايحبك
مو قلبي لا والله سميته قلبك
ماعندي كل غالين بس انت غالي
نَفَس .. ماعندي غيرك تدري انته بس
اول غرام بحبه قلبي حس
كل العشق حبيته إله وماكو بعد
خلص .. بعد خلص ماكو عشق بعد
حبي الوحيد ويبقى للابد
بي ابتدي وبي انتهي وكلشي بعد
خلص .. حبي الك ادمان ما اريد اعوفه
ووجهك علاجي يصير كلما اشوفه
ضميته جوا الروح حبك يا غالي
من بالي كل شي يروح وانت على بالي
مكتوبه بالدقات اسمك حروفه
وتين فتحت عيوني نزهجت من الضوه رجعت سديتها وفتحتها بشويش واني احس شي دافي حاضن ايدي وفارس يغنيلي وهو يباوع عليه بحنان يعني اني حيه يعني نجحت العمليه كميه فرح بداخلي لان جنت خايفه يكون البارحه اخر لقاء بيني وبينه
باوعت عليه وابتسمت وكلت واني عشكك هو الي خلاني اعيش
فارس باوعتلها واني مامصدك حجيت واني فرحان اريد ابشرها وتين نجحت
وتين:ابتسمتله وكلت يي
فارس:كلبج ماتوقف نبضاته مثل ماخفتي
وتين:مو كلت انت كلبي بدام يحبك رح يضل ينبض واني احبك فماوكف نبضي
فارس جنت فرحان واحس الارض مو ساعيتني حظنتها واني اكول:وتتتتيني احبج
وتين:واني هم احبك بس وجعتني
فارس بعد وكال اسف اااسف ماانتبهت نسيت فرحان
وتين باوعت عليه وشلون متحمس وفرحان واحسه يريد يطير من فرحته
فارس رجعت حطيت راسي بحظنها بشويش حتى مااذيها احس كميه هموم نشالت عني اني الي جنت احاول اصير قوي واقويها اني الي جنت اعرف ان العمليه ناجحه بس ميت رعبه اني الي اعرف مابيها خطوره بس لمجرد وتين موجوده احس خطر العالم كله بيها اني الي احس خضت اصعب عمليه بحياتي كلها اني الي سويت اصعب من هالعمليه مرات بس ماحسيت بخوف بيهم نفس خوفي هسه اني الي سويت اكثر من عمليه بس احس ايدي رجفت من اخذت المشرط اني الي تدربت اكثر من مرى على العمليه هاي حتى مااخطا جنت خاايف يي خايف شكد جنت احاول اصير قوي بس بداخلي خايف ومكسور كلبي خايف لااسمع صوت وقف نبضها لمجرد التفكير احس نفسي انرعب اني الي احس لو شفت ذاك الخط المستقيم جانت روحي اناخذت اني الي ماجنت عندي الجرئه افكر بحياتي بدونها لان مالي حياه بدونها هي الهوى الي اتنفسه وهي حبيبتي وروحي وعمري وكل دنيتي هي اغلى مااملك واحلى شي بحياتي احجي هالحجي واحس نفسي مقصر لان ماعبرت عن حبي الها احس هالحجي والكلام قليل باوعت عليها وبعينها كلت
كم تمنيت لو كنت كاتبا وزينت كتاباتي حروف اسمك واعتلت الابتسامه وجهي وانا اكتب لاني اكتب لك اكتب عن حبي لك اكتب وانا اشعر ان قلبي في داخلي ينبض مع كل حرف لانه لك اكتب وملامح وجهك لاتفارقني كم تمنيت لو استطعت اني انقش كلمات الغزل والشعر لكنت انت عنوان كل قصيده لي
اتمنى لو املك القدره ان انشا مقطوعه موسيقيه لكنت كتبتها واسميتها حبنا وعزفت الحانها ومع عزفي اشعر نبضات قلبي تنبض لها لتصغي لمسمعيها فقط لاخبرها قائلا تلك الحان حبي وشوقي اليك هذه الحان حبنا كم من انسان اكتشف الزمرد والياقوت والماس! كم من انسان تعجب وانبهر بلمعتها ولكن مثل نظرتك لعيني لم ارى بريقا اشعر كما لو انها تفيض حبا اشعر كما لو انها تحظنني لست انا من امدك بالقوه ولكن انتي من اعطيتني هذه القوى اتمنى لو كنت رساما لارسم تفاصيل وجهك ومع كل جزء منه ابتسم وانا غارقها في حبك انت يامن احتلتت قلبي بملامحك انتي يامن توجتني ملكا بحبك انتي يامن امتلكت الاكون باكمله ببسمتك كم تمنيت لو كنت امتلك القدره لاسر العالم باكمله فقط لتنظري فقط لي لاسمع صوتك انا فقط لتبتسمي لي انا فقط احبك واحب ان اتملكك انتي لي وانتي ملكي ياء التملك هذه لاتليق فقط الا لتقترن باسمي وباسمك اخبرتها هذا ونبضي تسارع ودموعي تنهمر فقد خارت كل قواي وانا اراها تصارع الحياه لم اكن لاتخيل حياه لي من دونها
وتين هو ويكلي وهذا الحجي واني احس دموعي اني الثانيه تنزل مااعرف ليش بس لمجرد تخيلت هذا الحب كله اليه لمجرد اشوف فارس القوي ينهار وجان خايف وعايش كل هذا لوحده بس علمود ماااتاذه اني وينطيني قوه وهو حان اكثر شخص يحتاج هيج قوه مسحت دموعي بعد ماريد حزن بحياتي مرى ثانيه بعد نااريد اي شي يوكف بحبنا ومااسمح لاي شي يفرقنا مسحت دموعي واني ارفع راسه من حظني وامسح دموعه
وتين:كافي حبيبي فارس خلص كل شي وشوفني اني طلعت ومابيه اي شي
