سووري حبايب عالتأخير... وهذا بارت طووويل تعويض الكم💜💜
طلع رائد ووتين وايلان للسياره ايلان جان بحظن رائد شاله وكعده بكرسيه ورجع كعد
رائد: بيج شي
وتين ساكته مترد
ايلان: بابا كعدني يمك
رائد: لا حبيبي خليك هناك
ايلان: بابا ليش ماسوي وكاحه
رائد وتركيزه يم وتين الي ملامحها مو عاجبته ابد: كلت لا
ايلان نفخ خدوده ودموعه تجمعت بعينه
رائد تنهد وطلع تلفونه وشغل كارتون وانطاه لايلان : هالك حبيبي
ايلان:ماريد اريد يمك
رائد:ايلان حبيبي ماما تعبانه هسه بعدين العبك وعد هسه شوف الكارتون
اخذ ايلان التلفون من رائد وسكت
رائد:وتين حبيبي بيج شي
وتين:رائد اطلع منا رجعني للبيت
رائد:تمام ساق رائد وتوجهه للبيت وتفكيره يم وتين
فجاه حس على صوت بجي التفت لكه وتين منهاره من البجي وتصيح
رائد:وتين كوليلي شبيج سوالج شي صف على جنب لان مديكدر يركز بالسواقه
وتين:بدموع وانهيار احبه اريده ليش هيج رائد ليش
رائد وهو يمسح على شعرها:كافي يعمري لتسوين بنفسج هيج
وتين بانهيار اكثر:المفروض اكرهه المفروض مااحبه المفروض مااباوع بعينه واحقد عليه كل هذا وهي تصيح وتبجي
ايلان وخاف من شكله امه وهي تبجي هيج:ماما
وتين بعدها منهاره وماانتبهت لايلان: جنه فرحانين والله جان مابيناتنه شي ليش عافني ها تحملني باصعب اوقات ليش عافني من مابيناتنه شي ليش علقني بي وتركني
ايلان بدموع:ماما
رائد انتبه لاييلان يبجي: شبيك حبيبي
ايلان بدموع وهو ياشر على وتين:ماما
رائد: وهو يمسح على شعره مابيها شي راسها يوجعها ارجع شوف الكارتون
وتين بانهيار:ايلان حتى ايلان جان يتمنى يكون عدنه طفل وهسه شنو متربي بعيد عنه وميعرف بي موجود اصلا كله بسببه لان عافني
رائد:وتين كافي ليفهم ايلان
وتين ومدتكدر تسيطر على افعالها ابد:يكولي جذب انتي مامتزوجه يكولي انتي مانسيتيني انتي مستحيل تعيشين بدوني وتنسين طيب ميسال نفسه وبشهكه اهئ اهئ يكولي متنسيني وهو نساني يبجي كدامي ويكولي كولي جذب ليش هيج ها اني الي اريد ابجي واكول جان كابوس واكعد الاكي بصفي ها ليش ماكو ليش من احتجته ماكو ليش حرمني منه وحىم ايلان منه ليش ماعاش طفوله ايلان ليش مافرحنا سوى باول كلمه واول خطوه ليش ماخلانه نعيش كعائله ليش فرقنه ليش ماجان موجود بصفي من ايلان يوكح واكله اكول لبابا ها ليش ميكول بابا لفارس ليش حرمه من هالكلمه وحرمني اكوله حبيبي ليش يكولي انتي متنسيني يي اني مانسيتك ومستحيل انساك اني من اباوع بعيونه اتوه واضيع من شفته ردت ارتمي بحظنه وابجي ردته يمسح على شعري ويكولي اني بصفح ها وبشهكه اهئ اهئ اريده واحبه والله اريده ليش فرقنا حرام عليه ليش فرط بحبنا اذا حان يحبني اصلا وهو ناسيني ويه هاي الربى يكولي ادزلج رسايل تخيل رائد اكله متهمني واني اقره الرساله مليون مرى واني انتظرها ليش خاني وعافني وخذلني شسويتله اني وبانهيار كتدت تبجي وضام وجها بين ايديها
رائد وبتاثر من حاله اخته نزل من السياره وفتح الباب الي من جهتها ونزلها وحظنها وهو يمسح على شعرها وتين جلبت بقميصه وهي تبحي وتشاهك
رائد وبقهر على وتين:خلص يروحي لتسوين بنفسج هيح على الاقل علمود ايلان شوفي شلون خايف ويبجي منو كال اني قويه ها لتسوين بنفسج هيج هو الخسران اصلا
وتين: وصوتها انبح من البجي احبه يرائد احبه كولي شلون انساه وهو حفر بكلبي وجوده كولي شلون انسه نغمه صوته ها كولي شلون اعيش بدون عيونها كولي شلون مااحظنه وبصراخ كولي ليش بطل يحبني ها شنو سويتله جان كلي جان غيرت والله والله جان غيرت ليش عافني ها كل دقيقه وكل ثانيه افكر ليش تركني وحيده اها ليش عافني اني وايلان بدون احد وحدنا
رائد:اني بصفج ناي بصفج ايلان هم موجوده بابا هم موحود وماما احنا كلنا موجودين ونحبج لتقهرينا عليج وتين حاولي تتعايشين مع الوضع يروحي كل شي اله حل لتنسي بس لتاذين نفسج بحبه لتسوين هيج شوفي اسلان شلون يباوع عليج من الشباك وصوته تكطع من البجي ترضين هيج يصير بي وهو يشوفه امه القويه منهاره
وتين ومازالت تبجي:
اي جبروت هذا
ماذا فعلت لقلبي ليتعلق بك هكذا
لما لا استطيع نسيانك
عيناك وصوتك وابسامتك
جميعها لي
كانت لي فقط
لما ياحب قلبي الوحيد
خذلتني
اخبرني كيف ساعيش وانا بعيده عنك
بعيده عن روحي وقلبي
اخبرني من اين امتلك القوه
لاواجه هذا
لما لااستطيع ان اكرهك
رائد:خلص حبيبي كعدها بالسياره بعد ماهدئت ومدلها مي حتى تشربه
ورجع فتح باب السياره الي ايلان جان يحاول يفتحه وهو يبجي فتح الباب وشال بحظنه وهو يمسح على وجهه الي حالته حاله من البجي
رائد:ليش يبابا تبجي
ايلان وكطع نفسه من البجي:ماما ليش هيج
رائد:كتلك يحبيبي تعبانه شويه هسه راح المرض شوفها متبجي
ايلان:بدموع:بابا انت مو دكتور لتخليها تبجي هيج
رائد بتاثر:خلص يحبيبي وهو يمسح دموعه لتبجي حتى ماما متبجي فتح بابا السياره الي من جه وتين
رائد:شوفي ايلاني ضايج لان ماما ضايجه تقبلين هيج وتين
وتين وهي تباوع على.ايلان مكطع روحه من البجي وانفه وخدوده لونهم احمر وعيونه هم
وتين:ليش يحبيبي اني مريضه شويه بس اخذت ايلان وحظنته قوي وهي تمسح دموعه
ايلان يبجي بحظن امه
وتين تندمت شلون سوت هيج كدامه اكيد تاثر:يلا حبيبي كافي بجي شوفني هسه اضحك وبابا هم يضحك يلا اضحك ويانا مسحت دموعه وشدت على حظنه ودمعه من عيونها تنزل بصمت
رائد تاثر من الموقف وغصبا عنه نزلت دمعه من عيونه مسحها
ايلان:ماما تروحين للدكتور
وتين:لاحبيبي هسه صرت زينه
ايلان:والله
وتين:والله حبيبي وهي ترجع تحظنه وتبوسه
رائد سد باب السياره الي من جهتهم ورجع ركب وساق والاجواء هادئه ايلان بحظن وتين ووتين شاده على حظنه ورائد يسوق وتفكيره كله بوتين ومقهوره عليه شلون مينقهر وهاي اخته هيج حالتها وايلان الي يعتبره اغلى شي بحياته هيج حالتهم
وصلوا نزل رائد واخذ ايلان من حظن ووتين
رائد:روحي اخذي حمام وارتاحي ايلان يمي
وتين:لا خلي يمي
رائد:روحي اخذي حمام اول واغسلي وجهج ميصير يشوفج وانتي هيج حالتج
وتين:طيب
دخلوا للبيت رائد اخذ ايلان يلعبه ويلهي ووتين صعدت لغرفتها باوعت على نفسها بالمرايه وهي تشوف وجها شلون صاير المكياج خربان والمسكارا سايحه من الدموع وعيوني مورمه وتسريحتها حالتها حاله باوعت على نفسها وهي تتذكر من شافته رجعت دموعها تنزل دخلت للحمام تاخذ شاور بلكت تهدى شويه
عند فارس
فارس بداخله تزوجت مستحيل ليش شنو ليش اني الي تركتها بس والله احبها واموت عليها ومااكدر بدونها والله مو ذنبي بس ماردت عمر يموت انجبرت اضحي انجبرت اعيش بدونها 5 سنوات بدون صوتها وحركاتها وعيونها وضحكتها وعصبيتها اني انجبرت اعيش بعيد عن روحي انجبرت انفصل عنها بس تحملت بس مااكدر اتحمل انها تصير لغيري مااكدر اتخيلها وهي تبتسم لغيري تحجي ويه غيري تضحك لغيري تباوع لغيري تحظن غيري تكول احبك لغيري لا وتين اله وبس بس اله ميسمح لاحد يشاركها بيها هي اله وبس نزلت دموعه لااراديا منه طلع من القاعه وهو يتذكر الموقف من اجه زوجها والطفل يكولها ماما ركب سيارته وساق باقصى سرعته وهو ميعرف وين يروح الفكره الوحيده الي مسيطره عليه وتين عافته هي مو اله صارت لغيره شلون لغيره وهو ميكدر يعيش بدونها هي كلبه وروحه وحياته وعمره هو مو بس يحبها يعشقها ويموت عليها هو مستحيل يضحي باي شي بس متتاذى هيه هو سكت 5 سنوات بس حتى سعد مياذيها وهي حبت غيره وتزوجت غيره حتى طفل عدها وشكله جبير يعني نستني كدرت بسرعه تنساني يعني اني وله شي الها مستحيل هالشي مستحيل دخل للبار وطلب مشروب وهو يحس الحياه خنكته بعد ماله قدره يتحمل اكثر من هيج شنو ذنبه شسوه حتى يتعاقب هيج ليش انجبر يبعد عنها وهو مستحيل ياذيها ضل على هاي الحاله اكثر من ساعه وهو يشرب ومو حاسس على نفسه وطيف وتين حوله وصوتها يتردد بداخله باوقات حبها
وتين: احبك فارس
وتين: يغمرانتي بس
وتين: حبيبي الحلو
وتين: اعشقك فارس
وتين:فارس نجحت العمليه فارس بعد ماكو عائق فارس
وتين:عادي انس ساكنه بكلبك
وتين:فارس انت الي
وتين:احبك كد هالسما واكبر
وتين:حياتي انت وغمرانتي وكل شي حلو انت
وباوقات غيرتها
وتين:فارس شتسوي رحمه هنا
وتين:فارس ليش جنت تحجي ويه جمانه
وتين:فارس متفحص رحمه جذابه والله
وتين:فارس شتسوي بمكتب جمانه
وتين:فارس شنو هالحظ جمانه ورحمه ونور كلهم يريدوك وغيرهم
وتين:ادري متريد غيري حتى اني مااريد غيرك اني احبك انت وبس انت كل شي حلو اني حبيبي وعشقي احبك لحد الموت
وباوقات عنادها وعصبيتها
وتين:ضحكت عليه ماكو فار
وتين:شكد سخيف
وتين:مااشرب الدوا
وتين:مالك دخل
وتين:هذا عقاب حتى تعرف شلون تحظن جمانه
وتين:ماا كلت ماا مزاجي
وتين: مالك دخل بيه مزاجي
وتين:فارس ليش سويت بملابسي هيج
وتين: فارس ليش خربت عليه الطلعه اريد اروح
وتين:اني الفزت
وباوقات زعلها وخوفها
وتين:ماريدك وخر عني
وتين:محتعوفني مو
وتين:فارس وخر الجلب اسوي كل شي
وتين:فارس رعد
وتين:فارس خايفه خذني بحظنك
كل هالذكريات تجي بباله وصوتها مافارقه ابد يحسها كدامه ودتحجي وياه دتضحك ودتعصب ودتبجي ودتبتسم ودتخجل دموعه تنزل ويحس نفسه منفصل عن العالم عايش بخيال ووتين حوليه
جواد:فارس
فارس:لارد مستمر بالبجي والشرب
جواد تنهد وهو يعرف فارس زميله بالمستشفى دك على رقم عمر
عند عمر وناي
ناي جان مشغول بالها على وتين اكيد حالتها حاله هسه طلعت تلفونها ودكت على رائد بعد كم مكالمات على تلفون وتين بس ماجاوبت
ناي:الو
رائد:هلو ناي
ناي:رائد شلون وتين
رائد:حالتها حاله وهو يحجيلها الي صار
ناي بقهر على حاله اختها: وهسه وينها شلونها
رائد:راحت تاخذ حمام ترتاح شويه
ناي:طيب اني جايه
