عند فارس ووتين
كعد فارس الساعه 1 لان البارحه نام متاخر مر من غرفه وتين الي تصير كبال غرفته وشاف الضوه مطفي كال اكيد نايمه
نزل شرب قهوه وكعد بالصاله يقره كتاب
عند وتين كعدت بال 2
وتين كعدت على صوت التلفون وجاوبت وهي نص نايمه نص كاعده
وتين: الو
ناي: وتين وينج صارلج يومين حتى رساله ماكتبتي
وتين: همم
ناي: لتكولين نايمه
وتين: يي وخربتيلياها
ناي: اكو واحد ينام ليهسه الساعه 2
وتين: نمت متاخر
ناي: همم اجوار رومنسيه وكذا
وتين: انجبي
ناي: اووي يالمستحي منو جان يسوي بيه هيج
وتين: ههه مو اني
ناي: فارس وين
وتين: شمدريني
ناي: شلون يعني رجلج ومتعرفين وين
وتين: هاا يعني مو بالغرفه اعتقد جوى هيج اقصد ماادري
ناي: هااا دكومي خطيه الرجال نايمه ل2
وتين: ترى ذليتيني
ناي: ههه احسن
وتين: يي شلونج شلونج على فراقي
ناي: عموشتي معوضني مدااحس
وتين: ياحقيره بعتيني بيومين
ناي: هههه جذب بس تستاهلين مافكرتي حتى ادكين عليه
وتين: مشغوله ويه فروستي ماحسيت بيج
ناي: ههه لتقلدين
ضلوا ناي ووتين يحجون انتبهت للساعه 3 ونص
كامت اخذت شاور وبدلت لبست بنطلون جنز ازرق فاتح وقميص ابيض بي ورد ازرق بلون الجنز ووردي ينزل على الجتف وينشد من الاخير حطت مكياج خفيف ورفعت شعرها كعكه باهمال تنزل خصلات على وجها فتحت باب غرفتها لكت باب غرفته مفتوح وكالت بلكت طالع نزلت الدرج وهي تدعي مو موجود ولكته كبالها كاعد من وصلت مشت سوت نفسها مامهتمه ومبرطمه شفتها من كدامه
فارس: وهو ينزل الكتاب من ايده ويباوع عليها وعليكم السلام
وتين: مشت وجتي ترد جان تلتفت ووتعثر وتوكع بالغلط
وتين: يالله شسويت هسه وكتي اوكع واني على اساس ماخذه موقف وكذا ليش هيج منحوسه اني تفشلت كدامه
فارس: باوعت عليها تلتفت تريد تردلي جان تتعثر وتوكع اني جتني الضحكه بس لزمتها بالكوى خطيه شكلها منحرجه ماريد ازيد عليها كام فارس ومدلها ايده وكال سلامات تاذيتي
وتين: وكاعده بالكاع ولازمتها العبره كالت صوج الدرج ليش تحط درج بالصاله يعني شالمعني تحط درج صغير بس درجتين وله حطيتها بس حتى اوكع( الصاله جانت جبيره وتنزل درجتين لصاله صغيره ووتين تعثرت بالهالدرجتين لان التفت ومامنتبهتلها)
فارس: خلص بعد ميكدر يلزم ضحكته وهو يمدلها ايده صح صوجي اني صوج البيت ليش بي درج مو صوجح ويكومها
وتين: وبعدها العبره خانكتها صعدت بسرعه لغرفتها ونست انها جوعانه كعدت بالغرفه مفتشله وفارس اول ماصعد بخها ضحكه 😂
وتين: وهي سمعت ضحكته العاليه كالت وجع كانو ماشاف احد يوكع من قبل اااااا ليش وكعت كدامه راحت كل الشخصيه ضلت وتين بغرفتها بدلت ملابسها لبست شورت اسود وعليه كيمونه اسود هم جان بي روب عافته مالبسته شغلت مسلسل وكعدت تشوفه وتحاملت على جوعها
فارس طلب من الخدم يسون عشه وبعد ماحطوا صعد يصيح وتين فتح الباب وشافها نايمه ودتتفرج على التلفزيون
وتين: اتفاجات من دخل وهيه بهالمنظر رفعت الغطا وكالت دك الباب قبل متدخل
فارس: جان صافن يباوع عليه جذبه شكلها واالاسود عليها وخصلات شعرها الي جايه على وجها انتبه من صفنته انو تحجي وياه كال تعاي تعشي وتجاهلها ونزل
وتين: اووف وجععع لبست وتين الروب فوكاه تعاجزت تبدل وهيه جوعانه فمابيها نزلت وكعد على طاوله الاكل وبدت تاكل
وتين: اكلت وماانتبه اله لان جوعانه مامكله شي من البارحه بسبب هالوكعه الزفت
فارس: ضل صافن عليها
