ثاني يوم....
كعدت وتين شافت ناي كاعده
وتين بفرحه: كعدتي حبيبي ليش ماكعدتيني
ناي: شفتج نايمه اكيد مانمتي صارلج فتره
وتين: ماادري شلون غفيت المهم شلون صرتي يوجعج شي
ناي: لا احسن
وتين: خوش
ناي: ايمته اطلع
وتين: اليوم هسه يجي الدكتور يفحصج ونسوي اوراق الخروج
وتين وهي تلتفت بالغرفه
ناي: دروين على رائد
وتين: يي تعرفي؟
ناي: كلي انو هو اخويه وماما وبابا تصالحوا
وتين: هاا... وين راح
ناي: كال حينادي الدكتور يفحصني
وتين: اوك طيب انتي ارتاحي بين مااضبط اوراق الخروج
طلعت وتين من الغرفه تسوي اوراق خروج ناي ورجعت لغرفه ناي بعد ماكملتها
وتين: ها شكال الدكتور
رائد: كال اوضاعها تمام بس لازم تاخذ علاجها وتزوره بعد اسبوع
وتين: خوش اني سويت اوراق الخروج واخذت اليوم اجازه
رائد: طيب اني انتظركم بالسياره
ساعدت وتين ناي بتغيير ملابسها
ووتين هم بدلت...
ساعدت وتين ناي تصعد السياره وراحوا للبيت
ندى: هلو حبيبتي سلامتج متشوفين شر
ناي: هلو ماما الله يسلمج
وتين: تعاي اخذج للغرفه ترتاحين
ناي: لااكعد هنا
غيث: لا روحي مددي احسن
ساعدت وتين ناي بدلت ملابسها ولبست بيجاما ومددت ووتين كعدت بصفها
ايلان: هلوو
ناي: منو هذا
ايلان: اني ايلان
ناي: يحياتي شكد حلو وتين هذا اخونا هم
وتين: لا هذ ابني
ناي: شنووو ابنج متزوجه انتي
وتين: يي وايلان ابني
ناي: ياا منو متزوجه شنو اسمه اعرفه
وتين: فارس
ناي: فارس امم عندج صوره اله
وتين: يي دقيقه طلعت وتين تلفونها على صوره فارس
وتين: هذا
ناي: حلووو... يشبه ايلان.. دقيقه يعني هسه اني خاله
وتين:يي خاله
ناي:همم وانتي ليش ضاله هنا لعد..علمودي
وتين: يي علمودج ارتاحي انتي هسه تعال ايلان
ايلان: تصبحين على خير نايه
ناي: حبيبي وانت من اهلو
نزلوا وتين وايلان للصاله
رائد: ها شلونها
وتين: احسن خليتها ترتاح شويه
رائد: الدكتور يكول لتخلوها وحدها خلوها بيناتكم حتى تتاقلم شويه شويه
وتين: اوك من تكعد اساعدها تنزل
عند عمر
طب عمر للبيت بأرهاق وتعب واضح عليه...
باوع عالبيت وهو يتذكر ناي بكل زاويه....
باوع على اللوحه وهو يتذكرها
ناي: عمررر هاللوحه مموتتني
عمر: هههه ليش
ناي: ممم ماادري ماارتاحلها
عمر: حبيبي تره لوحه هي مو بنيه
ناي( وهي ترفع جتفها بطفوله): وذا
عمر كام بسرعه وهو يشيلها : تعاي اشوفج وذا شون
ناي: هههههه عمررررر
ابتسم بحزن طب وشاف المطبخ....
لگه الموطه المايعه عالطاوله...
ناي: عمر تعال نسوي عصير
عمر: عصير شنو
ناي: عصير موطه
عمر: هههههه شنو
ناي: شبيك الحياة تجارب حبيبي خلي نعوفها تموع .. وباجر نضوگها سوه
عمر: هبله
ناي: عمررر
عمر: عيووونه.... تعاي تعاي
ناي: ههههه لا لا
طلع من المطبخ صعد لغرفه نومهم...
باوع هدومها مطشره عالقريوله وقميصه الاسود بالكاع... شالها وهو يشمها ويتذكر...
ناي: عمر عمر
عمر: همم
ناي: باجر شلبس
عمر: طلعيلي قميصي الاسود
ناي: نننننعععععممم!؟ ليششش يممه
عمر: عاجبني شبيج
ناي: متلبسه
عمر: هسة انتي ويايه
ناي: اي حتى لو متلبسه بالدوام يلا اش
عمر: بس
ناي: عمرر... وكامت اخذت قمصه الاسود من الكنتور طعجته بيدها وترسته من عطرها وشمرته
عمر: خبله
ناي: اي شوف هذا الفستان يخخخبل... لا جذب محلو
باع باع القميص هذا ع هايي التنوره... هممم شهالالوان ويع لاع ( تشمر الهدوم الي متعجبها بوجه عمر)
لا .. لا ... لا
عمر: ولج وجهي راااح
ناي: اووبس حبيبي
عمر( كاملها بخبث): تعاي احاسبج تعاي
ناي( وهي تركض): ههههههه لا لا لاااااا ههههههه عمررر
شالها وشمرها عالقريوله وهي يبوس بيها
ناي: قلبوشتي
عمر: ههههه احبج
ناي: اني هممم...
