صعدت ناي لغرفتها تنام بعد ماوتين طلعت للمستشفى ورائد وغيث وندى صعدوا ينامون... ضلت ناي تفرفر بالغرفه تفكر بالمجهول او على كولتها المارد وعدها اليوم تشوفه بس الوقت تاخر الساعه 12 وبعده ماموجود حست انها تنرفزت من ان يتلاعب باعصابها... لزمت التلفون ودزتله رساله... انت مو وعدتني تجي اليوم وينك ليش تجذب عليه.. قبل متسد التلفون دك عليها توتىت ناي بس ردت ناي: دقيقه قبل كل شي اعرف دتبرر وتنطي حجج عرفت جذب اصلا من البدايه غلطي اني صدكتك عمر بهدوء: اطلعي اني جوه ناي وهي تحس بصور وصوت يجي ببالها عمر:حبيبي اني جوه اطلعي ناي:اوك حبيبي دقايق شردت ناي تفكر بالشخص معقوله هو اكثر من مره تجي هيج مقتطفات ببالها بس وجه الشخص مواضح عدها معقوله هذا حبيبها فاقت من شرودها على صوت عمر عمر:ناي ناي:ها يي شنو عمر:اني جوه اطلعيلي ناي وهي تتلفت: وين جوه افتحلك الباب يعني عمر: لا بالسياره بدلي وانزلي ناي: شنو ياسياره ليش وين نروح عمر: سر تعاي وشوفي ناي: انت شايف الساعه كم عمر: كم ناي: 12 ونص.. ةين نطلع هسه اصلا تقريبا كل شي مسدود شنسوي نطلع تعال ادخل عمر: لا اطلعيلي وماعليج اصلا هي متعتها بهذا الوقت ناي بتوتر: ها عمر: شنو متثقين بيه ناي: لا مو هيج بس عمر: اني االامان الج.. صدكيني محتكونين بامان اكثر من وجودج ويايه وبكلبي ناي بتوتر: ماادري شو عمر بضحكه: اقسم بالله اني انسان مؤدب ناي بخجل: لا لا مو هيج مااقصد هيج بس عمر: لا بس ولا شي يالله انتظرج اذا مانزلتي ب5 دقايق اصعد انزلج ناي: واهلي عمر: اهلج نايمين ياحلوه يلا تره ال5 دقايق بدت تخلص ناي: اتسلل يعيني عمر بضحكه: يي سدت ناي الخط مع عمر فتحت الكنتور بدلت بسرعه لبست هاي اللبسه جانت محتاره شتلبس بس اخر شي صفت على هذا 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عدلت ناي شعرها ورشت عطر ومكياجها وكل هذا ب 5 دقايق نزعت حذائها وهي تحاول تنزل من الدرج بدون متطلع صوت لبسته بسرعه وفتحت الباب بهدوء وسدته ناي وهي تلتفت شافت سياره بالشارع قربت من عدها وفتح عمر الها الباب ملاحظه: عمر اجه بسياره ثانيه حتى ناي متشك بي صعدت ناي بتردد من هالشخص المجهول بس فضولها انو تتعرف على هويه الشخص اكبر ناي وهي ترفع راسها نصدمت وملامحها صارت هيج 😧 عمر بضحكه: هههه شنو لهالدرجه حلو ناي بشويه عصبيه: ياحلو هو وجهك وين انت اصلا عمر بضحكه وهو يعدل بالقناع: برايج محلو ناي: لااا ابد انت جذاب عمر: انتي مو طلبتي تشوفيني ناي: يي عمر: طيب شفتيني او ماشفتيني ناي: لا ماشفتك عمر: شلون دتسمعين صوتي ودتشوفيني بس وجهي مغطى ناي: طيب شلون تعرف الواحد من دون وجهه هسه لو اني اضم وجهي جان معتبر نفسك شفتني عمر: يي تعرفين شلون ناي: شلون بالله عمر: كل الي عليه اسوي اتخيل انسان بوجهه ملائكي صوت بالحان واني كلبي ميخطا ناي : يعني اني هسه اتخيلك بوجهه شيطان واعرفك عمر بضحكه: لا ملائكي ناي:لا شيطان..نزلني عمر:ماانزل انتي مو تكولين ضايجه اني حونسج ناي:شوفني وجهك واتونس عمر:ليش وجهي مهرج ناي:ني ني ني عمر:هههههه ساق عمر السياره وهو يتحرك ناي:وين لا دقيقه هم سر عمر:هههه لا مو سر بس اكثر من مكان ناي:همم سكتت ناي وهي تباوع على عمر يسوق ناي بمكر:احسه مزعجك وانت دتسوق اساعدك توخره عمر بضحكه:لا ياحلوه ناي:بفف رجعت ناي سكتت وهي تباوع عليه ومن حسته مركز بالطريق مدت ايدها بخفه وهي تحاول توخر القناع عمر وهو يضربها على ايدها بالخفيف وبمزح:شكلنا ياحلوه صيري عاقله ناي:اووف ياا طيب هسه من تنزل ويشوفك الناي متحس باحراج عمر:ميهمني الناس يهمني انتي ياحلو ناي:لتكول حلوه اني مو حلوه عمر بحب :اذا كلمه حلوه مو الج لعد لمنو ناي انحرجت وسكتت عمر:خجل الحلو ناي:انت الحلو عمر بضحكه:صدك وين شفتيني ناي:اووف يا لتنرفزني عمر:وصلنا نزل عمر وناي على البحر جان اكو مطعم صغير فاتح على البحر ناي وهي تباوع على كراسي بصف البحر والجو بارد شويه عجبتها الاجواء وكعدت عمر:شنو تطلبين ناي:يمكن مو جوعانه عمر بضحكه:مااعتقد ناي:شقصدك اني مفجوعه عمر:ههه لا قصدي رفعتلج ضغطج فتحتاجين طاقه ناي:يي هو هم صحيح عمر:هسه ايش تريدين اكلهم يهبل على ضمانتي ناي:مم اريد من هاي وهاي هم وهاي عمر ويقلد صوت ناي: يمكن مو جوعانه ناي مبحلقه عينها: ها عمر بضحكه: ها ناي: صوتي عمر بضحكه: شبي ناي: شنو شبي... قلدته عمر بضحكه: ههه موهبه ناي: دقيقه يعني حتى صوتك يمكن مو نفسه عمر بضحكه: يمكن ناي: اووف ياا عمر: ههههه ناي: انت شسالفتك من تشوفني بس تضحك عمر: وجودي وياج سعاده مابعدها سعاده ناي خجلت بس مابينت : مافالح بس بالحجي ماكو افعال عمر: اممم افعال مثل شنو بالضبط ناي بخجل: هي هي مو مثل مافهمت عمر بضحكه: ليش اني شفهمت ناي: مثل تشيف وجهك عمر: اني اكول اروح اطلب احسن عوفي وجهي تراه يخرع ناي: عادي اني اريد اخترع عمر: تؤ اني اخاف عليج من الخرعه ناي: اني خلصت ياست منك روح جيب الطلب جعت عمر: هه اوك راح عمر جاب الطلب بعدين رجع عمر: وهذا الاكل وصل يحلو ناي: يسلموو عمر: يدللو كم نايه عندي ناي: نايه.. دلع اسمي هم واني حتى متكلي اسمك عمر: رجعنا ناي: بفف اكل احسلي ناي وهي تاكل: يي وبعدين عمر: وبعدين ناي: احجي شي عنك لان ماكو داعي تحجيلك شكلك تعرفني اكثر مني عمر: هههه انا متيم بيج ناي بخجل : انت عادي هيج تكول عمر بضحكه: عاديين... وهو يمد ايده ويمسح كاتشب جان موجود على حلكها ويرجع يمسح على حلكهه ناي خجلت من حركته واخذت كلنسه تمسح حلكها عمر بضحكه: احب الكاتشب ناي بخجل : حب الكاتشب الي بالعلبه مو الي بوجهي عمر: ههه لا هيج اطيب ناي: اني خلصت عمر: صحتين ناي: على كلبك عمر: تعاي نتمشى ناي: الوقت شكد عمر: ماعليج من الوقت رائد نايم ووتين عدها خفاره ناي: حتى هذول تعرفهم عمر: ههه يي.. وبحب.. شلون مااعرف شي يتعلق بيج ناي بتذمر : مارد سحري عمر: الكل يتمنى مارد سحري ناي: بس يشوفون وجهه عمر: وجهي يخرع والله متنامين ناي: فضولي حيذبحني عمر: عوفج من الفضول تلعبين
