وصلم للبيت و همه داخلين
شافم نور
نور: هلو وين جنتو
وتين: هلوات بالصيدليه
نور: ياا ليش
وتين: عندي دوا ناقص فرحت اشتري
نور: وبعدم مبالاه يي احسن حتى متوكعين علينه مره ثانيه منريد تخرب الرحله من وراج
فارس: ضربها كف وبعصبيه نووور احترمي نفسج وانتبهي لحجيج فاهمه وتسمين نفسج دكتوره هذا حجي ينكال واعتذري هسه
نور: مااعتذر كيفي كل واحد عنده رايه وهذا رايي ومالك حق تمد ايدك
فارس: تعتذرين وغصب عنج هسه لااعلمج شلون تعذرين بطريقتي وامد ايدي واكسرج هم
وتين جانت صافنه على الحجي ماانطت اي رده فعل وكالت ببرود فارس كافي ماكو داعي هو هذا رايها وهي حره وتركتهم وصعدت لان بعد متكدر تحبس دموعها فتحت باب الغرفه واول مادخل سدت الباب وبدت تبجي
طلعت ناي من الغرفه من سمعت الباب انفتح وشافتها وتين تبجي
ناي: وتييين حبيبي شبيج ليش تبجبين
وتين: ماكو شي وهيه تبجي وتشاهق
ناي: شلون ماكو شي كوليلي شصار
وتين: طلعت اني وفارس نجيب دوه ووو بعددين هى هى نور كالت الحمدلله جبتي حتى متوكعين علينه مره ثانيه
ناي: بس سمعت هالحجي ماكدرت تسيطر على روحه وكامت بسرعه
وتين: ناي وين رايحه نااي
ناي: فتحت الباب وطلعت بسرعه وشافت فارس كاعد يصيح على نور
ناي: بعد اذنك دكتور هذولا مينفع وياهم الحجي اني اادبها
نور: بالله شنو شلون تادبيني
ناي: هيج اادبج وكمزت عليه وبدت تضربها وتجرها من شعرها وتكفخها وضربتها راشدي ونور تصيح عوفيني بصوت عالي كعدم عليه الي بالبيت كلهم زينب وامجد وعمر وطلعم بالصاله
فارس جان واكف مابعدها عنها لان جان عاجبه الوضع وتستاهل ولو بيده جان ملخها هوه
نور: عوفيني ياجلبه ياوصخه عوفيني اي
ناي: وهي تضربها والله مالجلبه الا انتي ياحقيرره ياززباله ياجلب تحجين على وتين اني اعلمج ودفعتها على الكاع وبدت تضرب بيها
نور: وهي توخرها عنها اااي اااااي وخري عوفيني
ناي: اعوفج بس مو هسه بعد مااربيج وتجرها من شعرها
نور: اي اي شعري وخري ياحقيره ياتربيه الشوارع
ناي: ضلت تضرب بيها الي بوكس 👊🏻 الي كف 👋🏻 تربيه شوارع منو اني ياحقيره تربيتي احسن من تربيتج وتربيت عشره مثلج وعضتها من ايدها
نور: اااايييي ايييي وخري
زينب: ضلت واكفه تباوع خافت تقرب عليها لتنضرب هم
امجد: ماكلف على نفسه بس كال خطيه عوفيها
ناي: والله اذا ماسديت حلكك لاشحطك وياها انجب وانكلع من وجهي
امجد: هي ويه منو تحجين
ناي: وياك بيك خير تعال
امجد انجب وسكت خاف بعد الي سوته بنور وهو ماله دخل فشعنده يدخل نفسه بمشاكل
عمر: وهو يقرب على فارس: فارس شبيهم فاككهم ليش واكف
فارس: عوفها تستاهل
عمر: شسوت
فارس: حجاله الي صار
عمر: شلون وقاحه بس خطيه البنيه رح تروح بيها اروح افاككهم انت متكدر لان اذت الحب
عمر: وهو يلزم ناي ناي عوفيها كافي اخذت الي تستحقه
ناي: وخر وخر ايدك عني لتتدخل والله لاموتها والله موتها على ايدي اليوم الحماره
عمر: ناي ناي هدي
نور كامت وكالت ياحقيره ياجلبه محد غيرج حمار وهربت
ناي: عضت عمر ووخرته وكامت تركض ورى نور ونور تركض من شافتها وراها
فارس: صافنه من المنظر الي كدامه مده يشكر ناي طلعت حرت كلبه
وعمر: يباوع على ايده من العضه ويباوع على الموقف الي كدامه جنهم توم وجيري كال بصوت عالي ارررركض اخووويه عامر اركض
ناي:ضلت تركض ورى نور وشمرت عليها شكو شي كدامها
نور:دخلت على الغرفه وحظها جان اكو قفل قفلت الباب
ناي:وهي تضرب الباب برجلها اطلعي اطلعي اذا بيج خير شيفيني وجهج والله اذا شفتج مقربه يم وتين مره ثانيه اعتبري نفسج ميته والله لاوريج نجوم الظهر اطلعي ليش خاتله اذا انتي مو كد الموضوع ليش تسوي اطلعي
نور:والله لااشكي عليج
ناي: انتي اطلعي بالبدايه بعدين بيج خير سوي شي هياتني مكابلتج كدام الباب والله لااندمج على الساعه الي نطقتي بيها هالحجي
فارس انتهز الفرصه وراح صعد يريد يشوف وتين دخل الغرفه لكاها على الجربايه كاعده وطاكه بجي ودافنه وجها بالمخده فارس قرب عليها وكعد على الجربايه وحط ايده على ظهرها وكال وتين
وتين:رفعت وجهه الي جان خدودها وشفايفها وانفها كله احمر وعيونها مورمه وشعرها مبعثر على وجها
فارس:انصدم من وجهها ماتوقع انقهرت لهاي الدرجه مده يلزم نورت ويكفخها وتين حبيبي ليش مسويه بنفسج هيج علمود منو علمود نور والله متستاهل وحجيها غيره من عندج لتسمعيلها
وتين:بلى بلى اني عبأ على الكل بسبب مرضي
فارس حط راسها بحظنه وكام يمسح على شعرها ويكول منو كال انتي مو حمل وله عبأ على احد لتكولين هيج بعدين انتي تسوين كل ش بنفسج يعني معتمده على نفسج بقوتج ايمته اعتمدتي على احد حققتي كل الي تريدي بنفسج ليهمج حجيها ومااسمع هالحجي ينكال مره ثانيه ورفع راسها ومسح دموعها وكال يلا امسحي دموعج ماريد هالدموع تنزل مره ثانيه على شي ميستاهل انتي ويه كل دمعه دتنزل اني دااموت الف مره وتيني يلا حبيبي كومي اغسلي وجهج
وتين:كامت وغزلت وجها ونشفته لكت فارس كدامها مادالها مي
فارس:يلا اشربي
وتين:شكرا فارس ريحتني بكلامك
فارس:بصراحه لو تشوفين الي صار جوه جان نسيتي كل همومج
وتين:شصار
فارس:برايج ناي شسوت من نزلت
وتين:عززه لتكول ضربتها
فارس:بلى خطيه يمكن تحتاج مستشفى رح تكوم تحلم باسمج وتكعد.خايفه هههه
وتين:عززه ناي شسويتي
فارس:وهو يقرب عليها تستاهل لو بيدي جان سويت الاكثر بس مااكدر لان بنيه هسه لو اكعد اشكر ناي منا لقرن مااوفيها حقها
وتين:شدعواك شالهحجي لتبالغ
فارس: فارس وهو يمسح على شعرها بلى مداابالغ محد الها حقه يزعجح او يضايقج بكلمه
وتين:امشي
فارس:وين
وتين:على ناي خطيه البنيه هسه صار بيها مرض نفسي
ناي وعمر ...
ناي جانت متربعه كدام الباب ورافعه شعرها ومشمره اكمامها وعمر جان واكف يباوع عليها
عمر:وهو يقرب ناي
ناي:همم لتكول عوفيها لان مارح اعوفها
عمر:اخذت خوش كتله محترمه مستحيل تعيدها
ناي: بس ماشفى غلي منها
عمر:وشلون يشفى غلج
ناي:بالله ماعدكم جلاب نحبسها هيه وياهم
عمر:هههههههه يامجرمه الله ليوكع احد بايدج
ناي:تستاهل والاكثر بعد الا وتين متاذيها
ناي:وهي تنتبهه على ايده هاي شبيها ايدك
عمر:انتي عضيتيني
ناي:صدك ايمته
عمر:هههه جنتي منفعله فمتذكرين
ناي:ياا ماجان قصدي اسفه
عمر:عادي مو مشكله بسيط مقارنه بالخطيه المحبوسه جوى
ناي:لا مو خطيه وبنبرت حزن شفتها شكالت لوتين احسن جبتي حتى متوكعين علينا مره ثانيه وتخربين الرحله يعني دربالج لتموتين علينا شلون تحجي هيج انت لو شفت حاله وتين شلون جانت طاكه من البجي علمود منو علمود هاي اصلا حرام تسمى دكتوره هاي
عمر:وبتفهم صحيح الي سوته كلش غلط شكلج تحبين وتين كلش
ناي:مو بس احبها اموت عليها لو طلبت روحي قليله بحقها هي اختي وتوامي وروحي وامي وصديقتي وكل شي بدنيتي
عمر: جعلني وتين
ناي: هاا
عمر: وله شي
فجاه اجمي وتين وفارس
وتين:ناي عوفيها خطيه كافي
ناي:لا مو خطيه وتستاهل
وتين:علمودي
ناي:اوك لخاطرج بس بس متضل هنا تنكلع
زينب وامجد جمي من شافوهم مجتمعين وسمعم اخر حجي
زينب:اني اروح وياها
عمر:اوك بس ميصير تضلون وحدكم امجد عادي تروح وياهم اكو بيت ثاني للمستشفى
امجد:بعدم اهتمام اوك مو مشكله
ناي:اطلعي مارح اسويلج شي بس ياويلج اشوفج مره ثانيه وياويلج تحجين حجي مو كدج
طلعت نور وزينب وامجد وراحم لغير بيت العصر جان فارس وعمر وناي ووتين يتغدون طلبم من المطعم
عمر:بس والله اكشن هالناي خطيه لو تشوفوها نور من طلعت تتلفت حتى جتطتها ماصعدت اخذتها راسا للسياره وقفلتها هههههههههه
ناي ووتين وفارس:ههههههه
فارس:شنو رايكم نروح بالليل لمدينه العاب اكو وحده عجبت وتين
ناي وعمر:اوك
يالليل لبست ناي هذا الفستان
