وتين كعدت الصبح وشافت ايلان يهذي حطت ايدها ع گصته( جبينه) ووو عززه يجوي من الحراره وفجاة ايلان كعد كح وبده يكحكح ويعطس ركضت گبل ع غرفه رائد.. فتحت الباب قوي .. وتين( بخوف)؛ رائد رائد كووم
رائد: وتين شبيج شكو
وتين: ايلان رائد كلش صخونته عاليه ويكحكح خاف بي شي بدل خلي نودي ع المستشفى يم ناي هسة اخابرها اذا موجوده بالمستشفى
رائد: ماشي ماشي خابريها وبدلي بين ماابدل واجيج
وتين: تمام... راحت ركض ودكت ع ناي
رنه رنتين
ناي: الو
وتين: هله نايه شونج
ناي: هله حبيبي شبيج شبي صوتج
وتين: ناي انتي وين
ناي: توني وصلت المستشفى شكو بيج شي
وتين: ايلان ناي كلش مريض
ناي: خوما بي شي جيبي بسرعه يلا ححضرله غرفتي واجيب عمر يمي
وتين: تمام 10 دقايق احنا يمج
ناي: انتظركم
بسرعه وتين بدلت لگت رائد منتظرها شالوا ايلان وركضوا للمستشفى
وتين(بخوف): رائد حموت من الخوف
رائد: اهدي مابي شي تلگيها فلاونزا عاديه
وتين: حتى لو اول مره ايلان يمرض گلبي حيوكف
رائد: يمعوده وتين هاي وانتي دكتوره لعد لو مو دكتوره جان شسويتي دأهدي يلا اهدي..
وصلوا للمستشفى تلگتهم ناي
ناي وهي تمشي وياها ويه سرير المستشفى الي نايم بي ايلان: من شكد وهو مصخن
وتين: قبل شويه يلا حسيت علييه .. ناي خوما بي شي
ناي: لا لا اهدي مابي شي.... (وصاحت):سستر صيحي دكتور عمر بسرعه
طبوا للغرفه كعدت وتين ورائد عالكراسي وناي تفحص بأيلان بالقلم الضوه بعيونه..
ناي: رنده( الممرضه)
رنده : نعم
ناي: حبة نوفالجين موعيها بكاسه مي وجيبيها سريع
بهالاثناء وصل عمر طب وهو يركض
عمر: ها ناي شبي
ناي: عنده التهاب الاذن الوسطى
عمر: ناي حضريلي ابره سيفترياكسون 2 سيسي بسرعه
ناي: اي... بسرعه حضرت الابره وحقنوها لايلان واقل من 5 دقايق بلشت تخف الحراره
ناي: وووه الحمدلله
وتين وهي تركض: ها شنو بي كولولي الله يخليكم
عمر: اهدي مابي شي عنده التهاب بالاذن الوسطى ناي حتكتبله العلاجات والمواعيد يلتزم بيها وسبحي بمي دافي ماشي؟
وتين: تمام
ناي اخذت وتين ورائد وراحوا المكتبها: هذا الشراب وره كل وجبه.... وهذا الشراب كل 6 ساعات... لتعرضي لهواء كلش بارد وليظل بالج حبيبي تره مابي شي التهاب بسيط
وتين: شلون ناي شلون ميهدى بالي وايلان بي التهاب بيه ولا بي
رائد: اكلج انجبي وبلا هااحجي الزايد... نايه انطيني الادوية اجيبها واجي
ناي: هاك حبيبي
طلع رائد كامت ناي وكعدت كبال وتين ولزمت ايدها: حياتي اني ايلان لو بي شي جان شفتيني ميته كبالج لج هذا ابني ياهبلة... صدكيني مابي كلشي مثل الانفلاونزا تره كلشي ماعليه بس قللي خوفج والله ميصير بي اي شي
وتين: مو بيدي ناي انتي تدرين ايلان شنو.. اني احس بالذنب اتجاه وتعرفين ليش... وبعدين احس ميصير يمسه اي شي لان يصير مسؤليتي ليش مكلتي وليش محجيتي وفوك كل هذا... ( حجت ببجيه) هذا قطعه مني ومن فارس اخاف عليه من الهوى
انقهرت ناي ونزلت دموعها ع اختها.... كامت وحضنتها: يلا بس لتبجين بديت اغار تره هالايلان اخذج مني بعدين غمضي عينج
وتين: شنو
ناي: غمضي بس
وتين: غمضت
راحت ناي وجابت شوكولاه تحبها وتين وجانوا ياكلوها من هم بالاعداديه
ناي: تذكرين؟
وتين: هههههه ياااي جنه نشتريها بالمدرسه
ناي: هههههه ( فتحتها ومدتلها مربع اخذت هي هم مربع بعده مماكلته وطب رائد)
رائد: خيانه علني نستله بدوني تنطوني هسة يلا انطوني
ناي: صارت اغنيه ع وزن وقافيه
اخذ رائد مربع ناي واكله
ناي: رائد جلب ليش هيج
رائد: ميصير تاكلين بدون اخوج حبيبج عيب عليج
ناي: حبتك حبايه
رائد: مقبوله منج حبيبتي.... محد حصل بالشوكلاه غير وتين
وتين رفعت راسه وهي حلگها كله ملوص شوكولاه واصبعها: هاه
رائد وناي: هههههههه😂😂
رائد: ههه هاج كلنكس امسحي وتحجي على ايلان يوصخ روحه
اخذت وتين الكلنكس من رائد: انجب هيه شويه
وتين: ناي ايلان يضل بالمستشفى لو يطلع
ناي: لا مابي شي عادي خلي يطلع بس ياخذ ادويته بوقتها جبتها رائد
رائد وهو يمدلها الكيس: يي هاي
اخذتها ناي من عنده وبدت تاشر المواعيد
وتين: اني حروح اشوف ايلان هسه كعد
ناي: اوك
راحت وتين تشوف ايلان دخلت للغرفه وشافته نايم كعدت بصفه وهي لازمه ايده
ايلان وصوته مبحوح: ماما
وتين: ها حبيبي يوجعك شي
ايلان: اذني وحلكي
وتين: وهي تمسح على شعره: هسه حبيبي نشرب دوا ويروح واسويلك شوربه انت تحبها
ايلان بتعب هز راسه
رائد وهو يدخل: ها كعد
وتين: يي قبل شويه
رائد وقرب من عنده وباسه على خده: شلونه ايلاني
ايلان وهو يكح ويحجي: مريض كح كح
وتين وتحسس حرارته: حرارته خفيفه
رائد:هسه يشرب دواه ويطيب اني سويت اجراءات الخروج وناي حددت مواعيد الدوه عدها مريضه هسه كالت بالليل تجي تزوره
وتين:تمام يلا نروح
قرب رائد من ايلان وفصل المغذي عن ايده وشاله وطلع
ووتين اخذت الدوا وجاكيت ايلان وجنطتها وطلعت وراهم
وتين:رائده وكف خليني البسه جاكيته
رائد:تمام
بدت وتين تلبس ايلان جاكيته وهو بحظن رائد ورائد يحاجي ايلان
رائد وهو شايل ايلان :ايلان تعرف ماما كامت تبجي مثل الصغار ووصخت نفسها بالشوكلاه
ايلان:ههه
وتين: انجب زعلت تعيب عليه
رائد بضحكه:ههه لاكلشي وله زعل الحلو وهو يميل راسه باتجاها ويبوس خدها
رائد:هاا رضينا
وتين:ههه يي
رائد وياشر على خده
قربت وتين من عنده وباست خده
رائد:هيج تمام
وتين: يي ههه
كل هذا تحت انظار فارس الي حس بقهر كبير بداخله وهو يشوف وتين تبوس احد غيره او احد غيره يقرب عليها حس بكره عظيم تجاه هذا الرائد رفع راسه يريد يضربه ويطلع غضبه الي بداخله بس لكاه مختفي رجع لمكتبه وهو مقهور على حالهم وحزين لان مو بايده يسوي شي
عند وتين ورائد وصلوا للبيت
وتين: رائد لتصعده فوك عوفه بالغرفه الي جوى حتى قريب مني
رائد: اوك
وتين: اني حروح اجيبله ملابس يغيرها
رائد: تمام
صعدت وتين جابت لايلان ملابس غيرتله ملابس وغطته ورائد حطله المغذي وجهاز التنفس لان ايلان عنده الربو وبصعوبه يتنفس من يمرض
رائد: اني حضل يمه روحي سوي شوربه ياكلها حتى يشرب دواه
وتين: اوك يسلموو رودي تعبتك
رائد وهو يشيل علبه الدوا الي بايده شمرها على وتين
وتين: ايي شبيك
رائد: اولا ايلان ابني وقطعه من روحي وانتي روحي بطلي هالحجي المرى الجايه اكفخج
وتين: تمام فهمنا صوجي امدحك
رائد: لتمدحين وروحي سوي الشوربه علمود بلاعيمه
وتين: رحت رحت
دخلت وتين للمطبخ وبدت تسوي شوربه لايلان كملتها حطتها بصحن وراحت لغرفه ايلان لكته كاعد ويلعب بالتلفون ورائد بصفه
وتين: ها شلونه حبيبي
ايلان: تعبان كح كح
اخذ رائد الاكل من وتين:هسه تاكل وتصير زين بدى رائد يوكل ايلان
وتين:جيب عنك اني اوكله
رائد:انتي شوفي ادويته اني اوكله
وتين:اوك
ايلان:خلص بابا
رائد:لا ميصير يلا حبيبي شويه بس
ايلان:لعبت نفسي ماريد بعد
رائد:تمام
وتين اخذت اكل وراحت ودته ورجعت بايده مي حتى يشرب ايلان علاجه
وتين وهي تحط العلاج بملعقه:يلا حبيبي افتح حلكك
ايلان:ماريد طعمه مر
وتين: يلا حبيبي حتى طيب
ايلان:مااريد
رائد:يلا بابا تاكل وراها شوكلاه ويروح الطعم
ايلان سد حلكهه ودار بوجهه على الجهه الثانيه
رائد:ايلان بابا يلا لتعاند
ايلان:مااريد
اخذ رائد ايلان وكعده بحظنه
رائد:وتين لتحطين الدوا بملعقه هاي حطيها بوحده اجت ويه الدوا
وتين:تمام حطت وتين الدوا بملعقه الي تجي ويه الشراب
وتين:يلا حبيبي
ايلان:مااريد
رائد وهو مثبته بحظنه وفاتح حلكه بايده وتين شربته العلاج
