هلو 👋🏻💜 اسفه كلش كلش على التاخير اعرف صار اكثر من شهر ماكاتبه 🥺💜 بس والله ظروف جنت مريضه وعندي دورات ومعهد للسادس فمشغوله 🥺💜☹️ وهسة استمتعوا 🤍
.
۔
.
وتين: لا ماعجبني
فارس: ليش حلو
وتين: ماادري شو لونه ماعجبني
فارس: لونه؟ وتين فستان عرس كلهم ابيض
وتين: لا لا ماعجبني اشوف غيره
البياعه: طيب مدام في شي ببالك
وتين: لا ماكو شي معين بس اريده غريب ومميز بنفس الوكت
البياعه: طيب تفضلي معي مدام في موديلات وصلتنا جديد اكيد حتعجبج
وتين: اوك هذا حلو عجبني
فارس وهو ياخذ الفستان من ايدها: هذا تقصدين
وتين: يي حلو مو
فارس: احد كلج مزوجه خبل يخليج تلبسين هذا
وتين: من ناحيه انك خبل هذا شي اكيد اما من ناحيه تخليني شي ميخصك هذا اتوقع مو اني ماهمك شكو تدخل هسه
فارس بغيض: من ناحيه متهميني هذا شي اكيد بس من ناحيه تلبسي فهذا شي مستحيل تعرفين ليش لان اني اريد هيج
وتين: ممكن افهم شنو ماعجبك بي
فارس: اتوقع جينه نختار فستان عرس مو قميص نوم
وتين باحراج: هي شنو قصدك بس شويه قصير
فارس: هذا اذا لبستي وجوده وعدمه واحد ام بس قصير
وتين: مالك دخل اني عجبني حشتري
فارس: لو سمحتي غلفيلي هذا
البياعه: حاضر استاذ
فارس: يلا نشوف شلون تلبسي هي قطعه وحده وصارت اليه
وتين: شكد حقير
فارس: الزمي لسانج احسلج لتخلينا نتفضح بنص المول
وتين: اووف
كعدت وتين تدور بالفساتين وهي مقرره تجيب فستان يجلط فارس حتى تعرف شلون يكول مامهتم بيج
وتين: عفوا اريد هذا قياس 38
البياعه: حاضر مدام
وتين وهي تدور بعينها فارس شافته واكف بره المحل ويحجي بالتلفون وتين بداخلها هذا ويه منو يحجي اكيد بنيه شكد يبتسم حينشك حلكه شكد نفسي هسه اكسر التلفون بوجهه الحقير اكيد ربى ماكو غيرها 24 ساعه بس يحجي وياها عود بالمستشفى استراحته كلها وياها
فارس: وتين
وتين فاقت من شرودها: ها شنو
فارس: شبيج صافنه
وتين: مابيه شي
فارس: ديلا اختاري فستان عندي شغل
وتين: اليوم مو اجازتك
فارس: غير شغل يلا مااريد اتاخر
وتين بداخلها شقصده هذا: تمام
البياعه: مدام هذا الفستان تفضلي لغرفه القياس
دخلت وتين لغرفه القياس حتى تقيس الفستان وفارس ينتظرها
فارس: وتين تره ماصارت صارلج ربع ساعه هو فستان
وتين: دقيقه مدينسد
فارس وهو يفتح الباب ويدخل: شنو هو
وتين: هيي شلون دخلت
فارس: من الباب
وتين: احلف عبالي من الشباك
فارس: هسه خليني اسدلج السحاب
وتين: ماماريد اني هسه اسده
فارس: لتكونين خجلانه؟ كانو اني زوجج وعندي طفل منج وبعدين هو ظهرج الي مبين وماشاء الله ملابسج انتي كلش مستوره لدجه وله مره لبستي شي مطلع ظهرج
وتين: اوي خلص فهمنا تعال سده
وتين:ها شو طولت
فارس:انتي مختاره قياس اصغر من قياسج
وتين:لا هو نفسه
فارس ويغيض وتين يعرفها تتخبل من سالفه زياده وزنها: لا لعد هاي انتي سمنانه مدينسد بالكوه
وتين:لا مستحيل وزني هو نفسه اني اقيسه دايما
فارس:ماادري شو بالكوه دااسده
وتين:هذا قياس الفستان صغير لعد
فارس:لا اني اصلا منتبهلج انتي سمنانه عن قبل
وتين:لا انت مخربط مستحيل وزني مازاد ابد بس من جبت ايلان ورجع بعد فتره
فارس:ماادري اني هيج حسيت
وتين:يعني هسه مدينسد
فارس: لا دقيقه ححاول...اووف واخيرا انسد
وتين بداخلها خاف ديجذب حتى يغيضني اني وزني مازايد ابد متاكده
فارس:ها شنو رايج كلش حلو بس اختاري قياس اكبر
وتين:لا ماحبيته
فارس بضحكه يحاول يخفيها:ليش كلش حلو
وتين:منيله الحلاه ماعجبني تعال افتحه
فارس بضحكه:خلص مثل متريدين انتي حره
فتح فارس السحاب لوتين
فارس:اني انتظرج بره
وتين:اوك...شكد غثيث ميعرف يكولها باسلوب احلى شويه..شو سمنانه مدينسد ماكو اسلوب
بدلت وتين وطلعت من غرفه القياس وشافته كاعد يحجي بالتلفون هم
عفيه تلفون ماوكف اموت واعرف ويه منو
فارس وهو يسد المكالمه:يلا وتين اختاري بسرعه مستعجل
وتين: اوك اوك روح انت واني اختاراذا عندك شغل
فارس:اهبل اني اعوفج تختارين وحدج
وتين:اووف...رجعت وتين تكلب بالفساتين ومزاجها صار بالحضيض بسب سالفه وزنها
فارس:هذا حلو
وتين:لا مااريد ماحبيت
فارس:شنو حبيتي لعد يلا
وتين:ماريد
فارس:هو شنو المتريدي
وتين:خلص بطلت مااريد عرس ولااريد ازوجك
فارس برفعه حاجب هو بكيفج تخربين كل شي بعد مالكل عرف هذا بالنسبه للعرس اما بالنسبه لاتزوجج فمدااسالج عن رايج هذا شي مجبره تسوي يعني مو بايدج الاختيار اذا تريدين تشوفين ايلان اما اذا تريدين تشوفين كل جمعه هذا شي راجع الج ميهمني اني غير ابني يربى بصفي
وتين:ياريتني ماعرفتك بحياتي كلها
فارس،:صدكيني نفس الشعور وخلصيني هسه اختاري اي شي عندي شغله مهمه
وتين:مديعجبني شي
فارس: كلها حلوات هو شنو المديعجبج
وتين:خلص روح انت اختار طقم بين مااختار فستان اني حجرب هذاك
فارس:اخر واحد
وتين بتسليك:اوك اوك
دخلت وتين تجرب الفستان وهي كاره كل شي بس بداخلها الا اغيضه واخرب يومه مثل ماخرب يومي
وتين:ها شنو رايك
فارس:انزعي بسرعه شلون لبستي اصلا شنو هذا
وتين:ليش حلو
فارس:وتين ناويه تجلطيني
وتين:ييي شعرفك
فارس:كومي بدلي لو طكين متلبسي شنو هذا
وتين:ليش شبي
فارس وهو يجرها لمرايه ويرفع راسها بايده:بذمتج تكدرين تطلعين بهيج شي كدام مليون شخص
وتين:اوي خلص حنزعه
فارس:يكون احسن
دخلت وتبن تبدل وفارس راح يختار طقم انتبه لاطقم ملونه
فارس بابتسامه :طيب يوتين اختار فارس قميص احمر وبنطلون اصفر والستره اخضر والرباط بنفسجي وراح لغرفه القياس
فارس:وتين
وتين:همم دقيقه هاي شلابس
فارس: شنو رايج عجبني انو عرسنا يكون غريب نفس مدكولين حلو
وتين:هذا مو شي غريب هذا اسمه شي مخبل تريد تفضحنا
فارس:ليش بالعكس الاسود متحسي تقليدي هيج اغرب
وتين:لا والله متلبسه
فارس: والله اذا لبستي الفستان الي لابسته هسه البس هذا
وتين:ليش هي شغله عناد
فارس:لا بس لان انتي لابسه غريب اني هم اجرب البس شي غريب
وتين:فارس بربك تريد تفضحنا
فارس:ليش شنو اليفضح اكثر فستانج لو طقمي
وتين:طبعا طقمك
فارس:اني عاجبني كلش دخل مزاجي
وتين:فاارس
فارس:همم
وتين:غيره
فارس:لا
وتين:بليزز والله حنصير خبر الموسم اذا لبسته
فارس: طيب اوك بشرط
وتين:شنو
فارس:اختارلج فستانج تختارين طقمي
وتين بغيض: اوف تمام
فارس:تمام اتفقنا
بدلوا وتين وفارس الفستان والطقم
فارس:هذاك
وتين:شنو رايك بالي بصفه
فارس:لا كلت هذاك هي اتفاقنا احنا
وتين:فارس اصلا شوف هذا متحسه مشخلع هوايه
فارس:لا نفس الشي ماكو فرق
وتين: فارس بليز عود اخليك تختار اللون الاسود الي انت عاجبك
فارس بضحكه خفيفه:حلوه هاي اللون الاسود الي انت عاجبك اذا حددتي بعد شكو
وتين: ومسموح ابيض هم شفت شلون تنازلات
فارس:خلص تمام
اشتروا وتين وفارس البدله والطقم وطلعوا
فارس:الباقي نكمله بعدين تمام لان مشغول هسه ؟
وتين:اوك
صعدوا وتين وفارس بالسياره ودك تلفون فارس
فارس:اسف والله بس صار عندي شغله ضروريه وتاخرت
فارس:ادري تعبتج ويايه
فارس:ههههههه
فارس:طيب دقايق واكون عندج
وتين بداخلها: الحقير ديحجي ويه بنيه وهاي الي ذبحني عندي شغل علمودها اموت واعرف شنو اساله؟ لا دقيقه وتين سوي روحج مامهتمه بي منو هو حتى تسالي..هو اني مو مهتمه بيه اساله بس حتى ينتبه لتصرفاته صار متزوج بعد...لا لا لتحجين هسه يفهم بطريقه غلط ويحس نفسه فدشي طنشي يي طنشي
فارس:وتين
وتين....
فارس:وتين
وتين:همم
فارس: وصلنا
وتين: اا تمام اوك بيباي
فارس: وتين
وتين: ها
فارس: فستانج شبيج
وتين: اا نسيته دايخه
نزل فارس من السياره فتح الصندوك وطلع الاكياس ومدلهيا
فارس: تفضلي
وتين: شكرا
فارس: يلا باي
وتين: باي
دخلت وتين للبيت وهي تفتح الباب ذبت الكيس الي بي الفستان اول مادخلت ودخلت للصاله
وتين: هلو
رائد: هلو
ايلان: ماما جتي وهو يركض يحظنها
وتين وهي تحاول تبتسم: هلو حبيبي
كعدت وتين وكعدت ايلان بحظنها
وتين: وين ماما شو ماكو
رائد: بالمطبخ عدها عزيمه
وتين: منو
رائد: عمر اليوم عنده خفاره فناي تجي هنا فعزموا على العشه وفارس هم حسب ماادري بابا راد يكلج كوليله مادكلج
وتين: ها ماادري تلفوني صامت
رائد:يي شسويتوا شلون الاوضاع بيناتكم
وتين:وله شي اشتريت الفستان واثاث تجديد بالبيت الوضع تمام ماصار شي
رائد:خوش يعني ماتعاركتوا بنص المول
وتين:هه لا
ايلان:ماما واني كلت لبابا فارس اريد غرفه
وتين:اشترينالك وحده حبيبي
ايلان:احمر مو اني كلت لبابا اريد هاي
وتين بتفكير:ها يي احمر
ايلان:اني اختاريت حلوه مو ماما
وتين:يي حلوه حبيبي
غيث:وتين
وتين:نعم بابا
غيث:دكي على فارس كوليلي يجي يتعشه اليوم
وتين:دك انت
غيث:ليش بيناتكم شي
وتين بكذب :لا بس تلفوني مغلق شحن
غيث:تمام
ندى: وتين فستان ليش شامرته هيج
وتين: ماشمرته عفته يم الدرج خلي احد يصعده
ندى:اوف شكد مهمله هذا فستان عرسج افرضي صارله شي
وتين بداخلها شلون عرس عاد:شيصيرله مثلا... سوزي
سوزي:نعم مدام
وتين:صعدي الفستان لغرفتي
سوزي:حاضر مدام
رجعت وتين وكعدت بصف رائد
رائد:شبيج شو مطنكره
وتين:مابيه شي بس راسي يوجعني شويه
رائد:متاكده
وتين:يي والله
وتين وهي تلفت وتشوف ايلان لازم موطه:ايلان تعال هنا
ايلان:شنو
وتين: تعال جيب الي بايدك منو منطيها الك هسه تمرض
ايلان: ماامرض الجو حار
وتين:جيب هالحجي مو ويايه ماكو موطه الجو بعده مااعتدل
ايلان:ماانطي
وتين: جيب ماكو وهي تاخذها من ايده روح على بيبي تنطيك جبس
ايلان: ونستله هم
وتين:لا
ايلان:لعد جيبي مالتي حراميه
رائد:ههههههههه
وتين وكاتمه ضحكتها :محد حرامي غيرك روح يالله بس هالمره
رائد:شعجب ههه
وتين:يمعود شيخلصني من لسانه
رائد:هههه بس طلعتي صدك حراميه
وتين وهي تاكل بالموطه: ههه مابيه اكوم اجيب وحرانه شسوي ضحكه عليه هههه
رائد:هبله هههه
وتين:شدسوي انت كاعد هنا وحدك
رائد: دااشوف فلم
وتين:شدشوف محلو
رائد:هو انتي شفتي شي
وتين:ماعجبني البطل
رائد:شو عينج طالعه يولي وهاي وكم يوم وتزوجين
وتين:بس للامانه البطله حلو لتكون تشوفه علمودها
رائد:شايفتي خبل مثلج
وتين:اوي تعبانه
رائد:روحي نامي
وتين:مابيه
رائد:ضاربه عقلج شي شو مره مبوزه مره هبله وهسه مخبله شبيج خيتي الحب شمسوي بيج
وتين:حبك برص هو اني نعسانه بس مابيه تصعد تعال شيلني
رائد:اني محتاج احد يشيلني
وتين:مابيك فايده
رائد:يعمري الي تنقط فوايد بس
وتين:ايييييلان
ايلان:ها
وتين: تعال اغسلك تعال توقعت هيج شكلك نفسي مره تاكل ومترجع تبدل
ايلان:مو اني
وتين:لعد منو
ايلان:النستله هيه وصختني
رائد:جواب مقنع هه
وتين:ههه امشي اني حنام شويه كعدوني قبل ميجون
رائد:اوك
صعدت وتين لغرفتها غسلت لايلان وبدلتله واخذت شاور هيه ولبست هاي
