حبايب شــــونــــكــــم.... مشتاقتلكم هوواية... عذروني صارتلي ظروف والله ومكدرت انشر ... وهسة هذا بارت... استمتعوااا💗💗
رائد وهو يسحب ايلان: منو مو كيفه
ايلان بدموع: ماما كوليله
وتين: رائد طينيا
رائد قرب من ايلان وعض خده
ايلان: ماما
ناي:رائد خطيه شسويت بي
رائد: اني كلت كل ميشاغب هيج يصير
ناي وهي تاخذ ايلان من حظن رائد: عوفك منه ايلاني رائد حقير
ايلان: حكيل
ناي: عفيه هههه
رائد : شو تعال يمي
ايلان ركض لحظن وتين
وتين: ههه خلص رائد
رائد : علمودج بس
وتين وهي تباوع على الساعه 3
وتين: عزززه هاي شنو
رائد:لعد اني صارلي ساعه شحجي اكص ايدي اذا كعدلج باجر
وتين: ماانتبهت يالله
ركضت شالت ايلان وحطته بجربايته وغطته
ايلان: اسهر وياكم
وتين: لا يروحي ماحزرت يلا غمض عينك ونام
ايلان:بس انتو سهرانين
رائد يغيضه: احنا كبار انت صغير بعدك بيبي
ايلان نفخ خدوده بغيض شال اللعبه الي بصفه وشمرها على رائد
رائد وهو يلزمها:لا يقليل الادب
ناي: هههههههههههه تستاهل
وتين: ايلان ماما شنو هاي نام هسه باجر اتفاهم وياك
ايلان: ماما
كاطعته وتين وكامت طفت الضوه: يلا كلنا حنام شفت
ناي غطت نفسها ومددت: اني حنام
وتين ونامت بصفها وتغطت: واني هم حنام
رائد كام لغرقته جاب المخده ولحاف ذبهم على الارض: واني حنام هم مو بس انتوا تنامون كلكم واني وحدي
ناي: غوار هههه
رائد: انجبي
وتين: هس لطلعون صوت غفه
رائد بعد مده:منو كاعد
وتين وناي:اني
رائد: ماحسيتوا بتانيب الضمير اني نايم على الارض وحظىتكم بفراش ناعم
وتين:ههه روح لغرفتك عندك فراش ناعم ومريح
رائد:ماحزرتي اعوفكم وحدكم واني اروح
ناي:لعد خليك على الارض انت ضخم متكفيك الجربايه
رائد:ياحقيره اني متكفيني بس عمر تكفي
ناي وتضربه بالمخده:ياقليل الادب
رائد ووتين:ههههههه
رائد:والله انكم نذلين لو نايم بصف ايلان اشرفلي
ناي: حتى تتكسر الجربايه شايفها شكدوتها مال اطفال
رائد:اخخ من الغيره
ناي:انجب
وتين:خلص انجبوا حيكعد بعد شنو ينومه
ثاني يوم
وتين:ايلان ماما يلا اكعد
ايلان:ما نعسان
وتين:لا يالله اكعد ميصير تخرب نومتك يالله
ايلان:ما ماريد
وتين: محد كلك تسهر البارحه يالله كوم وهي تشيل الغطا عنه
ايلان:ماريد رجعي
وتين وهي تشيله وتاخذه للحمام تغسل وجهه
ايلان:بارد
وتين: يلا فرش اسنانك
ايلان:اريد انام
وتين:ماكو نوم
شالت وتين ايلان وغسلتله وبدلتله ونزلوا حتى يفطرون
وتين وهي تكعده على الكرسي:يلا افطر
ناي:ماكو صباحوو وبوسه لخالتو
ايلان وتك عين فاتح يريد ينام كام وباسها
ناي:حبيبي وهي تبوسه على خده
وتين:يلا حبيبي كمل اكلك
ايلان:ماريد
شالته وتين وكعدته بحظنها وبدت توكله:يلا حتى تصير بطل قوي
رائد:وتين لكيتي مربيه لايلان لان باجر يبدي الدوام منو يضل يمه
وتين:لا اعتقد ححطه بحظانه احسن
رائد:ليش
وتين:هناك يشوف على الاقل اطفال وياه ويندمج احسن من يضل منعزل وحده
ناي:يي صح احسن
رائد:طيب اكو وحده ببالج لو ادورله
وتين:صديقتي عدها وحده حتواصل وياها واشوف
رائد: تمام
ناي:حبيبي حتروح لحظانه وتلعب ويه اصدقاء
ايلان:ماريد
وتين:ليش حبيبي هناك اكو العاب واصدقاء انت مو تريد صديق تلعب وياه
ايلان:انتي وبابا تروحون
وتين:لا احنا نروح لغير مكان بعدين نرجع سوى
ايلان:مااروح وحدي انتي ويايه
وتين: حبيبي هناك اكو هوايه اصدقاء والعاب احلى من عندي
ايلان:ما ماريد
وتين:لعد شتريد
ايلان:اريد انام
رائد:هههههههههه هذا الولد حيكون مجتهد اسمعوا مني
ناي وكاتمه الضحكه :شنو قصدك ولك تتمسخر
وتين منفعله :مو على كيفه اني ادرسه يطلع شاطر هو
ايلان:مو على كيفج انتي
رائد:ههههههه
وتين بانفعال:شنو قصدك ماما الدراسه حلو وانت شاطر حتطلع
رائد:هدي هدي شبيج اكلتي الولد وهو ياخذه من عدها تعال ايلان بابا ماعليك من ماما
وتين بزعل:يعني ميحب الدراسه
رائد وناي:هههههههه
رائد:هاي شبيج حطمتي مستقبل الولد بكلمه انجبي شويه ههههه
وتين:بس
ناي:بربج وتين شتحسين هههه
وتين بتفكير:ابدي اعلمه الكتابه
رائد:عقدته للولد هههههه هذا خايف يروح وحده لذلك انتي اول يوم روحي وياه حتى يتاقلم واني هم حروح
ناي:اني هم
رائد:اهوو يالحشريه روحي شوفي رجلج انتي عايفته ومكابلتنه
ناي: مالك دخل كيفي كاعده على كلبك
عند فارس وعمر
كعد فارس وهو يحس راسه يوجعه باوع هو وين شاف نفسه بغرفته شجابه هنا باوع على ايده الملفوفه بضماد وهو يحاول يتذكر
دخل عمر وهو من البارحه ماغفت عينه وهو يفكر باللي صار:كعدت
فارس:يي
عمر:شتحس
فارس:راسي يوجعني انت شجابك هناك
عمر:فارس اني
فارس:انت شنو
عمر:عرفت ليش طلكت وتين
فارس بصدمه:شنو
معقوله كال بالغلط السبب مستحيل ميتذكر هيج شي
عمر وهو يشعر بالذنب:فارس اسف اني السبب
فارس:انت شكو شدخلك شدتحجي احنا متوافقنه وانفصلنا
عمر واحساس الذنب ذابحه:شلون مالي دخل لو مو اني جان ماطلكتها طلكتها حتى تاخذ العلاج
فارس: لو جنت ماكي جان سويت نفس الشي
عمر: ويلوم نفسه انت تحبها وتموت عليها ليش طلكتها علمودي
فارس: اتركك تموت مثلا لعد
عمر: بس جان اكيد اكو غير طريقه
فارس بحزن:ماجان اكو اذا ماخذت هالعلاج انت جان صبحت ثاني يوم متوفي بعيد الشر والعصابه الشرطه ماكدرت تسمكها لحد اليوم جان عندي امل اشوفها بعد متنمسك العصابه واصحح غلطي
عمر والاحساس بالذنب يموته:اني اروح اصححلها الموقف
فارس:لتروح عمر هالشي يضل بيني وبينك بس سعد مهددني اذا عرفت يقتلها مااريدها تتاذى
عمر:ليش ضريت نفسك علمودي
فارس:لو جنت مكاني جان سويت نفس الشي اذا خيروك بسن تنفصل عن شخص تحبه لو يموت شخص تحبه شتختار اكيد الاختيار الثاني
عمر بحزن ويشعر انو مابياده شي
فارس بدموع:بعدين هسه هيه ارتبطت وعدها طفل يمكن متت بالنسبه لكلبها بس هي بعدها عايشه بكلبي ومحيسكنه احد غيرها مااكدر الومها بالنهايه اني اذيتها حكتفي اشوفها فرحانه وسعيده حتى لو جان ويه شخص غيري يمكن هالشي يكون افضل الها
عمر وهو يحظن اخو ويخفف عنه حزنه:اسف اني السبب
فارس: انت مالك دخل بس اطلب منك شي
عمر:شنو
فارس:هالشي بيني وبينك بس ليطلع
عمر:تمام محيطلع
فارس وهو يمسح دموعه بعد مافضفض لاخو:خلص اعتبر هالشي ماصار
عمر وهو يلوم نفسه:شلون واني السبب
فارس:انت مو السبب يعمر اعيد واكرر اعتبر نفسك ماسمعت شي علشان خاطري
عمر:اوك بس بشرط
فارس:شتريد
عمر:تروح على دكتوره ربى يمكن هي تساعدك
فارس:لاربى ولا غيرها حينسيني وتين ويخفف عني
عمر:على الاقل تخفف عنك
فارس وهو يكوم حتى ياخذ شاور بلكت يخف وجع راسه شويه
عمر:انتظرك جوى حتى تاكل شي وتشرب دوا لوجع الراس
فارس هز راسه يعني يي
غسل وطلع نشف شعره وهو يباوع على نفسه بالمرايه عيونه انتفخت يحاول يقنع نفسه يمكن هو احسن منه الها بس كلبه رافض هالشي يحاول ميبين شكد مشتاقلها بس هو نفسه يرتمي بحظنها ويبجي مسح دموعه وكل ميمسحها ترجع تنزل حس بدوخه بعدين فقد وعيه
صعد عمر يشوف فارس لان تاخر
شافه مغممي عليه
عمر:فااارس
ركض سنده وصعده بالسياره وهو يخابر المستشفى يتحظرون
عند وتين ورائد وناي
ايلان وهو كاعد بحظن رائد الي يشرب قهوه
ايلان:بابا شنو هاي
رائد:قهوه حبيبي
ايلان:اجربها
رائد:بس طعمها مر
ايلان:ماعليه اخذ الكوب من رائد شرب شويه بعدين تغيرت ملامح وجهه
ايلان:يعععع مره
رائد:هههههه كتلك
ايلان وهو يمسح حلكه اخذ كوب المي وشربه
رائد: هههه هاك مدله شوكلاه
ايلان اخذها وفتحها وهو يعشقها:لتكول لماما
رائد:ههه ليش
ايلان: وهو يقلدها تكول متاكل شي صحي بس حلويات واسنانك تتسوس ومتاكل الى بصفي لتوصخ نفسك
رائد:هههههه اكلت انت اليوم
ايلان بجذب:لا
رائد:اهاا طيب يلا دربالك لوتصخ نفسك وبس هاي تاكل لتسوس اسنانك
ايلان:تمام
دك تلفون رائد وطلع حتى يرد
ايلان فتحها وهو يتلذذ بطعمها بعد ماوصخ ايديه وحلكه وملابسه لان الشوكلا ذايبه باوع وشاف كدامه علبه نوتيلا وجبس فتحهم كلهم واكل وحالته صارت حاله مستغل انو امه ماموجوده وله ابو
دخل رائد وهو يسد التلفون وهو يشوف حاله ايلان الي لازم الخاشوكه وياكل نوتيلا والجبس منثر حولي والببسي مطشوش على قميصه وحاله وجها وايده كلها شوكلاه
رائد تنهد وصاح :وتين
وتين وهي داخله مع ناي: شكو شبيك
رائد:لا ابد بس تعالي شوفي ايلان شنو مسوي
وتين وهي تندار على ايلان:شبي بعيدن فتحت عينها وصاحت
وتين بصراخ :ايلان هاي شنو
ايلان بخوف وهو يضم النوتيلا.:شنو ماما
وتين:هاي ليش مسوي بحالك هيج
ايلان:ها
وتين:اني مو كلت متاكل حلويات الا اني انطيك وشارب ببسي هم منو منطيك
ايلان بتهرب وهو ياشر على رائد:بابا قبل وانطاني
رائد:يالجذاب طيتك شوكلاه وحده وحذرتك تاكل غيرها
وتين بصراخ:صاير الحذب والعناد عندك لدرجه
ناي: هدي وتين عادي كل الجهال هيج
وتين وهي تقرب منه:شنو كل الجهال هيج باعي وجهه وملابسه وجسمه مدبك من الببسي والنوتيلا هاي حاله هاي قبل شويه بدلتله
ايلان:عادي ماما هسه اغسل
وتين:هس ولاحرف شوف اسنانك شلون حتسوس هسه وبعدين تجيني متقبل تروح للطبيب
ايلان:ماروح
وتين: بطل عناد
ايلان:ما كيفي
وتين بعصبيه وهي تقرب من عنده:اني شكلت
ايلان ركض لحظن رائد
وتين:رائد طينياه
رائد:كافي وتين عادي كل الجهال هيج
وتين:لا هو يعاند اني مدللته بس اني حعلمه من اليوم تعال
ايلان بدموع:بابا حتضربني
رائد:خلص وتين هدي علمودي هالمره اذا عادها كيفج
وتين:اخر مره ياايلان حذرتك
رائد:خلص اخر مره صح حبيبي
ايلان بخوف:صح
وتين:تعال اغسلك للمصايب الي مسويها
ايلان:ماروح تضربيني
وتين:مااضربك تعال
ايلان مجلب برائد
ناي:خلص وتين اني ابدله تعال حبيبي
وتين:لا هسه اني ابدله
ناي:انتي شايفه وجهج حتى اني خفت عصبيتج ماطالعه بس عليه تعال حبيبي ماعليك من ماما
اخذت ناي ايلان وصعدت تبدله وتغسله
رائد:هدي شوي رعبتي
وتين:يي انتوا دللوا وهو يضل يعاند
رائد: خلص يمعوده شبيج متوحشه اليوم
وتين وهي تضربه بالمخده: محد متوحش غيرك انجب
رائد: خلص سكتنا
دخلت ناي وهي لازمه ايد ايلان الي لازم ايباده
ناي: وخلصنا
وتين قربت من عنده واخذت الايباد
ايلان: رجعي
وتين: اسكت ممنوع تلعب بي لاسبوع حتى تتادب وتعرف تعاند
ايلان: بابا كلها
وتين: ولاحرف يلا اكعد
ايلان: اريده
وتين: ماكو يلا اكعد
ايلان بدموع: بابا
رائد: خلص حبيبي صير عاقل وتنطي الك
ايلان بدموع: ماحبج ماحبج وطلع يركض
رائد: بجيتي
وتين: حتى يتادب انت شايف لسانه شطوله لازك كل شي يي حيخرب من الدلال
ناي: يمعوده مو هيج عاد
وتين: هو اني شسويت بس اخذ الايباد وكلبها مناحه مو كل شي يريده ياخذه لازم يتعلم كلمه لا
ناي: حروح اشوفه
وتين: كعدي خلي شويه يحس بتانيب الضمير
ناي: وتين انجبي
وتين: ما متروحين
ناي:اوف من عنادج
كملوا حجيهم ووتين كل شويه تباوع على الدرج
رائد بضحكه:اذا حاسه بتانيب الضمير روحي خلص مرت ساعه تقريبا
ناي: هههههه
وتين: ماحاسه وله شي يستاهل
ناي:انجبي وكومي شوفي خلص طفل بعد السنه 4 ماداخلها
وتين:حروح اشوف اذا مسويه مصيبه جديده بس
رائد:صدكناج هههههههههة
ناي:ههههه
رائد:هسه ترجع تبجي تكول بطل يحبني اني ام سيئه ههههه
وتين:انجب
ناي:هههههه
صعدت وتين تدور ايلان دخلت للغرفه مالكته دورت زين هم مالكته دورت بغرفه رائد مو موجود وبالصاله هم موموجود
وتين بقلق نزلت من الدرج ودمعتها بعينها
رائد: شفتي شكتلج حتنزل تبجي
وتين: رائد ايلان ماكو
رائد فز: شلون ماكو اني شفته يصعد
وتين بدموع : ماكو فوك دورت
ناي بقلق : خاف طلع
رائد: لا وين الباب مقفول ميوصل اله
ناي:دوروا زين
بدوا رائد وناي ووتين يدورون بالبيت كله
وتين بدموع:ناي ماكو زين راح
ناي بقلق هي الثانيه:هسه يمعوده تلاكي يلعب خاتل ماادري وين
رائد بقلق وهو يدور هو الثاني اخر شي فتح باب غرفه فاضيه لكاه ماخذ مخدته ولحافه ونايم
رائد بابتسامه:باع الحقير
نزل وهو يشوف وتين كالبتها مناحه هي وناي
رائد:نايم فوك
وتين:شنو وين
ناي:لكيته
رائد بضحكه:يي تعالوا
صعدوا رائد وناي ووتين
لغرفه فاضيه وشافوا نايم
وتين وهي تحظنه:حبيبي
ناي:اوف الحمدلله
كعد ايلان وهو يشوف الكل مجتمع حوله
ايلان:شتسون بغرفتي
رائد:بضحكه مو هاي غرفتك هاي فاضيه
ايلان:وينها فاضيه شوف كل غراصي هنا
رائد وهو ينتبه يشوف العابه مجمعه بجهه وملابس ذابها بجهه ثانيه
رائد بضحكه:هاي شنو
ايلان:اعيش هنا بعد
وتين:واني تعوفني
ايلان:بعد مااريدج
وتين:تعوف ماما
ايلان:انتي تصيحين على كل شي ماريدج
رائد بضحكه:جلسه عتاب ههههه
ناي:هههه انجب
وتين:خلص بعد مااصيح ترجع تنام يمي
ايلان بتفكير: نرجعيلي الايباد
وتين باستسلام:ارجعه
رائد بضحكه:الهبله ضحك عليها
ناي:هههه
وتين:هسه نرجع نام سوى
ايلان:امممم افكر اشوفج كم يوم اذا زينه تمام مو زينه ارجع لغرفتي
رائد:يهدد هههههه
شاله وهو يبوس ويعض بخدوده هههه
رائد:تعوف ماما وتنام يمي
ايلان وهو حاط ايديه على خديه:لا انت تعض
رائد:هههه قرب من عنده وعض ايده ورجع عض خدوده
ايلان:ماما
رائد:هههههه
وتين:خلص رائد لازم تبجي
رائد:تعجبني خدوده
ناي وهي تاخذه منه وتبوسه
ناي:ها طابت حبيبي
ايلان: لا
رائد:هه فشلج
ناي وتسوي نفسها زعلانه: زعلت
قرب ايلان منها وباسها خدها:راح الزعل
ناي:عمررري وهي تقرب من عنده وتشبع خده بوس
رائد:هالولد مغازلجي حيطلع ههههه
وتين: انت بس عوفك توقعاتك ياقارى المستقبل ههههه
عند عمر
عمر:ها دكتور شلونه شنو بيه
الدكتور:.......
