وتين بدموع: فارس
فارس وهو يعوف الملفات الي بايده ويركض لوتين الي دتبجي: عيونه لفارس ليش تبجين منو مزعلج
وتين بدموع: ايلان
فارس: شبي شصاير
وتين بانهيار: فارس ايلان مريض حيسوي عمليه فاارس اهئ اهئ ايلان حيروح مني فارررس ابنييي حيروووح مني روحيي حتعوفني
فارس وهو يهديها: عمليه شنو شبي ابنج
وتين بدموع: عنده فقر دم منجلي حاد وتكسر بكريات الدم لازم يسوي عمليه نقل دم وبانهيار كليييي شلون يسوي عمليه شلون يكدر يتحمل كل هالوجع فارس مديفهموني ايبان يخاف من ابره من الابره يضل يبجي ساعات شلون عمليه وتين ودموعها تنزل اكثر فارس شكل جسمه الصغير مربوط بكل هاي الاجهزه شلون اكدر اتحمله البارحه جان يلعب موو انت بنفسك شفته بالحديقه جان يلعب كولللهم اكو غلط مافحصوا زين ياعمليه وهو بعده صغير ها شلون روحي تتحمل كل هالوجع
فارس بتاثر من حال وتين وقهر على ايلان يحس بشي غريب تجاه هذا الطفل يمكن لان جزء من وتين هو يحب وتين ويحب كل شيء يرتبط بيها او جزء منها عشقه وصل لهاي المرحله: اهدي وتين عمليه نقل الدم بسيطه ومو خطره بس خلي احد يتبرعله بدم والافضل منج وبغيض من ابو هسه تشوفي يرجع يكوم مثل اول واحسن وهو يركض ويلعب حوليكي وانتي دكتوره لازم تعرفين هذا الشي
وتين بدموع: دمي ميتوافق وياه ومااريد اخذ دم شخص غريب ليكون بي امراض واوبئه مامستعده اخاطر بصحه ايلان
فارس وهو يمسح على شعر وتين الي بحظنه: طيب مدام مو زمره دمج يعني ماخذ زمره دم ابو خلي يتبرعله
وتين بدموع: برايك يتبرع
فارس بستغراب: اكيد يتبرع مو ابو اكيد منقهر عليه
وتين بدموع: فارس تتبرع لايلان
فارس بستغراب: هاا بس اني مااكدر اتبرعله كتلج لازم صله قرابه
وتين بدموع: ايلان ابنك فارس
فارس بصدمه واستغراب: شكلتي وتين شنو
وتين ودموعها تنزل اكثر: ايلان ابنك فارس مو ابن رائد رائد اخويه
فارس: دقيقه خليني استوعب وتين شدكولين انتي
وتين بدموع: باليوم الي جيتك وكتلك اريد اكلك شي وانت كلت اني هم اريد اكلج كتلك انت كول اول انت كلتج طالق طلقتني وماحجيتلك بذيج اللحظه
فارس وبفرحه بداخلها انها ماتزوجت او ارتبطت بغيره وان طفلها ابنه هو هذا الطفل الي يحس بشي غريب من يشوفه هو ابنه وابن حبيبته وتين اكو شي يعني يربطهم وبنفس الوكت مشاعر حزن انه ميدري عنه وانوا وتين اخفت عنه ابنه وربى عند غيره وماشافه وهو يكبر كدام عينه: ايلان اب ابني اني
وتين هزت راسها ودموعها تنزل: يي
فارس: ايلان ابني اني يعني ابني اني وياج انتي امه واني ابو صحيح
وتين بدموع: ييي
فارس ومشاعر بداخله بين فرحه وحزن وغضب:مدااستوعب
وتين وانهارت بدموع وصياح :فارس اعرف انو غلطت من اخفيت عنك ابنك وانك متعرفه عنه شي وانو جذبت عليك بس اجله بعدين مشان الله فارس ايلان ديحارب الموت هناك سوت الي تريده واحجي الي تريده بس بعد ميطلع ايلان من العمليه مستعده اسوي كل شي تريده اذا تكلي موتي موتي بس انقذلي ايلان فارس حياه ايلان تعتمد عليك اذا تبرعتله فارس لتحرمني منه تبرعله فارس هو ابنك هم صحيح متعرف بي بس يضل ابنك فارس ارجوك لتقهرني بي انت متعرف ايلان شكد يعنيلي هو الدنيا كلها بالنسبه اليه هو روحي وحياتي اذبحني اذا تريد بس انقذه يفارس وكعدت على الارض تبجي وراسها بين ايديها
وشعرها نازل على وجها
فارس وبحزن على حالته كعد بمستواها وحط راسها بحظنه
فارس:وتين انتي شدتحجين ايلان مثل ماهو ابنج فهو ابني محسمح يصيرله شي قبل مااسمع بابا من حلكه كافي دموع هسه اروح واتبرعله بكل دمي وكلبي وحياتي اذا يريد هذا روحي هذا جزي مني شلون اعوفه يتاذى
وتين ورفعت راسها لوجهه وبدموع:صدك
فارس بابتسامه حنونه وحزينه بنفس الوقت: صدك هسه يلا امسحي دموعج صيري قويه علمود ايلان
وتين بدموع:يعني حتنقذه
فارس وهو يمد ايده ويمسح دموعها ويحظنها: امسحي هالدموع ايلان حيرجع مثل اول واحسن هذا ابني وابنج هذا جزء من عدنا احنا الاثنين حيرجع معافى وعد من عندي
وتين بدموع:صدك
فارس:وعد والله وين هو هسه منو دكتوره باي غرفه
وتين: عمر وناي المسؤولين عن حالته تعال ويايه
طلعت وتين وفارس وراها لغرفه ايلان الي جان يمه عمر ورائد وناي
فارس:عمر شنو حالته
عمر: يحتاج تبرع بالدم لازم نغيرله دمه باسرع وكت
فارس بدموع ماكدر يخفيها وهو يشوف هذا الجسم الصغير حوليه اجهزه من مل جهه ونايم والتعب واضح عليه هذا ابنه هو يعني اسمه ايلان فارس متحمل يشوفه بهاي الحاله ومتحمل فكره انو يصيرله شي وهو بعده ميدري انو هو ابو وانو محيسمع كلمه بابا بصوته
فارس بدموع: عمر اني ابوو هذا ابني اني
عمر بتاثر من الموقف:يي ايلان ابنك
فارس توجهه لسرير المشفى الي نايم عليه ايلان انحنى لمستواه ولزم ايده وباسها وبالايد الثانيه يمسح على شعره وعيونه الي دموعها تنزل على وجهه ايلان تراقب ملامحه شاله بحظنه وهو يستنشق عطره
فارس من بين دموعه وببحه حزن :يرروح لبابا لتعوفني اكعد وسمعني كلمه بابا بصوتك يروحي انت لتقهرني عليك يايلان لتخليني اتعذب على فراقك ماعندي هاي القوه الي اكدر اتحمل هذا الشي يبابا لتعيشني وجع فقدك منو عندي غيرك اني ياجزء مني ومن وتين لتعوفنا يحبيبي خليك قوي
وتين الي جانت تسمع صوت فارس وهي دافنه نفسها بحظن رائد وتبجي وجعها على ايلان والوجع الاكبر من سمعت حجي فارس حست بالذنب اكثر دفنت نفسها بحظن رائد اكثر وهي تبجي وتشهك ورائد حاظنها ومحاوطها بايدي ودموعه هو الثاني يحاول السيطره عليها بس ماكدرت نزلت منع نفسه دموعه تنزل وهو يمول اذا مانزلت على ايلان على منو تنزل
ناي جانت هي الثانيه تبجي من هذا الموقف وعمر بتاثر على حال فارس ووتين وايلان نزلت دموعه هو الثاني
فارس بعد ماطلع الكبت الي بداخله رجع ايلان لسريره وهو يبوسه من بين عيونه
فارس ببحه حزن بعد مامسح دموعه:عمر ايمته العمليه
عمر: حالا بس نتاكد من دمك ونحضر غرفه العمليات
نادى عمر الممرضات وطلب نقل ايلان لغير غرفه وفارس هم بعد ماتاكد من التوافق بيناتهم جهزوا ايلان وفارس حتى ينقلوهم للعمليات
ناي جانت طمن بوتين ورائد بعدين توجهت تحضر نفسها للعمليه
وتين بعد ماعرفت قرب موعد العمليه حاولت تزورهم دخلت للغرفه لكتها فاضيه بس عمر جان ديطلع منها
وتين بدموع:وينهم
عمر ويطمن وتين:لتخافين نقلناهم للعمليات
وتين وهي لتزم ايد عمر:عمر اوعدني يطلعون نفس اول واحسن وتنجح العمليه
عمر بابتسامه وحزن وشعور بالذنب لان يحس هو السبب في تفرقهم وعدم معرفه فارس بايلان: طمني وتين حتنجح العمليه وعد وهو يربت على كتفها
دخل عمر للعمليات ووتين ورائد بقوا ينتظرون عن باب غرفه العمليات ووتين دموعها ماوكفت ورائد يحاول يهديها وتين جان تمشي بالممر رايحه جايه ورائد واكف كدام باب غرفع العمليات ينتظر احد يطلع يطمنهم .
وفجأة جتي زين وهي تركض... وبعدم انتباه.. حضنت رائد بقوه : فارس كالوا ابنك وعندك ابن شنو شصار شبيك
رائد وهو يباوعلها شلون حاضنته بقوه.. حجه وهو رافع حاجبه : نعم !؟🤨
رفعت زين راسها وفزت وكمزت بعيد ... زين بأرتباك: اسفه اسفه والله توهمت بأخوية اعتذر كلش منك
رائد بنرفزه: اني اتقارن بأخوج!؟
زين( برفعه حاجب واستغراب: عفواً؟.. وشبي اخويه معاجبك؟
رائد( وهو يضحك بأستهزاء ويبعد نظره عنها): ههههه مابي شي سلامتج
زين (بعصبيه): اولاً مااسمحلك هيجي تحجي... ثانياً صحيح انت متتقارن بفارس.. فارس وييين وانت وين
رائد وهو ماله خلگ كام بسرعه وهو يتقرب منها وعيونه حمره وتجدح نااار من العصبيه والقهر الي بي: انتي شصدددج هاااا... شايفه اخوج الي متفاخره بي ميسواله حجاره
زين وهي تتقرب وبعيونها نظره تحدي وهي ترفع اصبعها عليه: انتي الي متوصل اظفر فارس سامع
رائد ( بأستهزاء وهو يتقرب منها اكثر): اووه والله
زين ( ضلت ترجع ليوره وبأرتباك الما انزگعت بالحايط): لتتقدم وخررر
رائد( بقى يتقدم وهو يهمس):وشسوين لو تقدمت؟
زين (حطت ايدها ع صدره وغمضت عيونها بقوه وهي تحس انفاسه الحاره تلفح وجهها): وخر
رائد فاق من شروده وبعد بسرعه وهو يروح على وتين الي جانت واكفه بعيد عنهم تنتظر ايلان وتبجي وبالها مر يمهم.. راح وهو يحضنها
راحت زين: وتين
وخرت وتين من حضن رائد وحضنت زين: زين ايلان جوه مو بخير زين ايلان حيروح مني
زين وهي تمسح على شعرها وهي تباوع على رائد الي صافن عليها: اش اهدي بس يلا لتبجين
وطلعت ناي ...
ركض رائد وهو يلزم ايدها : ناي بشريني شلونه ايلان
ناي تنهدت
وتين: لا لا ايلان بي شي
ناي: انجبوا عود اني بالعمليه ... ايلاني كلشي مابي واحسن مني ومنج
رائد: اوووه الحمدلله الحمدلله ياربي
وتين( بفرحه ركضت على ناي وحضنتها): اوو احبج احبج يعني مابي شي صحيح نايه
ناي( وهي تبادلها الحضن): هههههه اني هم اموت عليج لا مابي شي هسه شويه ويكعد
طلعوا فارس وعمر...
عمر:فارس لازم ترتاح تبرعت بدم هوايه ارتاح بعدين روح ليغمى عليك ميصير تكوم
فارس ويحس بدوخه:بعدين عمر ارتاح بعدين ميصير شي
فارس وهو يمشي... وتين لمكتبي بسرعه
وتين باوعت عليه وتوقعت حتصير عركه بيناتهم لان الي صار مو قليل وله موضوع بسيط حتى يعبر من زمان توقعت هاي المواجهه
رائد:اذا تريد تحجي شي احجي هنا شتريد
فارس باوع عليه وطاه نظره وتمنى لو هو بصحته جان كام وكفخه عنده حقد تجاه هذا الشخص لمجرد جان يعتبر زوج وتين
وتين وهي تشوف الاجواء المتكهربه بيناتهم
وتين:خلص رائد هسه اجي مااطول خليك يم ايلان انت
رائد:وين تروحين متروحين وياه بهالاسلوب مالته
وتين: خلص رائد هدي عشان خاطري ميصير شي فارس ميكدر يسويلي شي هدي منريد مشاكل
رائد:وتين
وتين وهي تترجاه:خلص رائد
راحت وتين تجاه فارس
رائد هو ويباوع على فارس بنظرات غضب عند ناي وعمر ورائد
اخذوا ايلان للغرفه وراحوا ناي وعمر ورائد وياهم...
زين راحت لغرفتها...
عمر: رائد ممكن احاجيك
رائد: اي اكيد
عمر: ناي فوتي يم ايلان شويه
باوعت ناي على رائد بأرتباك .. اشرلها رائد اطمني.. وطبت ناي جوه
كعد عمر على مكتبه وكعد گباله رائد
عمر: اريد تحجيلي كلشي
رائد: شحجيلك؟!
عمر: شلون شفتوا وتين وناي... وشلون كدرتوا تخفون هالشي.. وشون جنتوا عايشين بلندن.. كلشي احجيلي
رائد( تنهد وحجه): امي نفصلت عن ابويه وتزوجت وعافتني من اني وصغير... عشت ويه ابويه بلندن وحدنا... ابويه حجالي.. عن وتين وناي.. جان يراقبهم وهم بتركيا... وعنده صورهم واسمهم... مره جنه منتقلين بالجديد... وشفت وتين بالمصعد... نفس الصوره بالضبط الي عنده واسمها اكدلي هالشي... بس ماحاجيتها انتظرت ناي علمود اتأكد... وره شهر هيجي اقل تقريباً شفت ناي... والاسم والشبه تأكدت هم خواتي.. رحنا اني وابويه ... ابويه سافر وبقينه اني ووتين وناي بشقه... الما شرف ايلان... وتين خافت لا فارس ياخذ ايلان منها... مرادت تكله ابنه.. ولان انتوا متعرفوني قررت انتحل شخصيه زوج وتين... وربيت ايلان وياها ومثل ابني.. ولحد يومنا هذا..
عمر: مااعرف شكلك بس اني اسف بالبدايه مجنت ادري
رائد: لا ولا يهمك مصار شي... بس ممكن اسئك سؤال
عمر: تفضل
رائد: اذا فارس يحب وتين هالحب... ليش عافها وعذبها هيجي؟
عمر( تنهد بقهره): شوف مااكدر اكلك غير انو فارس انجبر.. شلون وليش هو الي يحجيلك هالشي
رائد: اوك براحتك
عمر: يلا امشي نروح ع ناي وايلان
