وتين كعدت الصبح ضليت اباوع على السقف اتذكر شصار وكلت وجع ماكدرت الزم نفسي المهم فتت اخذت شاور وجففت شعري حطيت مكياج ولبست بنطلون جنز وسترابلس ابيض وستره لون اخضر فاتح وحذاء
عدلت شعري وكلت مرري الموضوع عادي نزلت وشفت فارس طالع من الغرفه
فارس: صباح الخير
وتين:صباح النور
نزلت اني وفارس نفطر شفته يشرب القهوه ويباوع عليه كانو يريد يستفسر عن البارحه سويت نفسي ماشفت رفعه راسي وكلت فارس
فارس فرح كانو عباله رح اكله
وتين:ردت اسئلك عن الحاله الي البارحه اجت طوارى شلون عمليته نجحت جانت حالته خطره
فارس وباحباط:يي نجحت بس بعده بالعنايه المركزه
وتين:همم اكيد العمليه جانت صعبه
فارس:يي
فارس وهو يباوع على ساعته يلا تاخرنا وهو دياخد مفاتيح السياره
وتين:كالت لا لتاخذها اني اوصلك اليوم
فارس:دقيقه خل اتشهد
وتين:والله سواقتي زينه ليش ماراكب ويايه من قبل
فارس:لا
صعدت وتين بسيارتها وصعد فارس بصفها شغلت السياره وبدت تسوق للمستشفى وكفت بصف اشاره مرور وجانت صافنه تفكر طول الطريق ساكتين ليكون شفق عليه صاير محترم وله شنو سالفته وهي صافنه ماانتبهت انو جانت صافنه على سياره ولد وجان مثل الي يحاجيها وهي مامنتبها ويكلها نزلي الجامه
فارس:وتيييين
وتين:هاا
فارس:عاجبج الوضع شكلج
وتين:ياوضع
فارس:باعي يمينج
باوعت وتين وانتبهت كالت ماجنت منتبهه
فارس:بشنو جنتي منتبهه لعد ياافنديه وهذا الحمار ماصدك على الله
وتين: وعجبها وضعهم رجعوا للعركات لان جو الهدوء والحباب ابد ماعجبها كالت عاد مشكله والله جمالي يجذب الانظار فحتى لو ماجنت صافنه جان جذبت
فارس:وتين لتنرفزين اعصابي وتاخذين الوضع مزح احذرج احسن خليني لازم اعصابي
وتين:منو كلك الزمها عوفها خطيه ياعدو الحريه
وتين: وبعدين رح نوصل للمستشفى اما الي بعده مااعرف
فارس: وهو يضرب باصابعه على السياره ويكول ياصبرررر
وتين: سكتت وعلى وجهه ابتسامه وعاجبها انو نرفزته
وصلوا للمستشفى نزلت ونزل هوى وياها وهي دتضم المفتاح بالجنطه اخذه منها وكال اني اسوق بالرجعه ومشى
وتين وهي وراه وتكول لتكون تمنعني من السواقه هم فارس باي عصر احنا
فارس: اني متخلف
وتين: عززه متخلف ليش ماكتلي قبل لنزوج نخدعت بيك
فارس: عادي هاي شغله بسيطه نخدعتي بيها
وتين: ليش شنو بعد
فارس: متدرين اصير مصاص دماء للي ينرفزوني
وتين: ههههه يعني انت متنرفز اني اصير مصاصه دماء هم
فارس: حقوق الطبع والنشر
دخل فارس لغرفته وبده يكلب بالملفات ووتين بعدها تحجي فوك راسه مدلها الملف بوجها وكال هاي حاله اليوم
وتين: يي المهم بعدني ماكملت حجي
فارس: بعد اكو حجي شكد كركتي
وتين:على فكره انت عدو حقوق التكلم والتعبير عن الراي
فارس:وين اكو هيج حقوق
وتين:بلى اكو ليش ماسامع عنها باع هاي وماكمله حجيها الى فارس دافعها وساد الباب وراها
فارس: يلا بايباي
وتين:وجع وهاي اني مرتك
وفارس:ويحظنها مرتي
وتين:تدفعه وتبعد اقصد صديقتك باي وتركض
فارس ضحك عليها ورجع يدقق بالاوراق
عند ناي وعمر
عمر جان بغرفته
دخلت عليه ناي وجانت لابسه ستره سوداء وبنطلون بيجي وكعب اسود
