عند فارس ووتين وتين: وهي تدك الباب فارس: تفضل وتين: هلو فارس صحتني فارس: وهو يكوم من المكتب وياشر الها بايده على كرسي ويكعد بالكرسي الي كدامها بعدين كال مو ردتي نتسابق بالخيل شنو رايج نتسابق هسه اكو مكان كلش حلو ادليج عليه والي يوصله اسرع يفوز وتين بحماس: اوك فارس: طيب وعطاها بوكس وتين: شنو هذا فارس،: ملابس فروسيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وتين: يسلموو فارس: تدللين يلا اشوفج بعد ربع ساعه صعدت وتين وبدلت لبست هاي الملابس ونزلت لكت فارس مجهزه الاحصنه ركبت على الحصان الذهبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وفارس ركب على الحصان الابيض بعد مادلاها وين توصل تسابقوا ووتين جان كلش فرحانه وتضحك بصوت عالي حست كانو همومها كلها راحت من تركض والهوى يطير شعرها حسته نفسها حره لاول مرى تكدر تسوي شي بدون محد يذكرها بمرضها هي من زمان تحب الاحصنه بس امها منعتها خاف توكع وتتاذى وصلت هي وفارس للمكان نزلت ونزل فارس المكان جان عباره عن بحيره وحوليها اشجار وورد جان الضو خفيف مع ضوء القمر منطي للمكان جمال فارس: وتين وتين: وهي مندمجه ويه المنظر هممم فارس: اريد اكلج شي وتين: تفضل فارس: بس مااعرف شلون رح اكوله وتين: شنو تشجع فارس: صح مااعرف شلون اكولها بس احبك وتين منصدمه: هاا فارس: احبك وتين: شلون فارس: ببساطه حبيتج اول ماشفتج حبيت عنادج حبيت خوفج حبيت ابتسامتج حبيت قوتج حبيت طفولتج حبيت ضحكتج تعلقت بيها كلها لتفكرين انو جذب وانو صار فتره بسيطه بس صدكيني مااعرف شلون تعلقت بيج لهاي الدرجه احبج ومااحبج تتاذين ولما يزعلج احد اتمنى ازيله من الوجود لما تضحكين دكات كلبي مااسيطر عليها ولما تتاذين اتمنى بيه وله بيج وتين انتي احتليتيني احتليتي كلبي احبج لاخر نفس اتمنى حياتي كلها ادور حوليج انتي وبس اتمنى تكونين الاوكسجين الي اتنفسه الحظن الدافي اليه اتمنى املكج كلج بس اليه وتين والله احبك وتين: مصدكه بالنهايه اني هم حبيتك صح يمكن تسال ليش ماصار شي مميز بيناتنه بس من شفتك حسيت كلبي لاول مره ينبض هيج كلبي اختارك انت وحدك تسكن بي مااعرف ليش من اشوفك تتغير تصرفاتي مااعرف شلون اسيطر على نفسي لدرجه الاحظ ادق التفاصيل بيك كل يوم وكل لحظه صح مامبين بس اني هيج كلبي يريد هيج كلبي اختارك انت بدون ارادتي فضلك انته ولو حاولت انساء وابعدك حبي الك يزيد كل لحظه وكل ثانيه ودقيقه لااراديا ابتسم لما ينذكر اسمك لااراديا لااراديا افرح لما اشوف وجهك لااراديا ازعل من اي شي منك لو مانطقت حتى لو مانطقت بس مجرد تعابيرك يمكن تعبان او شي بس اضوج اذا شفتك هيج اضوج اذا تاذيت اضوج اذا ماشفت بسمتك فارس: يعني انتي همات تحبيني وتين ولزم ايدها ممكن نرتبط وتين: احبك بس فارس: بس وتين: فارس سؤال الي يحب شنو يتمنى للي يحبه فارس: السعاده وتين: صحيح طيب واني لان احبك اتمنالك السعاده وسعادتك مو ويايه ودموعها تنزل ماكدرت تسيطر عليها فارس: اصلا ماكو سعاده بحياتي اذا انتي ماموجوده سعادتي انتي وتين وتين: لا سعادتك مو ويايه اني مريضه قلب فارس: واذا وتين: يمكن اموت باي لحظه غير اني كل ساعه لازم اخذ نوع علاج فارس: اني قابل وبعيد الشر يومي يمر بدونك وتين: بس اني مااقبل اني لان احبك احب راحتك واذا ضليت يمي ماكو راحه فارس: راحتي وسعادتي بوجدج ويايه وتين اني بدونج وله شي وتين: انهارت وكامت تبجي وتصيح شلون سعادتك ويايه هاا كول شلوون ترضى تعيش ويه وحده مريضه ترضى لازم متتهب من اي شي لازم متركض لازم متلعب لازم متتاثر من اي انفعال تعرف هاي الرحله تونست بيها لان كدرت اركض لان كدرت العب بدون محد يقيدني صح ناي تنبهني بس اني جنت اكولها خلص لك اني وطفله حلمي جلن العب وياهم حلمي جان اركض حلمي جان انو اكدر ابجي تعرف شنو اكدر ابجي يعني اكدر افرغ الي بداخلي بدون محد يمنعني ويكلي مضر بصحتك تتاذين حلمي انو اروح لمكان ومااشوف نظرات الشفقه حلمي انو احب لك حتى احب مااكدر ممنوع عليه ممنوع مااكدر تعرف ليش تعررف هاي تعرف لان باي لحظه امووت لك حتى اب يمكن متصير لان يمكن اموت ويموت ويايه حتى ام مااكدر اصير انت قابل تعيش ويه وحده كل شويه دوا كل شويه طبيب كل شوي تنام بمستشفى تتعب من ابسط شي اذا انت قابل انيمااقبل مااقبل تعيش هالحياه فاهم مااقبل لان احبك مااقبل لان امووت بيك مااقبل فارس وجان مصدوم من انفعالها وحجيها معقوله كل هذا ضامته بكلبج وتين معقول تحملتي كل هذا وحدج تقرب منها وحظنها وضل يمسحعلى شعرها ويكل هسه كافي حبيبي والله امووت من اشوفج زعللنه والله احس الدنيا وكفت من تنزل دمعتج وضل يهدي بيها حتى سكتت وبعدين سالها وتين وتين: همم فارس: ترضين الي تحبي يموت وتين: لا فارس: طيب اني بعدج عني مووت حياه وتين ماكو بيها ماموجوده اصلا باعتبار متت وتين: فارس افهمني اني قبل متكمل حجيها حط ايده على شفتها وكال فارس: طيب اني مارح اطلب منج نرتبط هسه بس وتين: بس شنو فارس: اريد فرصه وتين: فرصه؟ فارس: انتي مرض اله علاج مو مميت واني رح الاكي طيني فرصه شهر اذا لكيت علاج وسويتي عمليه وتعالجتي تكونين الي واكون الج وتين: فاارس انت مامجبور تعيش هذا الشي علمودي فارس: اني مجبور لان حياتي انتي اذا تاذيتي مره اتاذه الف مره اذا حزنتي احس سكاكين تضرب بقلبي اذا ابتسمتي احس اني ملكت الدنيا وتين:فارس ليش هيج فارس:لاني ببساطه احبج ومد سلسال وعلقه على شكل قلب مثل القفل وعلكه بركبتها وكال هذا القلب كلبج وعلك مفتاح بركبته وكال هذا الكلب قلبج ومحد يملك مفتاحه بس اني وعد وتين: وعد حظنها فارس وضلوا وكعدوا جوه شجره وضلوا يشوفون القمر سوى
