مشاهد الجزء الثاني ( انت دائي ودوائي)
مشهد (1)
طبت لارين للغرفه وهي تشوف اسد كاعد عالقريوله وهو يترس مسدسه طلقات
لارين: ممكن تكعد افحصك
اسد: لا مو ممكن
لارين: ليش جاي حضرتك!!
اسد: هيجي عجبني اجي
لارين: انت شبيك هيي اكعد يلا اريد اكمل شغلي مو ما عندي شغله غيرك
اسد( وهو يصر على سنونه): احجي عدل لا اعدل حلكج اني
لارين( وهي تتخصر): نعمم نعمم؟! اشوف بلله شتسوي يعني
كام اسد وهو يرفع المسدس بوجهها جان بباله مجرد يخوفها: افرغه براسج تره
لارين مبينت خوفها وهي تشوفه عصبي ولابس بدلة العسكري ورافع المسدس بوجهها التفت ولگت المشرط عالميز شالته وهي ترفعه بوجهه : تتقرب اخربط ملامح وجهك والله
اسد وهو يشوف قوتها وكوه كاتم ضحكته ويباوعلها بتعجب: ههههه هاي شنو
لارين: لا عبالك اني ضعيفه لا عيني وسلاحك ميهددني ... عن اذنك ..
وطلعت وخلت اسد بصدمته من قوتها
مشهد (2)
ايلين وهي ترجع من صديقتها حست بأحد يمشي وراها.. بقت هادئة وتمشي بسرعه تريد توصل للبيت وماحست الا وايد جرتها
ايلين: ااااااااااا
الولد: اش اش يحلوة صوتج مااسمعه
ايلين وهي ترفس تحاول توخره: وووخررر وخرررر عنيييييي باااااباااا بااااباااا اهئ اهئ وخررررر
الولد: اششش ليش هالدموع مجرد نتونس شويه
ايلين: وخررر عنيييييييي
الولد: ل ااااخخخخ
ايلين: ايلان؟!
ايلان: لك كلب شدسوييييي انتتت
ايلين: ايلان انتبه
اندار ايلان وشاف جماعة الولد جوي كام بسرعه وهو يحاول ايلين ويحميها ضرب الولد ضربه قويه بالتوثية اجتي بظهر ايلان
ايلان: ااااااخ
ايلين: اااايلاااان لاااااا
ايلان ( بوجع): ايلين روحي روحي ايلين
ايلين: لا لا ايلان
ايلان: دكلجججج رووووحييييي
انهزمت ايلين بسرعه وهي تركض وتركض وتبجي حست على صرخه من ايلان وصلت الى يمها من قوتها ... التفت ورجعتله ركضضض شافت ايلان بالكاع والدم حواليه وفاقد الوعي: اايييييييلااااااااان
مشهد ( 3)
طلعت ساره من الغرفه وهي رافعه شعرها الي واصل لنهاية خصرها كباية منثوره ... ولابسه شورت وقميص وبوتين رياضي... نزلت ركض وانصدمت
ساره: آي وثول
قيس: الي يثولج هاي شلابسه
ساره ( بثول): هدوم
قيس: عبالي علاليگ .. ادري هدوم شنو هاللبس
ساره: انت شعليك البس الي البسه معليك فاهم
قيس: شوكت تحسين روحج بنيه وتبطلين هاللبس هذا شنو انتي تره ولد مو بنيه ومحد يگلبج
ساره ( حزت بخاطرها كلامه بس مبينت): ولد بنيه انت مالك علاقه سامعني
قيس: ولد
ساره: بكيفي
قيس: ولد
ساره: بكيفي
قيس: متطلعين بهاي الملابس
ساره: بلي وخر
قيس: كلت متطلعين
ساره: واني كلت اطلع
قيس: شوفي نفسج شلابسه شووورت شورت مره وحده؟!
ساره: اني ولد بكيفي البس
قيس: اي اوك ولد روحي بدلي
ساره: ماابدل قيس مالك دخل بيه لتدخل
قيس ( وهو يضم ايده لصدره ويباوعلها ببرود ويرتجي عالباب): واني اكلج متطلعين بدون متبدلين
ساره: واني اكلك اطلع
قيس: راسج اليابس لازم يتكسر
ساره: ماعاش الي يكسره
قيس: حتندمين
ساره: اندم مااندم بكيفي
قيس: متطلعين
ساره: اوك....( تقربت منه وهو يباوع بعينه بتعجب شدسوي تقربت عضت ايده بسرعه وانهزمت)
فاق قيس من شروده: تؤ خرب ساااارهه
ساره( وهي تركض وتطلع لسانه): احسسن
