هلوو حبايب♥️... سووي عالتأخير وهاي سحلتلكمياها من شعرها لصديقتي وخليتها تكتبلكم... وهسة هي دتشوف كتبولها لتطولين حتى تتحفز😂 وهسة استمتعوااااا💖
ناي: عمرررررررر وهي تشاهق اخذت تلفونها ودكت على وتين
وتين: الو
ناي: وتين اهئ اهئ ععم اهئ اهئ اهئ عمر
وتين جفلت من صوت اختها: الو ناي حبيبي فهميني شبي عمر
ناي تشاهق وتبجي وماكدر تنطق وله حرف
وتين بخوف: ناي انتي ويايه ناي
ماكو صوت غير صوت بجيها
وتين: فارس ناي دكت تبجي وتصيح عمر روح لبيتهم
فارس ويغير اتجاه الطريق لبيتهم بقلق: شبيها شكو كالت شي
وتين بتوتر: لا ماكالت شي بس عمر وتبجي
وصلوا فارس ووتين لبيت ناي وعمر نزلوا بسرعه وشافوا الابواب مفتوحه دخلوا وشافوا المنظر كل الخدم مربطين والحارس والسايق وناي كاعده بنص الصاله وتبجي
وتين توجهه لاختها بسرعه: ناي حبيبي شبيج
ناي وماكدرت تنطق شي بس تبجي وتشاهق
فارس فتح قيود الحارس والباقيين
فارس: شنو شصاير عمر وين
الحارس: استاذ فارس منعرف اجوا ناس مسلحين قبل ميجي الاستاذ عمر والمدام ناي هددونا بالسلاح وربطونا ولما اجوا الاستاذ عمر والمدام ناي اخذوا الاستاذ عمر
فارس وعقله ميتحمل كل هالشي وهو يشوف ناي منهاره واخو روحه مخطوف
فارس: دك على الشرطه
الشرطه: الو
فارس: اريد ابلغ على حاله اختطاف وتهديد وسطو
الشرطي: المكان
فارس: بحي ال............
الشرطي: تمام دقايق وتكون دوريه عدكم
فارس سد التلفون
فارس: طيب اكو شي مسروق يعني غاياهم فلوس كالوا شي عمر ماعنده اعداء
الحارس: لا ماسرقوا شي مجرد ربطونا وخطفوا استاذ عمر
فارس: طيب خليكم هنا عشان الاستجواب وروح سد الباب
الحارس:تمام
فارس توجه لناي ووتين الي جانت تسمع الحجي
فارس وهو يحاول يصير قوي وهو حاليا محتاج احد يسنده بالنهايه هذا اخو روحه : ناي كومي ميصير تسوين بحالج هيج
ناي: اهدى شلون اهدى هذا اهئ اهئ اهئ عمر اهئ اهئ تعرف يعني شنو واني اشوفه اهئ ينخطف كدام عيني اهى وانهارت بحظن اختها تبجي
وتين وهي الثانيه ماستحملت منظر اختها وهي تبجي بدت عيونها دمع هم: ناي حبيبي باعي فارس كال للشرطه هسه يلاكوا اكيد
ناي: مستمره بالببجي
ووتين تمسح على شعرها وتهديها
عند فارس جان كاعد وراسه بين ايديه يفكر عمر ماجان ابد عنده اعداء ومو من النوع العنفواني شلون وليش واذا غايتهم فلوس جان سرقوا ياربي شنو هالمصيبه
وصلوا الشرطه
الشرطي: موجوده كاميرات مراقبه
فارس: يي تفضل
توجه فارس والشرطي للغرفه الكاميرات
الشرطي: وجهم متغطي رح نراقب كاميرات الشارع والمنطقه ونعرف وين توجهوا وارقام السياره نتبعها ونبلغ عليها
فارس: تمام وياريت تساعدنا انو نلاكي باسرع وكت
الشرطي: المخطوف عنده اعداء او مشكال
فارس: لا ابد
الشرطي: شنو صلتك بي
فارس: اخو
الشرطي: جنت متواجد لحظه الخطف
فارس: لا الي جان متواجد زوجته والخدم بس
الشرطي: طيب احتاج اخذ افادتهم
فارس: تمام تفضل
الشرطي: اعدادهم كم
الحارس: 8 اشخاص جانوا
الشرطي: من الكامرات جانوا موجودين اثنين يحرسون الباب يعني العدد الكلي عشره هذا رقم يدل انو عصابه
فارس: عصابه! وعمر مستحيل يتورط بهيج شي
الشرطي: اكو شي مفقود
الحارس: لا ماسرقوا شي مجرد ربطونا وخطفوا استاذ عمر
الشرطي: شلون حصل الحادث
ناي وتبجي: جنه راجعين دخلنا لكينا الخدم مربطين وعصابه مسلحه بالبيت واهئ اهئ خطفوا عمر
الشرطي: كالوا شي معين
ناي: لا
الشرطي: طيب طلبوا مبلغ
ناي: لا
الشرطي: المخطوف شكه من تعرضه لمكالمات او رسائل تهديد
ناي: لا اني موجوده دايما يمه ماشكى
الشرطي: للعموم نحتاج نراقب سجلات مكالماته حتى نتاكد والبيت رح يكون تحت رقابه وتلفوناتكم هم و حنبحث عن رقم السياره
فارس: تمام شكرا حضره الشرطي
الشرطي: العفو هذا واجبنا
توجه فارس وناي ووتين لبيتهم لان بيت ناي وعمر ديحققون بي وارسلوا حراسه تحاوط البيت هم
ناي:ضلت تبجي طول الوقت ومراقبه تلفونها جتي وتين وشافت ناي متكوره على نفسها وتبجي
وتين:ناي رح تدمرين نفسج كافي
ناي:شلوووون شلوووون متكووووليلي شلوون شفته كدام عيني وتين شفته ينخطف كدام عيني وماكدرت اسوي شي ياريتني اني ولا هو ياريت وتين شفته ينضرب ضربه ذاك الحقير
هسه هو شلون اكيد عذبوا او ضربو وتين متعرفين كم فكره وفكره ابالي وشلون صورته تجي كبالي واني اتخيله متاذي مشهد وهو ينخطف كدام عيني مديروح طيب ليش ليييش والله مااذى احد بحياته ليش
وتين وهي تخظن اختها وتهديها خلص حبيبي خلص يعمري والله هسه تشوفي يرجع سالم ومابي شي ويكعد يضحك ويقشمر هذا عمر وهو قوي لتخافين عليه
ناي:وهي بحظن وتين مجلبه بايدها بقميصها وراسها على صدرها ودموعها تنزل وتين مدااتحمل فكره انو هو بعيد عني ويمكن متاذي وتين عمرر روحي شلون اعيش بدون روحي شلون روحي تتاذى واهدى هذا عمر وتين جنه الصبح نضحك ومابينا شي قبل شوبه جنه تلعب وتين رجعنا فرحانين وتعبانين وتين جان يغنيلي وهو بالسياره وتين شلون صار هيج كولي جذب كولي اني دااحلم كولي هذا كابوس وكعديني ليش مااخذوني وياه ليش ليييييش انهارت تبحي وهي تضرب بايدها على حظن وتين
وتين الي توجعت من الضربه بس الي وجعها اكثر منظر ناي وهي هيج منهاره اختها وروحها وتوامها دتتوجع وهي متكدر تسوي شي تحس الكلمات تروح من بالها كل متشوفها بهاي الحاله تريد تشاركها حزنها وطمنها بس تحس نفسها عاجزه من تشوفها بهالمنظر حظنتها وشدت على حظنها الما هدت
فارس جان واكف وشاف هذا المنظر كسرت كلبه ومنظرها وحع نفسه كلش فوك ماهو متوجع راح لمكتبه وحاب حبايه مهدئ ومنوم وكاسه مي ومدلهيا
فارس:تفضلي اشربيها
ناي بدموع:شنو هاي
فارس:مهدى
ناي:لا مااريد.اذا اجه عمر اريده يشوفني انتظره اريد اشوفه
فارس: اذا ضليتي هي حيجيج انهيار عصبي
ناي:ما مااريد وتبجي
فارس: تنهد اذا اجه عمر وشافج بهذا المنظر تتوقعين رح يفرح اشربيها واني اكعدج من يجي
ناي:واذا مااجه
فارس:باى يجي ويرجه ثقي بيه
ناي:فارس ترجعلي عمر توعدني يرجع
فارس: وكلبه يتكسر اوعدج يرجع وتشوفي
فارس:وتين خليها ترتاح بغرفه وخليج يمها
وتين:تمام
اخذت وتين ناي لغرفه وغيرتلها ملابس لبيجاما عطتها حبايت المدئ
ناي اخذت حبايه المهدى وتمددت وحاظنها المخده وتبجي بعد شويه هدئت ملامح ونامت
وتين وكلبها يتقطع على اختها غطتها وطفت الضوه وطلعت تشوف فارس اكيد هسه متحطم
فارس وديحجي تلفون:ييي هيج صار
ليث:شنوووو طيب طلبوا مبلغ شي
فارس:بعد ماتواصلوا وماسرقوا شي مجرد اختطاف
ليث:ياربي شنو هالمصيبه الشرطه توصلت لشي
فارش:دتحقق وتتبع رقم السياره
ليث: اني جاي
فارس سد الخط مع ابو ورجع راسه على القنفه يحس طاقته خلصت من التفكير ويفكر بحال اخو وينه هسه وشنو وضعه وشيردون منه ضل يراقب تلفونه اذا دكوا يطلبون فديه او شي
وتين وهي تشوف فارس هيج وضعه تكسر كلبها وهي تشوف اختها منهاره وحبيبها متعذب وحتى هيه مقهورنه بالنهايه عمر اله مكانه خاصه بكلبها تقدمت وكعدت بصف فارس
وتين:فارس
ماكملت لان فارس دفنه وجهه بحظنها وتحس بحراره دموعه تلامس جسمها وتحرق كلبها ويه كل دمعه من دموع حبيبها
وتين حاوطت فارس بايدها وهي تمسح على شعره
فارس:وتين عمر انخطف عمر والله ماعمره ضر احد حتى نمله مياذي عصابه شورطه وياهم احس روحي تتكطع واني كاعد هنا ومكتف مااكدر اسوي شي قبل شويه جنت اداهره قبل شويه جان يزعجني اتمنى اشوفه واحظنه واكله ياروح اخوك لتحرك كلبي عليك
وتين:خلص حبيبي اكيد رح يرجع رح يرجع ويزعجني بجهالنا الخمسه ويفشلني رح يرجع تتفق انت وياه عليه رح يرجع لناي ورح يرجع االك عمر قوي لتخاف عليه
مكان ثاني
عند عمر
عمر وهو مربوط بكرسي فتح عينه بعد ماخدروا جان الرؤيه ضبابيه سد عينه ورجع فتحها وهو يشوف المكان الي هو بي
عمر وهو يتذكر شصار صاح ناي باوع مالكه احد التفت جانت غرفه مهجوره والغرفه فارغه اله من كرسي كاعد مربوط بس وكرسي ثاني
الخاطف وهو يفتح الباب: ها صحصحت
عمر: انت منو وشتريد مني
الخاطف: عندي وياك ثار
عمر: ياثار واني مااعرفك حتى
الخاطف: هو مو ويايه ويه احد يخصني وهو يفتح الباب حتى تدخل زينب
زينب وبوقاحه: هااي
عمر كشر من شافها واشمئز
زينب بجرائه تقرب من عمر المربط. على الكرسي وتلزم راسه بايدها: مو كتلك رح ادفعك ثمن طردتي واهانتي هوايه كلت وله ماكلت
عمر: وبهاي الدنائه تدفعينياها ها صحيح مو هذا مستواج هم
الخاطف تنرفز وضرب عمر بوكس خله انفه وشفته ينزفون دم ووكع ويه الكرسي
عمر:ياحقير
الخاطف ويرفسه برجله ببطنه
زينب وبضحكه وقحه:هههههههه
زينب: تستاهل وهذا شي بسيط رح يجيك اعظم من هالشي وهي تقرب من الخاطف وتحظنه وحبيبي رح يدفعك صمن اهانتك اليه وناي رح اخلي كلبها يحترك عليج
عمر:لتجين يم ناييي
زينب وبوقاحه:متهمني بعد.بصراحه كفايه حركه الكلب الي رح تصيبها خطيه اتخيل شكلها هسه وهي تبجي ومنهاره عليك ههههههههههههههه بصراحه نفسي اشوف وبعدين اني جانت تزعجني لان جنت اريدك اما هسه لو ينطوني ياك مااريدك واني عندي حبيبي هذا ماادري شنو جنت شايفه بيك وهي تكب كوب المي الي جانت تربه منه على وجهه
زينب:ههههههههههه
زينب:شلون شكلك وانت عاجز هيج كدامي شكد حلو
الخاطف وهو يشير لواحد من تابعي:عدله
اجه وعدل عمر على الكرسي
الخاطف وجان يشرب سيجاره:اخربطلج وجهه؟
زينب:هممم
زينب:شنو رايك احركك وله لا
عمر:انتي وحده لازم تزور مصحه عقليه مااعرف شلون صرتي دكتوره
زينب:هه بالحالتين تزوير
عمر:اشوفج جنتي فاشله
زينب: يعني رح اتاثر مثلا دخلت هذا المجال حتى اتسلى وبس مو مولوعه اني بقيمكم السخيفه المهم نرجع لمموضوعنا الاصلي احرك لو لا اذا توسلت ابطل
عمر:احلامج
زينب:اخر فرصه
عمر وهو يمد.الحروف ا ح ل ا م ج
زينب:انت الخصران مينفع وياك المعروف
زينب وبدلع سخيف:حبيبي احركه وشوهه وبشعه فوك ماهو بشع يعع شلون جان ذوقي
الخاطق:تقدم ناحيه عمر وحط السيجاره على نهايه ركبته
عمر:ااااااااااااااااااا
زينب: ههههههههه
الخاطف ويرجع يشعل سيجاره ثانيه
زينب: توسل وانذل مثل ماذليتني
عمر: تحلمين
الخاطف رجع وطفى السيجاره بكف ايد عمر هالمره
عمر: اييييي
الخاطف ضل يعذب بعمر حتى اغمي عليه
عند ناي
ناي:اااااااااااااااااااااااااااااااااا
وتين وفارس احوا على صوتهم
وتين شغلت الضوه وركضت على اختها الي جانت تبحي
ناي:وتين بمووت شفته يتعذب وتين جان يتوجع روحي تتوجع رح اموووت وتين بدونه اريده اريد عمر جيبوليا اهئ اهئ اهئ اهئ اهئ
فارس: الي ويه كل كلمه يتعذب ويفكر صحيح اخو يتعذب حتى جا اتصال قطع تفكيره
الشرطي:سلام عليكم
فارس: وعليكم السلام وبلهفه اكو شي جديد لكيتوا السياره
الشرطي:مع الاسف غيروا السياره لغير وحده بدون ارقام وبين الفروع وماكو كامرات حتى نتبعها
فارس:وكل الامل الي بكلبه راح يعني شلون اخو وين شلون يشوفه وين هو وشنو حاله
الشرطي:.........
