طب عمر لغرفه فارس...
فارس: عمر اهدئ شويه
عمر: شلون اهدئ فارس شلون اهدئ وهي هيجي متوجعه شلووون اسكت واني اشوفها تلوب من الوجع ومابيدي شي اسوي كولي شلوووون
فارس: خلص خلص تمام هي دترجع ذاكرتها افتهم انت مو تريد ترجع ذاكرتها؟
عمر: اذا هيج تتوجع ماريد الذاكره لتذكر اني انطيها ذكريات جديده اني اسويلها حياة جديدة ابدي وياها من الصفر بس ولا تتوجع هيجي مااتحمل اشوفها هيجي فارس ارحمني الله يخليك الگالها حل
فارس( وهو يجر اخوه ويحضنه): اشش اهدئ ان شاءالله تكعد احسن كافيي
عمر( وهو يبتعد):اريد اروحلها
فارس: يلا امشي
..............................
طب عمر لغرفه ناي الي جانت كاعده عالقريوله.. تقدم عمر بخطوات ثگيله وحزينه وكعد يمها وهو يباوع بعينها: شون صرتي؟
ناي: احسن دكتور عمر شكراً
غمض عمر عينه بوجع وسكت وكام عنها...
فارس: اشو افحصج
ناي: هههه شونك فارس
فارس: ها🤨
ناي: ههههه شبيك
فارس: بس لا
ناي: ههههه يي رجعت بس لدكول كدام عمر
فارس: هههه خطيه مقهور حيل ليش
ناي: باجر محضرتله فشي
فارس: ممم شمحضرتله
ناي: انت متدري يمكن
فارس: بشنو؟
ناي: هههه اني حامل
فارس : ها؟! حاامل صدك تحجيين
ناي: ههههه ييي
فارس: هله بيج من جديد
ناي( بأبتسامه وهي تهمسله): هههه وبيك عن قريب تنجمع مو ( وهي تأشرله على وتين بعيونها)
ابتسم فارس بوجع وهو يباوع على وتين اتنهد وسكت: الحمدلله على سلامتج مره ثانيه
ناي: تسلم
كام فارس وهو يأشر لوتين: وتين ممكن شويه
وتين( وهي تكوم): تمام
رائد( وهو يهمسلها): ع كيفج
وتين وهي تأشر بأطمئن ومشت وره فارس...
تقدم رائد يم ناي وهو يحضنها: اشتاقيت لنايتي الخبله
ناي وهي تبادله الحضن: ههه اني همين اشتاقيت لرودي الخبيث
رائد: هههه
_________________
عند فارس ووتين...
فارس: وتين اجه الوكت الي نجتمع بي
وتين: الله كريم
فارس: الله كريم؟؟!
وتين: اي تره هي قبل شويه رجعت ذاكرتها لناي انطيني صبر
فارس: كافي وتين كافي تره بزعت اني تحملتج هواية ويكون بعلمج كل الي دأسوي علمود ايلان فلتنغرين كلش
وتين: اني ممنغره واعرف تره كل الزين انت تحملت كل هالفتره بقت عالكم يوم هاي
تقدم فارس وهو يباوع بعيونها بحدة: نشوف اخرتها وياج يوتين..وخلي ببالج عگب باجر ننزل نشتري النواقص للزواج وهذا اخر كلام... وطلع وعافها.. جرت وتين نفس عميق وراحت لغرفه ناي...
"""""""""""""
وتين: ناي؟
ناي: ها حبيبي
وتين: رائد اخذ امي وروحوا للبيت اني حشوف اجراءات المستشفى واجيب ناي واجي
رائد: تأكدتي تكدر تطلع ؟
وتين: اي مريت للدكتور خلص
رائد: ماشي... يلا عمه ندى نروح
ندى: يلا نروح الحمدلله على سلامتج حبيبتي
ناي: تسلميلي ماما
طلع رائد واخذ ندى وياه ووتين تلم بالغراض
ناي: وتين؟
التفتت وتين ... اشرتلها ناي انو تجي راحت وتين يم ناي وكعدت يمها
وتين: شنو حاسه بشي بوجع؟
وبلا مقدمات سحبت ناي وتين وحضنتها : ادري الي بداخلج شنو فلتحاولين تضمين عني شي
بادلتها وتين الحضن وهي تبجي جانت محتاجه لناي القديمه الي تعرف كلشي وتشكيلها: تعبت ناي تعبت كرهت الدنيا كرهت نفسي كرهت كلشي
ناي( وهي تمسح على شعرها بهدوء): اشش لتبجين كافي انتي مغلطتي انتي انجبرتي وهو جبرج حتى لو عنده عذر صح يجوز غلطتي انو مكلتي انج حامل وانو ايلان ابنه بس هو هم مذنب لتشيلين الهم كله عليج كافي...
هدئت وتين شويه وره كلام ناي وخرت عنها وهي تبوسها بخدها: اشتاقيتلج ناي
ناي( بأبتسامه حنيه): اني هم اشتاقيتلج
وتين: يلا حشوف الاجراءات واجي
ناي: تمام
طلعت وتين من الغرفه مددت ناي وغمضت عيونها حست على الباب ينفتح بهدوء عرفته هو من عطره جانت مشتاقتله مشتاقتله حيييل اتمنت ترتمي بحضنه وتشكيله على المها ووجعها وعلى احساسها بي بقت ساكنه وهي تشوفه يتقدم منها كعد يمها ولزم ايدها وعيونها تنزل دموع تمنت تمد ايدها وتسمح دموعه رفع عمر ايدها لشفته وباسها بخفه: اشتاقيتلج حيل نايتي شوكت ترجعيلي كافي بعدج طول بعد مااتحمل والله ..
تقدم وهو يدفن وجهه بخدها ويشمها همس يم اذنها :
