وتين رجعت للبيت وكفت كدام المرايا واني اباوع على سترته المحطوطه عليه جنت وحدي بالبيت لان ناي ويه عمر مرافقه وماما مسافره لشغلها حطيت الستره على الجربايه ورحت غسلت رجعت حظنت الستره واني اشم عطره احاول افرح بالوضع بس مااكدر لان اذكر انو اني مامسموحلي احب لزمت دفتر الي ادون بي شصار بيومي وكتبت اني هم مسموحلي احب الي عدهم مرض مثلي هم يكدرون يحبون طيب حتى لو حبيت منو كال انو يحبني محد يحب وحده مريضه ليش حتى اصلا يحب وحده مريضه ليش يتعب نفسه وياها يكدر ياخذ وحده مابيها شي لامريضه حتى لو سويت عمليه وتعالجت ليش لحتى يحب وحده جسمها تشوه من عمليه ليش لحتى يحب وحده عدها ندبه شنو الي جابره يتحمل هيج شي كل هذا معقوله تحت مسمى حب هى وتين شيلي هالافكار من راسج لتحبين انتي مامسموحلج تحبين صح انو مو ذنبي اني مريضه صح انو مو ذنبي انو نولدت هيج صح انو مو اني الي اختاريت اكون هيج بس اني مامستعده اظلم احد عشان سعادتي اذا احبه رح اكتفي بسعادته رح ارضى بالقليل ضليت صافنه لحظه بعدين انتبهت للورقه انشكت من جهه بسبب دموعي الي وكعت عليها سديت الدفتر وعلكت الستره ورحت نمت ماريد اعلك نفسي باوهام نمت ودمعتي على خدي
بالمستشفى:
عمر: ناي ترى ملل كومي نسوي شي
ناي: رجلك بيها رضه شتريد تسوي
عمر: الرضه مو قويه تشافت صارلها اكثر من يوم
ناي: شتريد تسوي
عمر: باعي هسه اكو كرسي متحرك مال الي عدهم اصابات
ناي: يي
عمر: يي جيبي هذا الكرسي
ناي: ليش
عمر: ماعليج روحي جيبي الكرسي
ناي: رحت جبت الكرسي وكعد عليه عمر
ناي: وهسه شنو
عمر: نزلينا على الطابق الارضي( يعني مو طابق الي تدخله للمستشفى هو الاول هو يقصد طابق رقم صفر)
ناي: طابق الارضي شتسوي بي مال مخزن ادويه واجهزه فارغ مابي احد
عمر: هو لان فارغ اريده
ناي: شكلك رح توكعنه بمصيبه
عمر: ماعليج يلا يلا
ناي نزلنا اني وعمر لهذا الطابق وطبعا ماجان بي احد لان الوقت متاخر وكفت كدام ممر طويل
عمر: هسه ادفعيني
ناي: هاا
عمر: ادفعيني
ناي: عمر كل عقلك وين ادفعك
عمر: يمعوده ملل وبعدين ماكو احد وبالنسبه لوين كدامج ممر طويل يلا دور اليه دور الج
ناي:انت متكدر تمشي
عمر:بلا تشافت رجلي ماجانت كلش خطيره الاصابه
ناي:يي يلا
ناي بديت ادفع عمر سريع بالممر واني اضحك وشعري طار ويايه من السرعه وهو هم اذا شافنا احد ميكول دكاتره يكول هاربين من غرفه المجانين
عمر:ههههه يلا دورج
ناي:كعدت اني على الكرسي وعمر دفعني سريع كلش واني اصيح لا عمر بربك رح اوكع عمررر
عمر:ههه جبانه
ناي: خفف سرعه يلا عيد
عمر:ما دوري
ناي:لا انت ثكيل داسين اليه وداس الك حتى ارتاح
عمر:هههههه
ناي ضلينا اني وعمر نلعب بعدين تعبنه رجعنه للغرفه بعد شويه دخل الدكتور المسوؤل عن حاله عمر وكله تكدر تطلع باجر الصبح
ثاني يوم
وتين: نااااااااي
ناي: ها ها ووجع شكو
وتين: الساعه 8:15
ناي: هاا شنووو عزززه حناكل رزاله
وتين: كومي ولج كووومي
كاموا ركض وحده تتمكيج وحده تسوي شعرها نص ساعه هم كلشي مكملين
ناي لبست بنطرون جلد اسود وستره بيضه مكسمه وتلث ارباع الاردان وحذاء عالي احمر وحمره بيجي وميكاج اسود
وتين لبست بنطرون ابيض وقميص وردي ونيلي وحذاء نيلي وحمره ورديه وطلعوا وصلوا للمستشفى ديتحرك المصعد صاحت ناي: هييي دقيقه دقيقه وانفتح الباب كالت وهي تلهث دقيقه رفعت عينها لگت عمر وفارس بالمصعد باوعت عالوتين وصعدوا صاروا فارس وبصفه عمر ووتين وناي عمر وهو يباوعلهم صفح: ليش متأخرين؟
دتحجي وتين قاطعها فارس بصوت عالي: ماريد بعد تأخيير فهمتوا؟
وتين وناي: حاضر
طلعوا كلهم وتين جرت ايد ناي وحطتها على گلبها: باعي باعي ولج
ناي: عزه عزه شبيج شبيج وهي تحرك بحلكها
وتين بنفس النبرة: ماادري ماادريي
ناي :هههههههه امشي لنترزل مره الخ
وتين: يييي يلا اروح لقسمي جااو
ناي: جاو يروحي
