عند فارس طلع من المستشفى وركب سيارته اجه عمر وركب بصفه متفقين يطلعون
عمر: يلا سوق شبيك
فارس وبلا وعي: لاانتظر وتين
عمر تنهد رجع هالشي
فارس وهو يباوع على الساعه: قبل شويه كلتلها بالممر لتتاخرين اووف
فارس: صحيح انت شجابك ويانا متكول رجال ومرته امشي روح يم ناي
عمر:فارس
فارس يتاجهله ويطلع تلفونه يدك على وتين
فارس:اووف هاي ليش مغلق اكيد ناسيه تشحنه
عمر: فارس مشان الله لتسوي هيج شي لتقهرني يفارس انت مو بعقلك
فارس ودموعه تنزل غصب عنه: طيب مشتاقلها شسوي ماعندي حل غير اتخيلها نفسي اشوفها حقيقي ادري هالشي غلط بس مو بيدي غصب عني والله ياريت اكدر اشوفها احظنها طيب على الاقل اسمع صوتها ادري هسه هيه تكرهني بس اسمع صوتها على الاقل اروي شوقي الها ودموعه تنزل ويحجي بحرقه مشتاقلها احس حموت بدونها
عمر وكلبه يتكطع على اخو والحاله الي صار بيها مسح دموعه: خلص يرووح اخوك لتعذب نفسك
فارس وهو ضام عمر: نفسي اسمع صوتها حتى رقمها غيرته مااكدر بعد اشوفها ولااسمع صوتها ليش ودموعه تنزل
عمر ويشد بحظنه لفارس: طيب احاول اجيبلك الرقم من ناي
فارس بفرحه: صدك
عمر: يي بس بشرط
فارس: اشرط الي تريده
عمر: تراجع دكتور نفساني
فارس: شنو ليش
عمر: فارس هاي مو حاله تمشي ووتخيل اشياء وتحجي بالفراغ باوع على نفسك شلون وجهك شاحب وجسمك ذبلان هو هذا فارس
فارس: بس اني مااريد انساها
عمر: وهو منو كال انساها لتنساها بس على الاقل احجي ويه دكتور يفهمك ينصحك اذا انت متكدر تحجي السبب على الاقل هو يفهمك تكدر تحجي
فارس ساكت
عمر: بدون متروح واتاكد من مواعيدك انو تحظر احلم تشوف الرقم
فارس: لا لا احظر والله كلشي اسوي الي تريده بس جيب رقمها
عمر: تنهد طيب اني احجزلك باجر.
فارس: والرقم
عمر: احاول اخذه من ناي
فارس: واذا ماقبلت
عمر: اسرقه الك 🙂
ظهرت شبه ابتسامه على فارس وسرعان مااختفت هالابتسامه
عند عمر بعد. مارجع هو وفارس دخل للبيت وكعد بالصاله
ناي: ها حبيبي رجعت
عمر: يي حياتي
ناي: شبيك شو مو على بعضك اكو شي مضوجك
عمر تنهد
جتي ناي كعدت بصفه وحطت راس عمر بحظنها وكعدت تلعب بشعره
ناي:شنو سبب هاي التنهيده
عمر:فارس
ناي والي هي هم مقهوره على حاله خصوصا انو احيانا يشوفها من بعيد ويبتسم ومن يقرب ينتبه انها مو وتين ويبعد ونظرته تكون تكسر الخاطر وهي همات شافت مرى يحجي بالفراغ ويتخيل انها وتين:شنو شبي
عمر:ويحجيلها عن المواقف الي تصير ويه فارس كدامه وعن دموعه
عمر اني نفسي افهم اذا يحبها ليش تركها
ناي: حتى اني اثنيناتهم يموتون على بعض ليش تفرقوا
عمر: ناي
ناي:همم
عمر:تكدرين تنطيني رقم وتين
ناي سكتت
عمر:ناي
ناي:مو الاحسن انهم ميتواصلون
عمر: رجاءا ناي انتي لو تشوفين حالته تبجي الحجر
ناي تنهدت:طيب
عمر وهو يحظنها: شكرا حبيبتي متعرفين شكد فرحتيني
ناي: ابتسمتله العفو
عند وتين كاعده مع رفيقتها بالسكن رنا وزميلتها بالمستشفى هم هي الي اقترحتلها مكان السكن هذا وعلاقتهم قوت كلش مع انها كم شهر بس رنا ساعدت وتين كلش
رنا:وهاي اطيب بيتزا 🍕
وتين وهي تبتسمله:شكرا تعبتج
رنا ...شنو هالحجي عيب عليج بعدين تدللين انتي والبيبي
وتين:حبيبتي
رنا:يلا اكلي قبل متبرد وهي تمدلها عصير
وتين:اريد.كولا
رنا:لاااا الكولا مضره وخصوصا انتي حامل العصير احسن
وتين:وتذكر فارس من يمنعها من الكولا او من هي غاضته وتشرب كدامه ونزلت دمعتها غصبا عنها
رنا:شنو لازم هالدموع هسه
وتين وهي تمسحها:لا وله شي
رنا:ابتسمي حبيبي الحياه متستاهل كل هالحزن
وتين: ابتسمت ابتسامه قصيره
رنا:عوفينا من الحزن هسه شنو حتسمين البيبي بعد ماعرفتي ان هو ولد ( ملاحظه رنا دكتوره وتين وزميلتها بالمستشفى)
وتين:هممم وهي بداخلها تمنت بهاي اللحظه كاعده بصف فارس ويختارون اسم ويتناكرون كل واحد على اسم وبعدين يعجبهم اسمهم ويكعدون يتخيلون صفاته شلون حتكون بالنسبه لاسمه
وتين بحزن:ايلان شنو رايج حلو مو
رنا: يييي خليج على هذا الاسم يخبل
وتين ابتسمتلها
بعد ماكملوا سهرتهم دخلت وتين لغرفتها وكعادتها لبست جاكيت فارس قبل متنام
ثاني يوم عند فارس
دخل عمر لمكتب فارس
فارس:ها جبته
عمر:ييي
فارس:طيني الرقم
عمر: بس اول حجزتلك عند دكتوره ربى كل اثنين واربعاء عندك جلسه الساعه 4 ولتتكاسل لان اعرف هذا ايام تداوم وهي من نفس المستشفى وتكون متفرغ بهيج وكت
فارس: تمام هسه طيني الرقم
عمر ويمدله ورقه مكتوب عليها الرقم: هذا
فارس ياخذه والفرحه مرسومه على وجهه
عمر اول مرى يشوف ابتسامه اخو بعد اشهر
عمر: طيب اني حطلع عندي مراجعين اليوم اول موعد عندك ياويلك اذا سمعت ماالتزمت
فارس وباله ابد مو يمه مركز يسجل الرقم: تمام تمام
طلع عمر
فارس هو ويسجل الرقم ويسمي وتيني
تردد يدك او لا اذا دك شنو يكول قرر يدك على الاقل يسمع صوتها دك
