فارس كعد الصبح بعد مانام ساعتين بس ماكدر ينام من الارهاق والتفكير وبوتين وشلون رح يشوفها اليوم بالمحكمه باوع على مكانها بصفه فارغ واغراضها مرتبه تنهد وكام وهو يتمنى يكدر يكول الها انو يحبها ويموت بيها وميكدر يعيش بدونها بس بنفس الوكت ميكدر يسوي شي يتمنى تكول لا اذا انت تتركني اني مااتركك اني مااسمح انو روحنا تنفصل غسل وجها بالمي ودموعه اختلطت ويه المي نشف وجوه والف فكره تدور بعقله يتمنى يصرخ ويكول اني حذاااب لتتركيني فتح الكنتور يختار لبسه اختار قميص اسود يناسب هذا اليوم الي يعتبر عزاء لروحه
يرتدون الاسود حين يغادر الناس
وانا ارتديه حين يغادر قلبي مع محبوبتي
مقيماً عزاء في داخلي على حبي
عدل شعره وحط عطر واخذ ساعته يلبسها وهو يتذكر
flash back ...
فارس:شدتخبثين
وتين:بضحكه وهي ترجع ايدها ورى جسمها وله شي
فارس يقرب منها وعلى وجهه ضحكه:وجهج يكول انو مسويه شي
وتين وهي تميل راسها بضحكه:لااااا
فارس قرب منها والتصق بطنها ببطنه ووجه الي يوصل لنص صدره من طوله رفعت راسها حتى تشوف عيونه بالمقابل هو نزل راسه حتى يلتقون عيونه مد ايده ورى ظهرها وجر ايدها
فارس:ههه شنو هذا
وتين: احب الساعات الرجاليه
فارس وهو يباوع على الساعه الجبيره على ايدها:طيب هاي متلبس هيج
وتين:صددك لعد شلون
فارس:تعاي جرها من ايدها وكعد وكعدها بحظنه:قربي ايديج
وتين: مدتله ايديها
فارس:الثانيه هم
وتين: شلون البس بايدين
فارس بضحكه:يي
وتين بغباء مدت ايديها الثانيه
فارس ربط الساعه بين ايديها الاثنين وسدها
وتين وهسه تستوعب:فارس تضحك عليه
فارس:ههههههههههه
وتين: زاعلتك
فارس: ههه وهو يقرب منها ويبوسها امزح حبيبي
وتين:ما
فارس:طيب انطيج الساعه لاكتلج كااعتذار
وتين:وهي تضرب على صدره وغصبا عنها طلعت ضحكه ههههه
وتين:احبك
..................................
رجع فارس للواقع وهو يفكر شلون رح تمر ايامه بدونها وبدون متكله احبك تعود عليها بازعاجها وضحكتها وكلامها وخبالها حتى مصايبها يحبها
ركب سيارته وهو يتوجه للمحكمه
دخل للمحكمه وشافها واكفه وبصفها المحاميه دخلوا سوى
القاضي:سبب الطلاق
وتين رفعت راسها بسخريه
فارس سكت
المحامي:عدم توافق من الطرفين
القاضي:طيب
القاضي:وتين ال... هل تقبلين الطلاق من فارس ال.....
وتين وتتمنى يوكف الزمن وله تكول هاي الكلمه:نعم
القاضي:فارس ال... هل تقبل الطلاق من وتين ال....
فارس الي يحس انو ديوافق على اعدامه:نعم
طلعوا فارس ووتين بعد ماتمت اجراءات الطلاق فارس الي يباوع على وتين كانوا يودعها
رجع فارس للبيت تعبان دخل للغرفه شاف ميري ترتب جنط
فارس:شدسوين
ميري:الانسه وتين طلبت نراب اغراضها ونبعتها ويه السايق
فارس:طيب
قرب فارس من الجنط الي ميري دترتب اخر شي جر من الجنطه وشاح
flash back
وتين: برررردانه
فارس: احد يطلع للمول بهالبرد
وتين: شعرفني حجمد
وتين: فارس اكلك
فارس: كولي حبيبي
وتين: اريد موطه
