فارس: شنو
سعد: مثل ماكتلك تطلك المدام مالتك
فارس: شنو منفعتك اطلكها
سعد: هيج طلكها لوتين
فارس بعصبيه: لتجيب اسمها على لسانك ياحقيييير
سعد: هاي شنو مو كلت مصلحتك ويايه تريد اخلي تخوك يموت هسه
فارس وهو يحاول يسيطر على اعصابه: طيب اعطيك ضعف المبلغ الي طلبته بس الغي الطلب الثاني
سعد: وباستفزاز لا
فارس: ثلاث اضعاف او الي تريده
سعد: لا كتلك اني مو طماع 100 مليون وطلك المدام
فارس: بس فهمتي شنو مصلحتك اطلكها
سعد:................................
Flash back زينب: مو انت تتفق مع اخو على العلاج
سعد:ييي
زينب: يي مع المبلغ اطلب شي ثاني
سعد برفعه حاجب:شنو
زينب:اخو متزوج وحده تصير تؤام زوجه هذا خلي يطلكها
سعد:عفوا شكله طلك مرتك اني شكو
زينب:بدلع هاي شبيك سعودتي مو صديقتي تحبه فحتى تنتقم من اختها علمممودي بليززز
سعد:تمام تمام
..............................................
سعد:شي ميخصك
فارس وفقد اعصابه: انت غبي لو تستغبي شنو اطلك مرتي انت شمصلحتك دااكول
سعد:اولا صوتك ليعلى ثانيا اخوك بالاكثر يومين ويودع ففكر زين اما اخوك يعيش او زوجتك تضل زوجتك مااظن حقير لدرجه تعوف اخوك يموت علمود مرتك ويضحك باستفزاز هههههههههههه
سعد:المهم حاليا بيباي انطيك ساعتين تفكر ولتفكر تتصل بالشرطه لان انت حتتاذى واخوك
فارس:سد الخط من سعد وهو يكسر كل شي كدامه شهالمصايب الي دتجي وحده ورى الثانيه
عند وتين
وتين:لا ياحامل
سجى:بلى مو تكولين دوخه ولعبان نفس
وتين:شيحملني
سجى باستعباط:شلون يعني شيحملج انتظري اجيبلج اختبار
وتين: لا ماكو داعي مااعتقد
سجى:شلون ماكو داعي دقيقه حتى تتاكدين طلعت سجى ركض تجيب اختبار حمل
عند وتين كعد على مكتبها وتفكر معقوله حامل
سجى ودتخل بحماس:هذا يلا
اخذته وتين من عدها ودخلت للحمام طلعت بعد شويه
وتين:حامل
سجى وتكمز وتحظنها:مبررروك
وتين بابتسامه:الله يبارك بيج
سجى:شبيج شو احسج مو فرحانه
وتين:لا مو قصه مو فرحانه بس تعرفين الاوضاع حاليا عمر وفارس وناي بالي يمهم
سجى:بالعكس هسه اذا كلتي لدكتور فارس اكيد حيفرح ويخفف شويه هالضغوط عنه
وتين:هيج تكولين
سجى:ييي اكيد.لعد شلون
وتين:طيب شكرا حبيبي
سجى:ولو تدللين حبيبتي
وتين: بس خلي هالشي بيناتنه اني اريد اكوله
سجى وتاشر على فمها كانها سدته: اصلا مااعرف شدتحجين
وتين:ههههه خوش
سجى:شتتوقعين ولد وله بنت
وتين:شعرفني صارله كم يوم ميتحدد هسه
سجى: منو كال كم يوم صارلكم فتره متزوجين اعتقد كم شهر عمره تكدررين تحددين جنس الطفل اذا عمره كم شهر
وتين وتورطت:هاا يي صحيح يمكن
عند فارس
دخل فارس لغرفه عمر وهو يشوفه مربوط ايديه ورجليه بسرير المرضى ويان وهو نايم وملامح وجهه تعبانه ولونه شاحب مد ايده وكعد بصفه ولزم ايده
فارس وعيونه تدمع ميعرف شنو يسوي اخو يموت لو يطلك مرته ميكدر يعيش بدون وتين وميكدر ياذيها وحياتهم واخيرا تحسنت بنفس الوكت ميكدر يعيش بدون اخو وخصوصا وهو يتذكره من يبحي ويان باحظانه ويكله انو ديتوجع اذا فكر وتين رح تضل عايشه بس عمر يموت بجى بحظن اخو وهو يتذكر من سعد يكول بعد يوميين بس اله
فارس...
مااصعب ان تخير بين من تحب
ان تترك اخاك يصارع الموت لتعيش بسعاده
ام تترك حبيبتك تواجه قسوه الحياه والظلم بسببي ليعيش اخي
مااصعب الاختيار
اشعر ان في داخلي هنالك حرب تقام
ااختار اخي لتعيش محبوبتي
ام اختار محبوبتي ليعيش اخي
تنهد فارس ومسح دموعه وهو يكول على الاقل عمر يعيش ويمكن تسامحني بالمستقبل اذا عرفت
طلع فارس لغرفته وهو ينتظر مكالمه من سعد ويحس اكو نار بداخله دتشتعل
رن تلفون فارس
فارس:الو
سعد:ها قررت
فارس بقهر :طيب رح اطلك
سعد: تمام طلكتها
فارس بوجع:لابعد بس اعتبرني مطلكها
سعد:تضحك عليه مثلا طلكها كدامي خلينا نشهد هاي الدراما
فارس:كتلك رح اطلك
سعد:واني كتلك انو ماانطيك العلاج اذا ماسمعت
تنهد فارس:طيب
الممرضه:نعم دكتور فارس
فارس: صيحيلي وتين
الممرضه:حاضر دكتور
ضل فارس يضرب باصابعه على المكتب وهو متررده ميعرف شنو يكول
وتين:هلو حبيبي ردتني
سعد: اشك رح تكلك حبيبي بعد
فارس: تنهد اريد اكول الج شي
وتين:اني هم اريد اكلك
فارس:كولي انتي اول
وتين:لا لا خلص كول انت شنو الموضوع
فارس: وتين انتي...
سعد:يالله فضها
