عمر: وهو يذب نفسه على القنفه جوووووعان
فارس: يقلد حركته انييييي هم
وتين وناي:مي تو
عمر: وهو يكوم من القنفه جتي ببالي فكره
فارس: الله يستر من افكارك شنو
عمر: احنا نطبخ منطلب تجديد يااخي مليت من اكل المطاعم
فارس: احلف
عمر: والله واكو بنات ويانه يساعدونه
ناي ووتين: بداخلهم متدري احنا اضرب منك
عمر: باعو نقسم الاطباق نطبخ بيتزا ولزانيا وسلطه
ناي: ليش عود
عمر: اني مشتهيهم 😂
ناي: هههههه
عمر: باعو جتي ابالي فكره ثانيه
فارس: نطلب من المطعم
عمر: لا ننقسم فريقين كل ولد ويه بنت مثلا اني وناي وانت ووتين
ناي: وعجبتها الفكرره يي حلو
فارس: لازم لعد نروح للسوبر ماركت لان ماكو شي متوفر هنا
عمر:يي حتى بالسوبر ماركت ننقسم
وتين:يي يي حلو حماس شنسوي هسه
عمر: نطبخ كل فريق اكله ووياها سلطه ونشتري عصير مو مال نطبخه هم احنا البيتزا وانتو اللزانيا
وتين وناي بنفس الحماس يكمزون يي يي يلا
ركبم سياره ودخلم السوبر ماركت وانقسمم كل واحد ووياها عربانه مالته
وتين:يلا فارس بسرعه بسرعه وهي تركض بالعربانه
فارس:انتبهي لتوكعين
وتين:ماااوكع مااوكع وهي تركض وكعت
فارس:اجه عليها وكال مااوكع مااوكع ومد ايده وكومه وهو يضحك عليها
وتين:لتضحك عليه غير اريد نفوز سوق انت العربانه واني ادور يلا
فارس:اوك
وتين:فارس هاي المعكرونه هذيج فوك
فارس:وينها اي وحده
وتين:هذيج
فارس:اي نوع تريدين
وتين:الي باكيتها احمر اشتريها مسلوكه
فارس:ههه غشاشه
وتين:مو غش همه يبوعون مسلوكه وبدون واحنا اختارينا المسلوكه ههه
فارس:اوك تكفي اثنين
وتين:يي يي تكفي
وضلم يحطون المكونات
وتين وهي تحط ببسي بالعربه
فارس:هاي شنو
وتين:ببسي
فارس:احلفي يعني ماشايفه ببسي اقصد جيبي عصير هذا مضر
وتين:فااارس لا هذا طعمه اطيب بعدين مو طيب وياها عصير لازم ببسي
فارس:لا
وتين:باليززززز والله مااشربهه هوايه احيانا بس وتستعطفه بعينها 🥺
فارس: اوك يلا حطي بقه شي ناقص
وتين:لا كذا تمام
فارس:بعدهم ماخلصم تعاي نجيب جبس وهالسوالف نسهر عليها
وتين:يي يي لا
فارس: انتبهي رح توكعين مره ثانيه
وتين:لا مااوكع
فارس:اي واحد تريدين
وتين:البرنجلز الي لونه بنفسجي
فارس:طيب وناي شتحب
وتين:المر
فارس:اكو جبس مر هههه
وتين هاا اقصد الي لونه احمر
فارس:شنو سالفه المر هذا
وتين:هذا مره ناي جابته واني اكل منه وبعد ماخلصت نصه كتلها مو طيب مر فصار اسمه المر هههه
فارس:هههه اوك وهذا الجبس المر حطينا
وبعد ماحطم انواع الجبسات والشوكلاتات والعصير راحم يحاسبون
عند ناي وعمر...
ناي: عمر يلا يلا اركض حتى نفوز
عمر:اوك اوك هذا الطحين حطي
ناي:يي يي
عمر:الصلصه نسويها لو نشتريها
ناي:لا نشتريها حتى اسرع
عمر:يي صحيح حتى نفوز
ناي: عمر الزيتون فوكاك جيبه
وعمر ويرفع راسه ويباوع على السقف
ناي:عمرررر قابل معلك بالسقف مره شفت زيتوني معلك بالسقف
عمر:هههه اضحك وياج وحطه
ناي:بقه بس الجبن
عمر:هذاك هناك
ناي:خلصنه 😂💃🏻
عمر:يي شكلهم بعدهم تعاي نلعب
ناي:شنو سالفتك ويه اللعب انت شكو مكان غلط لازم تلعب بي
عمر:وهو يباوع ويلاكي عربانه فارغه هذيج اكعدي عليها واني ادفعج
ناي:ههه يلا ماكول لا بس ياويلك سريع
بده عمر يدفع ناي وفجاه صار سريع بعدين عافها بروحها
ناي:عمررر لا ياحقير وكفتها ونزلت وذبت عليه كيس طحين بحيث صار شكله كلش طحين
عمر:ههههه وقبل ميكمل ضحكته انضرب يالطحين
عمر:نااي فضحتينا باعي شكلي كله طحين
ناي:هههه عادي عادي انفضه ماانطش هوايه 😂😂😂😂
نزع عمر سترته ونفض الطحين من على وجه وكال يلا اعتقد خلصم راحم يحاسبون وشافمم وتين وفارس ديحاسبون
وتين:خلصنه قبلكم 😝
ناي:جنه ندور ننتظركم 😝
وتين:احنا درنا واشترينا سهره وحاسبنه احنا اسرع 😝
ناي: احنا رح نفوز احنا اسرع 😝
وتين:نشوف 😝
عمر وفارس يباوعون عليهم وخربانين ضحك وكالم امشوا امشوف فشلتونا بين العالم
دخلم المطبخ وبدم يطبخون
ناي تسوي العجينه
وعمر يسوي الدجاج والخضار
ووتين تسوي الصلصه الحمره
وفارس يسوي البشاميل
ناي:عمررر طلع الزيتون
عمر:هسه بس اخلص هاي ابشري الجبنه
ناي:يي يي
وتين: فارس ناقصها ملح حط
فارس:هيج تمام
وتين:يي هاك مدتله باكيته معكرونه طلعها وهي تطلع واحد حطوا ناي وعمر المكونات فوك البيتزا ودخلوها للفرن ونفس الشي فارس ووتين كملوا اللزانيا وحطوها بالفرن وبدم يجهزون السلطه
ناي: وهي تقطع سلطه عمر اعصر الليمون
عمر: عمر اوك
عمر وهو يعصر الليمون طفر بوجهه ناي وعينها
ناي: عمررر باع شسويت بيه كل وجهي ليمون
عمر: يالله مو مشكله ماسك هههه
ناي: وين اكو ماسك بالليمون
عمر: بلى اكو اختراع جديد اليوم صدر ههه
ناي: شكد سخيف ههه
وتين جانت تقطع بالسلطه وكل متقطع فارس يعوف المامقطع وياكل الي قطعته
وتين: فااارس ذبحتني كل مااقطع تاكله اكل الي مامقطع
فارس: شسوي جوعان
وتين: طيب المامقطع هم اكل يشبع
فارس: لا من مقطع طعمه اطيب ههه
وتين: احلف والله تعبت
فارس: هو تقطيع شنو الصعب جيبي اني اقطعه ههه
وتين: هاك اخذ
فارس اخذ السجينه وبده يقطع
وتين: تعرف فارس اول مره اشوف خيار مثلث وخس دائري
فارس: ههههه
وتين: جيب اني اقطع رح تخصرنه
فارس: على فكره تصميم للسلطه جديد ههه
وتين: شكد سخيف ههه
بعد ماخلصم ناي ووتين رتبم طاوله الاكل وحطم الصحون والكاسات والسلطه وطلعم البيتزا واللزانيا وقطعم للكل طلعت طيبه
فارس:طيب سؤال احنا من مسوين تحدي منو الحكم
عمر:يي والله صحيح ههه
ناي:مافكرت ههه
وتين:مانتبهت ههه
فارس:هو كله كيب باعتبار تعادل
الكل:خلص تعادل ههه
بعد ماخلصم اكل
عمر:احس نفسي زدت كيلو شكد مااكلت
فارس:اني فزت اني 2 كيلو اكثر منك
عمر:شكد سخيف ههه
ناي:هسه منو يغسل الصحون
عمر:اني مالي دخل
فارس:اني هم
وتين:بالله شنو انتو وصختوا اكثر من ساعدتوا
ناي: نتشارك كلنا
فارس وعمر:اوك
