ناي: مشتتتتتتتاقتلكم
وتين وهي تقرب منها وتحظنها: اني هم مشتاقتلج كلش
رائد يقرب منهم ويحظنهم ثنيناتهم: اني هم مشتاقلكم
ايلان: اني اني هم
رائد: ههه شاله بحظنه وايلان مد ايده وحظنهم
رائد: كافي فضحتونا بالمطار بعد شويه حيجي الصحفين يكولون عائله مفترقين صار الهم 50 سنه وانتي بدايه السنه جنتي عدنه
ناي:انجب ولك ههه
وتين:لازم تخرب
رائد:يي صح ايلاني
ايلان:يي صح بايا
جتي ناي واخذت ايلان بحظنها وهي تبوس بي:حبيب خالته
رائد:اهوو بدت
ناي:مالك دخل مو بس الك
رائد:لا اليه صح ايلاني
ايلان:صح بابا
ناي:لان ميعرفني كلش كلها كم يوم واتحداك اذا باوع بوجهك
رائد:نشوف
ناي وهي تمدله مفتاح سياره:تفضل هاي سيارتك وهاي مفتاح البيت طاني ياهم صديقك من رحت ارتب البيت
رائد:تمام يسلموو
رائد: وتين حبيبي هاي مفتاح السياره روحوا اركبوا بين مااجيب الجنط
وتين:تمام
راحت وتين وناي الي شايله ايلان بحظنها وركبوا بالسياره ورائد يجيب الجنط
ناي:ايلاني تكعد بحظن خاله صحيح
ايلان:صحيح
وتين الي كاعده بصف مقعد السايق تندار عليها: لا ناي حرك كلش كعدي بالكرسي مال اطفال
ايلان:لا اني اريد بحظن نايه
ناي:عوفي يمي اني لازمته
ايلان:مامي بليززز
وتين: طيب بس اذا وكفت والسياره تمشي اكعدك بالكرسي تمام
ايلان:تمام
اجه رائد دخل الجنط بالسياره وكعد
رائد:وهو ياشر على ايلان اشوف الاخ باعنا
وتين:هو هيج لكه دلال بعد ميعرفنا ههه
ناي:ماعليكم غيرانين وهي تبوسه
رائد:طيب كعدي حسوق
ناي:كاعد بحظني
رائد:حيكوم كلتها مسبقا اكوللكم ياها
ناي:ماعليك انت ميكوم لازمته
شغل رائد السياره وبده يسوق
ناي:وتين حبقى يمكم يوميين
رائد:منستظيفج
ناي:محد حجه وياك انت خليك سوق زين جايه يم وتيني وايلاني ماجايه الك
رائد:ماصار ساعه بدت تسىرقهم مني
ناي وهي تدقه:اليوم انم بالنص بصف وتين وايلان واحظنهم اعوض شوق الي فات كله
رائد:انام وياكم عادي
ناي:منستقبل ولد
رائد:لعد بهاي الحاله ايلان يمي مو متستقبلون ولد
ناي:لا ايلاني طفل انت لا
رائد:ايلان نايه تكول عليك طفل وبنيه
ايلان:اني مو طفل وله بنيه اني بطل صح بابا
رائد:صح حبيبي
ايلان وهو يكوم من حظن ناي:بطلت بعد مااريدج
وتين:اكعد ايلان اكعد
ايلان:ما وهو يروح بجهه بعيده عن ناي
ناي: تعال حبيبي هذا رائد جذاب
ايلان:ما
وتين:ايلان اكعد بطل وكاحه
ايلان:تبي
وتين:ايلان ماما كلت عيب تعيدها
ايلان:ما كيفي
وتين وهي تباوع على رائد:شوف هاي اخره دلالك انت طيته عين
ناي: تعال ايلاني يمي حبيبي العبك
ايلان:ما ماريد وهو يلعب بازرار الباب ويفتح الشباك ويطلع ايده
رائد:ايلان دخل ايدك
ايلان:ما
صف رائد على جنب
رائد:ناي كعدي بالكرسي
ناي: تمام
قربت ناي من ايلان وشالته وكعدته
ايلان:ماريد
وتين:هس صوجي قبلت
ايلان:مااتحرك بعد
رائد:لا
رائد سد الشباك ورجع ساق
ايلان كعد بالكرسي وخانكته العبره ويحاول يفك الحزام
رائد:ايلان عوف الحزام
ايلان:ما تب
وتين:ايلان ماما كلت عيب
ايلان سكت خانكته العبره
ناي وانقهرت عليه فكت الحزام شالته وكعدته بحظنه
رائد:رجعي
وتين: ناي رجعي يوكح
ناي وهي تحظنه ماعليكم كاعد بحظني انتوا شكو بحيتوا للولد
ناي: تعرف ايلان حبيبي شنو جبتلك العاب
ايلان: شنو
ناي:بلي جبتلك تحبه
ايلان بفرحه طفل:صحيح
ناي:يي حبيبي نلعب اني وياك بس منلعب رائد السخيف
ايلان: لا منلعب رائد السخيف
رائد: باع قليل الادب
رائد: ناي ماصارلج نص ساعه كلبتي ابني عليه
ناي: شنو ذنبي اني انحب
رائد: شنو ذنبج انج ترشين
وصلوا للبيت هذا جانت صورته 👇🏻
