شونهم متابعينا الحلووين... جيبتلكم قصه جديده... بس ماانشرها هسة.. حسب التفاعل انشر اذا التفاعل قوي ابلش بيها...
اخليكم ويه مشاهد منها... الروايه بعنوان ( صدفه♥️)
يقول الجميع...
الصدف عندما تتعدى الثلاث مرات تصبح ليست صدفه... بل معجزه...
اليوم... سنعرف ان كانت الصدف موجوده فعلاً او لا.... فابطالنا حياتهم ستصبح كلها عباره عن...( صدفه♥️)
مشهد1...
حسن: الوو... بخير الله يسلمك .. تسلم اي والله... بويه شدكول انت... هههههه لا لا والحسين ماارضى
شام(بهمس لاختها): ديكول والحسين؟! يالله شلون يحلفون هيجي شيعيي يبووو
حسن( سمع كل كلامها): ااا اي احاجيك بعدين انه اتگوطر هسة.. يلا بالسلامه... وباوع على المرايا... وين تردون؟
شام: للبيت
حسن: چا غير اندل بيتكم انه مااندله
شام: اووه نسيت العنوان....
حسن: اها اي هسة فهمت
شام: اي
وصلهم حسن وبقى صافن عالبيت..
شام:هاي الفلوس
حسن: له له متجي
شام: لا بلي شنو انت وصلتنا اخذها رجاءاً
حسن: بالعباس متجي
شام( گلبت وجهها وهي تسمع كلامه): استغفرالله
حسن: چا شنو هاي عود انه ماكفرت
شام: اي اي هسة تفضل
حسن: خليها الج يبنت العم ههه😏... ومشه
شام: بنت العم؟!
مشهد2.....
شام طبت ترجف وهي عايشه كل حياتها ببغداد وهناك كلهم سُنه وجتي فجأة ويه كل الشيعه وبكربلاء وويه عاداتهم
شام: السلام عليكم
حليمة:اهلا تفضلي منو انتي؟
شام: اني شام وهاي اختي الصغيره ريم اني بنت علي
حليمه: انتي انتي بنتها لريام
شام: اي اني
كامت حليمه بسرعه وجرتها من شعرها...
شام: اااااا ااا عوفيني عوفينيييييي
حليمه: هجامه البيوت امج من زمان مردناها وهسة جابتج عاله ووللت
شام:امي اشرف منكم تمام
حسن: بسسسسس... وطب وهو يجر نور من ايد حليمه
حسن: يوم عووفيها عووفيها
زهره: عوفني يول يحسن خليني اموتها لهالبت
حسن: ميصير مالها دخل يوم عوفيها بسس ... وجر نور وراه
حليمه: اني عفتج بس الا اندمج يبت ريام
التفت حسن على شام:بيج شي؟
شام(وهي تنفض ايدها): عوف ايدي عوفها يلا
حسن: لا تصيحين لا وحق الحسين ادفنج بكاعج هسة
شام:مالك دخل مالك علاقه متأمرني انت
حسن: اكسر راسج هم وحطي على راسج شي اكو زلم متروسه بالديوان
شام:اني ممحجبه مالك دخل انت
حسن: لج سمعي لج تره سكتتلج هواية اني لتخليني اشوفج شي عمررج مشفتي
شام: دروح روح يالشيعي
حسن( تخبل وتهستر من طريقه كلامها لزم ايدها وجرها عليه): لججج تاج راسجج اني تسودنتي انتي تحجين هيج هنا
شام( وهي تباوعله بتحدي): ماالك علاقه
حسن( وهو يتقربلها بتحدي اكبر ويباوع بعينها بحده): انه حأدبج يالسنيه
شام: اعلى ما بخيلك اركبه... وعافته وركضت بسرعه...
مشهد3....
شام: يعني حداوم بالمستشفى واخيييرراً
علي: اي بابا وتحضري اخذج هسة ريمه ابقي هنا باجر اسجلج بالمدرسه
ريم: حاضر بابا
تحضرت شام وهي تلف شالها ولبست بدي على بنطرون طويل وطلعت ويه ابوها...
وصلوا للمستشفى وتوجهوا لمكتب المدير...
علي: السلام عليكم
الدكتور( خالد): وعليكم السلام تفضلوا
علي: هاي دكتور شام بأمانتك
خالد: من عيوني ... اي دكتوره شام انتي جراحه مو؟
شام: ۑ دكتور
خالد: طيب... ممرضه
الممرضه: تفضل دكتور
خالد: وديها على مختص الجراحه
الممرضه: تفضلي
طلعت شام ويه الممرضه ... دكت الممرضه الباب وسمعت ادخل... الممرضه: اني خلص شغلي تفضلي
شام: اي شكراً الج... فتحت الباب ...: انتتت!؟؟؟
حسن( وهو يرفع راسه): انتي شجابج هنا؟!
شام:( بصوت عالي): انت تت..
حسن: اشش صوتج ميعلى لا والحسين اندمج
شام: انت شنو هنا شنو كافي كل مكان تطلعلي يعني شنو هاي هم صدفه؟!
حسن: انتي شسوين هنا اكو شي يوجعج لو شنو؟
شام: هه اني دكتوره جراحه عيني
حسن: شنووو!؟
انتظر تعليقاتكم وتفاعلكم..♥️
احبكم... كاتبتكم جودي😍
