عمر: طمني دكتور شنو وضعه
دكتور: عنده قرحه بالمعده
عمر: شنوو
دكتور: سببها سوء تغذيه اضافه الى اضطرابات نفسيه
عمر بقه ساكت بقهر
دكتور: لازم يبقى بالمستشفى كم يوم ويبتعد عن اي ضغط وينتبه على تغذيته وعلاجه
عمر: شكرا دكتور
دخل عمر على فارس لكاه نايم
باوع على اخو وهو مقهور واحساس ان هو السبب ميفارقه ابد
طلع لان انتهى وقت الزياره
طلع تلفونه ودك على ناي
عمر: الوو
ناي: هلو حبيبي
عمر: هلوات اني حاجيج تجهزي
ناي: تمام يعمري بيباي
عمر: باي
ناس حست عمر مو طبيعي شكله تعبان ومضايك والبارحه طلع بعجله معقوله صار شي اكيد حاله فارس مو احسن من حاله وتين اذا حتى دكتور نفسي يراجع بس ليش طلكها فاقت من شرودها وهي تسمع صوت رائد داخل
رائد: ايلان
ايلان وهو ديلعب: نعم بابا
رائد هو ويقرب من عنده ويشيله: تعال شوف شنو جبتلك
طلع ايلان ورائد للحديقه الي جان رائد جايب لايلان سياره للاطفال
رائد: وهاي سياره لايلاني
ايلان: بفرحه: اليه
رائد: يي يروحي الك تعال نلعب
كعد رائد ايلان بالسياره
رائد: يلا اشوف تعرف تسوقها
ايلان: اول شي حزام الامان
رائد: ههه يي
ايلان ويغيض رائد : جان ركبتك بس ماعندي كرسي اطفال
رائد: ضحك وهو يعرف ايلان يضوج من كرسي الاطفال بس هو يجبره يكعد بي فديعانده ههههههه
ايلان: هههه
رائد : يلا اشوف
بدى ايلان يسوق بسيارته ويلعب
ايلان: بابا كول لماما تجي تشوفني اعرف العب
رائد: طيب بس لتطلع
ايلان: اوك
دخل رائد للبيت وللصاله وين ما وتين وناي كاعدين يحجون
رائد: وتين
وتين: ها حبيبي
رائد: تعاي شويه بالحديقه وانتي ناي هم
وتين: اوك بس ليش
رائد: تعاي هسه
طلعوا رائد ووتين وناي للحديقه
وهمه يشوفون ايلان يلعب بسيارته ويسوي حركات
وتين: ههه يعمري
ناي: حبيبي خالته فدوه للكشخه اني
رائد: حبيب ابوه وبس
ايلان وهو ياشر لوتين وناي: مااما نايه شوفي اعرف اسوق
وتين: يي حبيبي شفت
ايلان: بعد اني اطلعج
ناي: ومتطلع نايه
ايلان: بلى انتي هم
رائد: ماعليك منهم نطلع اني وياك طلعه ولد
ايلان: اروح هم وياك
وتين: بين قوسين جاهز للطلعه في اي وقت ههههه
ناي: ههههه
رائد انشغل بتركيب مرمى كره قدم بالحديقه لايلان ووتين وناي كاعدين بالمرجوحه يباوعون عليهم
خلص رائد تركيب وجاب طوبه
رائد: ايلاني تعال نلعب بابا
ايلان وهو يكوم من السياره ويقرب من رائد ويلعبون ثنيناتهم سوى ورائد يسوي روحه خسران حتى ايلان يفوز
ايلان بصراخ: كوووول
ناي: عمري الي يكول
وتين: هههه
ناي وتغيض رائد.: حبيب خالته الي يعرف يلعب احسن من رائد الجبير ميعرف
ماكملت جملتها ورائد ضارب الطوبه باتجاههه
ناي وهي تلزمها: ياحقيرر لو جايه براسي
رائد: ياليتها جايه
ناي: اووي شكد سخيف اروح اعدل شكلي احسن حخلص من وجهك دخلت جوى تعدل نفسها لان عمر قرب يوصل
ايلان: ماما شوفي شلون حسجل كول
وتين: اوك حبيبي
ابتسمت وتين وهيتشوف ايلان ورائد يلعبون وتذكرت من لعبه هي وفارس ودمعه وحيده نزلت مسحتها وهي تسمع صرخه ايلان الي وكع على وهو يلعب طوبه
ايلان: اااااي
رائد وهو يقرب منه:اشوف وين يوجعك حبيبي
ايلان بدموع:حلكي
وتين وهي تمسح دموعه:خلص حبيبي هسه شويه ويروح
رائد الي يتفحص وجه ايلان:مابي شي وكعه عاديه روحي جيبي معقم اعقم رجله انخدشت
وتين:اوك
دخلت وتين ركض للبيت تجيب قطن ومعقم
رجعت وتين ركض وهي جايبه معقم وايلان بحظن رائد يبجي ورائد يمسح دموعه
رائد:خلص يبابا
ايلان:يوجع
وتين:اني مو اكلك لتركض
ايلان بدموع :العب جنت
رائد وهو ياخذ من وتين المعقم ويحطه على قطن
ايلان:مااريد يحرك
رائد:ميوجع بس شويه يالله انت بطل صح حبيبي
ايلان بدموع:لا ماريد
وتين وتسمح على شعره:بس شويه يحط حتى يطيب الجرح
رائد قرب من رجله وهو يعقمها ويحط عليها لاصقات جروح
رائد:شفت يابطل متوجع ايلاني بطل شاله وهو يذبه بالهوى ويرجع يلزمه ويبوسه على خده وايلان يضحك بصوت عالي ووتين تضحك
كل هذا تحت انظار عمر الي جان واكف بسيارته قريب من بيت وتين واحساس بالذنب يموته لو مو هو جان هسه بدل رائد فارس جان هسه ايلان ابن فارس ووتين زوجته بس هو الي فرقهم بسبب عض شفته بغضب من العصابه وهو يتوعد اله يتنقم منهم طلع تلفونه ودك على ناي
ناي:هلو حبيبي
عمر:هلو حياتي اني على الباب
ناي:اوك حبيبي هسه طالعه
طلعت ناي من البيت قربت من وتين باستها وحظنتها
ناي:ديربالج على نفسج ولتضوجين
وتين:انشاء الله
قربت ناي وحظنت ايلان وباسته وتريد تتجهه ناحيه رائد بس وكفها صوته
رائد:وين يالاخت ترى زوجج يكفخني اني مو اخوج عدهم زوج اختج
ناي:يبوو نسيت
رائد:دروحي روحي ديراقبنا
ناي:بيباي
توجهت ناحيه السياره فتحت الباب وركبت
ناي:هلو حبيبي
عمر:هلو حبيبتي
ناي:شلونك
عمر:تمام
ناي:شبيك شو مو احسك على بعضك
عمر الي فارس منبهه عليه ميكول لاحد:تعبان شويه مانمت
ناي:ليش شنو شصاير
عمر:فارس جان بالمستشفى وضليت وياه
ناي:ليش شبي
عمر:قرحه بالمعده
ناي: قرحه م ن وين جته
عمر:ماشايفته شلون مهمل نفسه الحمدلله على الاقل قرحه ولاغيرها
ناي:يي هم اشوى
سكتت ناي وهي تشوف عمر وهموم الدنيا كلها تحسها شايله وشكله تعبان تنهدت اكيد فهذا اخو صح هيتحب فارس وتعزه وماطلع من عنده اي غلط تتمنى لو يتصلح الوضع وترجع وتين لفارس ويتربى ايلان بينهم ثنيناتهم يحبون بعض ميستاهلون تنهدت وهي تشوف عمر مكتئب لزمت ايده بايدها وضمتها
عمر ابتسم بسمه خفيفه رفع ايدها وباسها
عمر:الله لايحرمني منج
ناي:وله منك
ثاني يوم موعد دوام وتين ورائد
كعدت وتين لبست هاي اللبسه 👇🏻
