اخذ رائد ايلان لغرفته وهو يمسح دموعه ويحط ثلج على خده حتى نام كعد رائد يفكر باللي صار وهو متندم على رده فعله تجاه وتين بس ماتحمل من دخل وشاف ايلان غاصص من الضربه وميتحمل يشوف اخته هيج تعبانه وحزينه على واحد عافها
عند وتين....
دكت ناي ع وتين
وتين(بشهگة): اٰ اٰ الوو
ناي: وتييين! شبيج؟
وتين( وهي تبجي): ن ن ناي مخنوكة
ناي: اش اهدي اني جايتج لتبجين خلص
سدت ناي التلفون وهي قلقانه ع اختها التفتت ع عمر الي جان ديسوق: عمورتي😁
عمر: عرفت عرفت بس لتطولين اشتاقلج
ناي وهي تگمز تبوس خده: يمه بعد گلبي قلبوشتيي
عمر: ههههههه وجر ايدها وحطها بيده عالگير وهو يسوق
وصلت ناي ونزلت لگت البيت مابي اي صوت صعدت لوتين شافتها ميته من البجي....ركضت وحضنتها
ناي: وتين وتين شبيج منو وياج احجي
وتين: تعبت تعبت ناي تعبت اني بشر عندي احساس عندي گلب تره.. تعبت امثل اني قويه وماصايبني كلشي... احبه؟؟ اي اي بعدني احبه وحبي اله ديريد.. اغار عليه؟ اي اغار عليه وهالشي مو بيدي.. يجيني هسة رائد يرزلني ع شي والله مو بيدي شسوي ناي شسوي والله ماجان قصدي اضربه لايلان بالغلط والله
انقهرت ناي ع اختها وحضنتها وبقت تلعب بشعرها بهدوء الما نامت... وطلعت ع رائد
طبت ناي لغرفه رائد لگته صافن
ناي( بعصبيه):رائد شسويت انت
رائد رفع عينه عليها وبقى ساكت
راحت ناي ووكفت بوجه: رائد مو عيب عليك هااحجي الي كايله الوتين هاي وانت تعرفها
رائد: ناي مدشوفيها تره اوفرت بالموضوع وهو طلكها ميستاهلها وهي جايه تطلع عصبيتها عالطفل
ناي: رائد انت كل الزين تدري وتين شنو ع ايلان... اما عن فارس.. انت متعرف فارس شسوه الوتين.. مو لحالها تحبه وتين جانت مريضه قلب وفارس حبها ورادها وساعدها ووكف وياها وبعده تره يحبها... ومسوالها شي تكرهه فجاة عافها ومندري بالسبب شنوه لتحجي وتصرح من كيفك كلامك قاسي وياها رائد ووتين مااسمح لاحد يزعلها
رائد: ناي ولا اني اقبل احد يزعلها تره مثل ماهي اختج اختي همين.. صدكيني عين انتي وعين هي... انتوا احلى شي بحياتي ومستحيل افرط بيكم... بس لحظه عصبيه طلعت
تنهد ناي وراحت يم رائد حضنت راسه وهو تشوفه مقهور لان زعل وتين: خلص رائد لتضوج هسة نراضيها يلا كوم... حضن رائد خصر ناي الي جانت واكفه وهي حاضنه راسه بأخوة وهو يفكر بكلامها صح وهو غلط بحق وتين.. وخرت ناي ولزمت ايده واخذته وياها ع وتين...
طبوا للغرفه وتين تبجي ومنطيه ظهرها... راح رائد من وره وحضنها: اني اسف وتين والله مااقصد انتي اختي وحبيبتي وتعرفين غلاتج عندي ݕس لان شفت ايلان هيجي انقهرت عليج والله... اندارت وتين ع رائد وحضنته... ولا يهمك اني مزعلانه منك انت حقك
جتي ناي تركض وهي تفوت بيناتها وتحضن رائد من جهة ووتين من جهة... كولوا شكراً لوجودج بحياتنا
رائد: اكبر غلطه
ناي ضربت رائد ع راسه بخفه: يول
رائد: ههههه
وتين: صدك شكراً لوجودج بحياتنا احبج نايه
ناي: واني اموت عليج وتيني
رائد: زين واني
وتين: طبعاً نحبك.. احبك رودي
ناي: مااحبك... اا اقصد احبك رودي😅
رائد وهو يرفع ايده من حضن ناي ويضربها بخفه: ولا تعقلين انتي بس ميخالف هم احبج
وتين: جعت
رائد وهو يبتعد من حضن ناي ويكوم: اجيبلكم اكل من بره واجي
ناي: بيتزاا
رائد: اوك تتدللين وانتي وتيني شتريدين
وتين: بيتزا هم
رائد: من عيوني
رائد: يلا اني حطلع اذا ردتوا شي كولولي
ناي:اوك
صعدت وتين لغرفه رائد تشوف ايلان دخلت لكته نايم كعدت على طرف الجربايه وهي تمسح على خده الي لونه احمر من ضربتها نزلت دموعها وهي تشوف وجهه ومتندمه على الي سوته قربت من عنده وباست خده
كعد ايلان وهو يشوف وتين تبجي ولازم ايده وخر عنها بخوف
وتين بدموع:اسفه ماما ماجان قصدي اضربك
ايلان: دايما تضربيني وتكولين مو قصدي
وتين:والله هاي اخر مرى بعد مااضربك وعد
ايلان وهو يشوف وتين تبجي :وعد
وتين وهي تقرب منه وتحظنه:وعد والله بعد مااضربك
ايلان:طيب خلص سامحتج
قربت وتين من ايلان وباسه خده وايلان مد ايده يمسح دموعها
ناي بابتسامه:خلص تصالحتوا
وتين بضحكه:يي
ناي:يلا تعالوا اجه رائد
نزلوا ناي ووتين شايله ايلان بحظنها
رفع رائد راسه وهو يشوف وتين شايله ايلان ابتسم
رائد:يلا تعالوا
كعدوا ياكلون
ايلان:ماما اريد ببسي
وتين:حبيبي عصير احسن ببسي مضر
ايلان بتمثيل:ااااي خدي يوجعني اريد ببسي
رائد وناي:ههههههههههههههههههههههههههه
وتين بغيض طته ببسي
رائد:هههههه دينتقم والله هالولد ذكي
ناي:ههههه
وتين:انجبوا
رائد يغيض وتين وياشرلها بحواجبه على ايلان الي دياكل بيتزا والايد الثانيه يشرب ببسي وموصخ روحه ووتين تباوع عليه منقهره بس متكدر تحجي باوعت على الببسي الي انطش على قميصه
وتين:ايلان حبيبي اوكلك اني
ايلان:لا
وتين:ايلان ماما تجرب العصير
ايلان بغيض:خدي
وتين:تمام تمام سكتنا
رائد وناي:ههههههه
ناي:عادي وتين كل الجهال هيج ميضر اذا شربه بين فتره وفتره
وتين:طيب
كعدوا ناي ووتين ورائد يحجون وايلان يلعب بعد مابدلتله وتين
بعدين راحت ناي وصعدت وتين تنام هي وايلان ورائد نفس الشي
عند ناي
واكفه كدام المرايه تمسح مكياجها وفجاه حست على عمر يحظن خصرها بايده وراسه حاطه على كتفها
عمر بحب:صاير اغار من وتين وايلان كل وقتج عدهم
ناي بضحكه:لا حبيبي مو صارت مشكله بسيطه ورحت وله اني مااستغني عنك
عمر وهو يلف خصله من شعرها حولين اصبعه وبابتسامه:يعني منستغني
ناي بهيام:لو امووت مااستغني عنك انت روحي
عمر وهو يحط اصبعه على شفتها ويقربها اكثر لحظنه: هس مااريد اسمع هاي السيره اكثر
ناي بحب:احبك
عمر وهو يشيلها بين ايديه ويقرب من عدها ويدفن راسه بشعرها
عمر:واني اعشقج
ناي:واني اموت عليك انت حبيبي وحياتي وروحي وقلبوشتي كل شي حلو انت
عمر ويقرب من عدها ويبوسها
عمر وعينه بعيونها: انتي هيامي
ثاني يوم
كعدت وتين بدلت ولبست هاي اللبسه👇🏻
