وحيدة بين يدين أسد

بارت 10

كعدت على صبه يم الباب واني افكر اشلون باجر شسوي ياربي ساعدني اتجاوز هذه الصفحة اني ما احب اضم شي عليه بس اوووووف تعبت لازم اكله اي احس دمي جمد بعروكه من البرد طبيت كانو مشغلين حطب والجاي عليه والريحه اتخبل اعشق ريحت الحطب كعدت على التراب يم النار اريد ادفه وهم مشغولين يخططون واشلون يجرون رجلهم طلعت الفون وحطيت السماعات باذاني واغنيه وليد الشامي(صدمه ) واحس روحي بغير مكان وسرحت بحياتي واشلون جاي تمشي عكس اخخخ كلتها بدون وعي اجه علي سارة ... دغني بيدة وخرت السماعات... ها .... شبيج.... انت اشبيك... انتي كلتي اخخخ شعدج ... ههه لا بس هيج حسبه ابالي لا تخلي ابالك شي ... اوكي يله كومي ... اوكي طلع جنطة اسلحه بيها مسدسات و بندقيه و قناص واهواي اسلحه ماعرفها... هههه هاي شنو السالفة كلها الك جا شخليت للعالم كلها عندك ماشاء لله... اول شي نتعلم على المسدس وهاذا الكاتم واتشديه اهنا اني شايفته بس بلافلام ابد مالازمته، ،اوكي انطاني المسدس اثكيل كلش .. منا اتسحبين أقسام وهاذا زر الامان اذا تردين ترمين اتشيليه واذا لا اتحطيه على الامان اوكي... اوكي واتعلمت عليه وعلمني اشلون ارمي بدون ما اتأذه واكو علامات بلحايط لازم اصيبها و من اول طلقه جبتها كال والله ماكو منج من اول مرة لا من صدك بميت رجال... هههه شهادة أعتز بيها.. كملي اتعلمي عليه اوكي ... اوكي عافني وراح من ابعيد ايباوعلي واني كملت كلها بمكانها تجي الحمد لله اتعلمت عليه ابسرعه ... ايكول لمهند مثل زرقاء اليمامة هههههه ومهند احسه مفتخر بيه و بعد علمني اشلون افسخه والرجع اشده واني تعبت ونعست صارت الساعة 5 الفجر واني نعست كلش ... اني راح امدد اشويه ... فراس كال لاتنامين...، اني نعسانه كلش ... ميصير لازم تتعلمين تسيطرين على روحج وبعدين تتعلمين اشلون ...اوكي بس اشويه. ، ..ضحك اوكي بس عيني عليج... اوكي ... مددت على القنفه بلكراج و غمضت اعيوني كنت على اوجه الاستعداد للغرق بحلم حسيت بمي بارد و احساس التجمد صعب اجه بوجهي واني اطفر من مكاني وامسح وجهي بايدي وبكل غضب اباوع منو كان علي واكف وبيدة دولكه المي وامبين تعبان جدا... هااااااي شنو .... كالج فراس ميصير اتنامين ليش ماتسمعين كلام ...لاوالله، ،،،، كان يمي كوب مليان مي شلته واني اغلي من الغضب و ذبيته بوجه كله وبقت كم قطرة بيه رجعت ذبيتها عليه وهو مصدوم كأن على رأسه الطير .. ورجعت كعدت واني اهدء... اكرة هاي الحركات لاتعيدها بعد فهمت... اجه مهند يركض ساررة شنو هاي مو عيب عليج علي امسحها ابلحيتي اتحملها علمودي تتخبل اذا نامت و واحد كعدها بس حاصر الضحكه اجه فراس وبيدة المنشفه. ويكله امسح وجهك ويضحك ... علي باوعلي كان لو بيدة كان كتلني باسلحته من نظراته بس فاجئني وابتسم بغرور أخذ المنشفه وانطاني ايها واني استغربت صراحه ،،، نشف روحك ما اريد اخذها وراح طب للبيت واني كمت طلعت برة وانتجيت على الباب وطلعت جكارة ورثتها واني اسرح بابتسامته شكد حلوة اووووف اشلون اخلص منه دك الفون اتوقعته مسلم رديت بدون ما انتبه الاسم(استاذي )الووووو مسلم ممكن بعدين اشرحلك لان حاليا تعبانه... شنو تعبانه من رشك الناس بلمي... وخرت الفون وباوعت للاسم ياااااا.. اه اسفه حسبتك... عادي ... يعني اني شنو بجنوب أفريقيا واتخابر عليه... هههه ما اكدر احجي كدام اخوج لو عادي بلنسبه اله.. ... هااا اي شنو الحجي الي ماتكدر تحجيه كدام اخوي،،، احس كلبي دكاته اتخربطت .. حركاتج هاي راح اتدفعين ثمنها غالي يالله يحجي بغرور بس ايلوك اله،،، ههههه اي هو منو البدة اني اموديه عليك ... بعدين اراويج حظج باخوج اشكريه لان اجه ....هههههه لازم اشكره طبعا ،،... .... انتي وين شو ماكو بلكراج... اني وكفه بلباب الخارجي... اوكي طبي جوة لا واحد ايشوفج... حاظر.... طبيت لكيته واكف و ايدة على ظهرة امبين كلش تعبان و يكابر مايكول ... مهند،،، اليوم الريوك على احسابي بس لاتتعودون اليوم وبس ... علي باوعلي ..... كتله اي والله اني كلش جوعانه... يبو انتي دومج جوعانه ... يله فراس كوم انروح نتريك ،، اخذت جنطتي وركبت ويا مهند شغل السيارة بس ماترضى تشتغل كال اهووو مو وكتج ابد حاول كم مرة بس الظاهر عطلت... علي كال تعالو ويانه واني اصلحها واجيبها الك بعدين... اوكي يلة سارة فتحلي الباب وكعدت ورة علي اجت عيني بلمرايه وهو ايباوعلي نزلت عيني و طلعنا الطريق طويل نمت بدون ما احس ،،،،،، كعدت على مهند ايكول وصلنا باوعت كلهم نازلين وبس اني ومهند مسحت وجهي وعدلت روحي ونزلت اباوع .... مهند كال علي هاذا المطعم امنين اتعرفه امبين كشخه وحلو كال من زمان اعرفه ... طبينا كعدنه يم الحايط بس كان بيه ناس قليله بس المفاجئة بطلبهم طلبو باجه يبوووو اكرها وما أطيقها بس فراس مايحبها خطيه اينكتون عليه هاذا اكل الزلم الخشنة انته شنو تاكل جبن لو بيض ولك اكل الباجه احسلك انت شكو اكله بيها خير ماتحبها وانتي سارة اتحبيها مو ،،،،،ههههه كلش .... شفت ابنيه وتاكلها وانته ظل هيج .... فراس اني اكل وياك ولا يهمك اوكي .... علي ،،هاي من صدكج تاكلين وياه واني طلبتها علمودج... اني ما اكلها اكرة ريحتها .... ابكيفج بس انصحج تاكليها بعمرج ماتتندمين والله اتخبل ... لا بلعافيه عليكم مرة ثانيه اجربها وياكم... اجه الريوك وعلي ومهند طاحو قتال على الباجه والله خطيه هاذا الحيوان ماكو شي بي ما ياكلو ...فراس قدم الجبن والمربى يمي وانطاني الجاي كتله انطيني صمونه انطاني اثنين اتريكنه بصمت ما احب احجي واني اكل ... بس علي ومهند يتناكرون على الباجه كمت وكفت وشلت صينيه الاكل اتسكتون لو اشلون ... علي ومهند ايباوعلي بنظرات غريبه ... اكلو وانتو ساكتين ممكننننن... رجعتها لمكانها وكعدت اكل وفراس ايكول والله قويه مهند متأكد هي اصغر منك ... وانت همات اكل بهدوء... كملنا اكل والجو هادي كالو انريد جاي ،،،،، اني اريد كهوة بليز محتاجتها .... طلعنا وصلنا مهند للمكافحه و علي كال وين اوصلج، ،،،، للكليه بلا زحمه عليك، ،،، اوكي.... وصل فراس لبيتهم واني كاعدة وراه كال شنو سواق عندج كومي كعدي كدام..... حاظر اي أوامر بعد .،،، نزلت وكعدت بهدوء اختلس النظر له بين الحين والآخر وأرى عيونة المحمرة من السهر والتعب خطيه كسر خاطري قطع افكاري صوت الفون طلعته من جيبي رديت واني اباوع عليه، ،، الوو، ،،،، سارة ،،،،،،،اشتاقيت لصوتج..... سكتت هذا محمد اشلون عرف رقمي الجديد اشلون اخلص منه ياربي .... سارة ممكن اتسمعيني اني احبج والله و ما اكدر بدونج بدون ضحكتج او صوتج او نظراتج، ،،، اي وبعد شنو رايك اشغل موسيقى حزينه علمود تكمل اني مو كتلك بعد لا تتصل واني ما اطيقك يا اخي احترم نفسك ماعندك كرامه كل يوم هاي الاسطوانة القديمه اني كتلك انتهينا ليش ماتفهم.... ما اكدر اعيش من دونج ليش انتي ماتفتهمين ما اكدر والله ما اكدر، ،،،،،،،، اوووووووف انت يا للغه تفهم هي بلغصب خوما بلغصب ما اريدك كافي كل يوم طافر كدامي يا اخي ماعندك عزت نفس انت من يا طينه سديت الفون ابوجه وسويتله حظر واني امعصبه كلش ...... هذا منو ،،،،،درت وجهي لكيت علي وجهة احمر ومرتبك.... واحد تافهة، ،،، هااااا،،،،،، درت وجهي وخلال نص ساعه وصلنا نزلت واتشكرته على التوصيله وهو اكتفى بهز رأسه بكل برود وراح واني اباوعله هذا اشبيه اي بس هذا الناقصني.... بعد وكت على المحاظرة طبيت للمكتبه واخذت كتاب لعل وعسى انسى الموضوع وأهدي اني انغمست بلكتاب واحس شخص يتقرب مني وبعدين حظني اني جمدت درت وجهي لكيت نور حاظنتني حطيت ايدي فوك ايدها... صباح الورد يا كلبي كالت نور، ،،،، صباحج عسل مثلج ....