وحيدة بين يدين أسد

البارت 4

أنا أنثى.. لكن في وقت الشدة تجد فيني رجولة أقوى من تلك التي توارت خلف لقب رجل الذي حمَلك إياه القدر.. بالخطأ.

وصلنا للبيت نزلت ماما .....واني همات بابا بس اجيب الفكس واجي ،،، خوش خلي اشرب جاي علما تجين .... اوك طبينا كلنا لكينا مسلم فاتح الثلاجة ويسوي ريوك كتله صباح الخير رد عليا ... هلا باختي الجبيرة.... ضحكت من اترد اوكف عدل وانته تحاجيني وطك تحية ..حاضر سيدي الله يكملك بعقلك ومشيت صعدت لكيت الباب مفتوح طبيت لكيت الباكيت الجكاير ماخوذ منه عرفته مسلم لان اني ادخن مرات رجعت قفلت الباب وطلعت جكارة ورثتها وكعدت اشرب بهدوء تام
خطر على بالي الولد الي حظني لحد الان احس بريحته شكد طيبه وانو شكد حلو يبو اشلون افكر هيج ميصير سارة كومي يلة وراج دراسة كومي خلصت تدخين و ذبيتها بل الحاوية كمت ادور على الفكس والجنطة ركضت جبتهن كبل لا انزل اتذكرت نظاراتي صارلي يومين ملابستهن زين اتذكرتهن نزلت لكيت بابا يأكل هوة و مسلم بابا كوم كلت بس جاي اتحول لريوك .. اي بابا كمت ... كام غسل ماما جابت العطر واترشله... اي عيني منو كدك اتدل الحجي كام يضحك... طلعنا ذكرتيني بأيام زمان من امج اتداريني هسة تعبت واني الي تعبتها... الله يخليك ذخر الها والنا.... حبيبتي انتي سولفيلي شلونها الكليه ،.... ركبنا وشغل السيارة وطلعنا الحمد الله بابا مو تنساني من تدعي فدوة ....ان شاء الله بنيتي... طلعت الفون وديت مسج لمسلم اذا اتريد الباكيت اخذة فدوتك
رد .،،، لااا هسة اشتري بس الصبح مالي خلك اطلع .،،، لا عادي حبيبي  ..، اروح سبع فدوات للبنات.....حبيبي يلا باي.. وصلنا نزلت كلي بابا اني اريدج متخافين وتتعودين اليوم ما اجيج فاركبي عبرية مو تكسي وشوفي منو من البنات تعرف ابو خط يلة بوية بأمان الرحمن ... رحت طبيت لكيت نور كاعدة بلحديقة بس شافتني اجتني حظنتني واني هم بادلتها الحظن وخرت عني وكالت اني منتظرتج من التسعة ... ليش شكو .... لا هيج بس ماعندي غيرج... .اكلج هم اتعرفين شاب هيج حلو و لابس كب هذا الي شفته امس رفعت راسها ......  هذا واشرت عليه... اني ماشفته من طبيت.. ....  ليش اتأشرين اي منو هذا...، هذا أستاذ علي .... اني انصدمت يبو ما طحت اله بيد الاستاذ خرب حظي.... كالت وبعد اشوية محاضرتة... يعني هم يجينا... طبعا ولج شوفية اشلون ايخبل.... انجبي وسولفتلها على الصار ... يبو شجابة يمج وشكو اتحاجية ولج كلش عصبي و مزاجي بس هوة محترم لا اتحاجية بعد .... كليلي اشلون اطب محاظرته هسة يبو ........ انتي متريكة........ اي ... اني بعدني خلي انروح للمقصف اشتري شي جوعانه ..... جيبيلي وياج باكيت جكاير احس مخي راح ايسيح ....... يا عزاا اتشربين جكاير ...... انجبي راح اتفضحينا يلة ابسرعة... راحت واني طلعت نظاراتي ولبستهن بلكت ميعرفني يبو عليه شنو من حظ ورة خمس دقايق اجتي وجايبتلي اني خذتهن ردت اروح للحمام بس نور كالت اكل ابسرعة واجي وياج انتظريني ابسرعة اكلت ورحت لكيت الحمام كلة ريحت دخان وجم ابنية اتدخن وكفت طلعت الجكاير اشربت وحدة و نور كالتلي بس اجرب حبابه انطيتها وحدة واني خلصت شو هاي كامت تتطوطح اني اظحك عليها شربتها مي و طلعنه رحنا للمحاظر اني ما مارة بهيج موقف ابد طبينا لكينا الطلاب كاعدين قبل خمس دقايق من بداية المحاظرة اني اتعجبت كل مرة قبل البداية الكلاس بدقيقة كلها تجي سالت نور شنو السالفة....كالت هو كلش دقيق بلوقت كعدنه وطلعت الكتب طب استاذ علي بكل هيبة هو انيق كلش يعني الجاكيت رصاصي غامق والبنطرون رصاصي والقميص ابيض وبدون كب جان شعرة طويل لحد رقبته بس كلش لايكله وطالع ايخبل اول ما طب اجت عيني بعيونه يبوووو شنو اسوي هسة يا الله فوضتك أمري كال صباح الخير ردو الشباب صباح النور استاذ جان اجتماعي كلش يضحك ويسولف ويا الطلاب والطالبات جم مرة شفته كاعد وياهم المهم بلش المحاظرة واني بس اباوع بعيوني وكل اشوية تغمزلي نور اتكلي اويلي على حظج وتضحك واني اخاف اكثر أخذ التوتر ماخذة مني نظراته حركاته كلها توحي أن هو عرفني اني ما خايفه منه كاشخص لا خايفه منه كأستاذ .........